Otea 2:23 - Te B'aib'ara

²³ N na kaamae n uniki taian ati ao ni kaota te nanoanga nakon Roo-Ruam'a. N na kaangai nakon Roo-Ammi, “Bon Au aomata ngkami,” ao a kaeka ni kaangai, “Atuara Ngkoe.”

Otea 2:23 Iomraidhean Croise

Taian Areru 118:28

Bon Atuau Ngkoe, ao N na katituaraoiko; N na kaotiota kakannatom.

Taian Areru 22:27

A na bane botannaomata nako i aonnaba n ururinga te UEA; A na bane botannaomata n rairaki nakoina n taromauria.

Taian Areru 68:31

Ane a na roko mai Aikubita taan tei i bukin te tautaeka; Ane a na aantaeka I-Itiobia.

Taian Areru 72:16

A bia bati uaa i aon te aba; A bia kirimto uaa i aon tabuki, n ai aron uaan aon Reb'anon. A bia kaonaki nanoni kaawa irouia aomata, n ai aroni kaonan aon te aba n uteute.

Ana Anene Toromon 2:16

Raou ae e tangiraki, Am b'ai ngai, ao au b'ai ngkoe, ngkai ko kaam'arakeia am tiibu i buakon taiani kiebu.

Itaia 44:5

A na taromauriai ao a na riki b'a au aomata. Ane a na korea arau i akuun baiia.

Ieremia 16:19

Ara UEA, boni Ngkoe ae Ko anganai te korakora ma ni kaawakinai kaanga te nono ngkana I reke n te kangaanga. Ane a na roko aomata ni kawarai man taiani botannaomata aika a raroa nako ao a na kaangai, A taromauri anti ni kewe aika a akea manenaia Ara bakatibu.

Ieremia 30:22

Kam na riki b'a Au aomata, ao Ngai N na riki b'a Atuami. Bon aei Au taeka Ngai ae te UEA.

Ieremia 31:27

N te bong teuana, a na riki Iteraera ma Iuta b'a Au tawaana ike a na rikirake iai Au aomata ma Au man.

Ieremia 32:38

A na riki b'a Au aomata, ao N na riki b'a Atuaia.

Ieremia 33:26

Ao N na bon karaoa naba aron anne; b'a N na aki katinanikuia naba ana kariki nako Aberaam, Itaaka, ao Iakob'a ke n urua Au berita are a na teimatoa n riki ana kariki Tawita b'a aia Uea. N na akoia Au aomata aika Iteraera, ao a na manga okira aroia n teetekeraoi.

Etekiera 36:29

N na kaawakiningkami mani b'aai aika kam na kam'araa iai. E na taonako ami tawaana n taiani uita, ao akea ae e na manga baki.

Otea 1:6

Tabeua te tai i mwiina, e a manga riki natin Nei Komera te aine, ao E taku te UEA, “Aranna b'a Nei Roo-Ruam'a, b'a N na aki manga akoi teutana ao ni kab'araa ana bure Iteraera.

Otea 8:2

Iteraera, kam taku, “Ti atongko te UEA, b'a Atuara Ngkoe.”

Tekaria 10:9

E ngae ngke I kamaaenakoia Au aomata nakon aaba aika a raroa nako, a na aki m'aninga taekau. A na manga oki natiia ngkana a ikawai

Tekaria 13:9

Ao i mwiina, N na kaitiakia ma ni karaoia b'a a na kataaki, kaanga te koora ma te tirewa ngkana a kaitiakaki ma n tuoaki. Ane a na tataro n arau, ao N na kaekaia. N na kaangai, “Au aomata ngkami,” ao a na kaeka ni kaangai, “Bon te UEA Ngkoe ae Atuara!”

Tekaria 14:16

Ao i mwiina, naake a tiku b'a nikira ni maiu man aaba ake a buakana Ierutarem a na nako ikekei ni katoa ririki n taromauriia te UEA ae moan te m'aaka, ma n ira kauringaan te Toa ae M'aanga ni kaai.

Tekaria 14:9

Ao ane e na riki b'a bon ti temanna te UEA are E tautaeka kaanga te Uea ae e taromauriaki arana n te aonnaba.

Tekaria 2:11

Ngkana E karaoa anne, a na bati botannaomata aika a na rairaki nakoina ma n riki b'a Ana aomata. Ao ane kam na ataia iai b'a bon te burabeti mairoun te UEA ae Moan te M'aaka.

Maraki 1:11

E neboaki arau man te karangaina ni karokoa te airoo irouia botannaomata ni kabane n te aonnaba, ngkana a kabuoka te b'ai ni kaboiarara ma n anga te karea ae e boni kaantaningaaki nako iu.

I-Rom 3:29

Ti Atuaia I-Iutaia te Atua, ao tiaki Atuaia naba aomata aika tiaki I-Iutaia?

Iakobo 1:1

Mairoun Iakobo, ae ana toro te Atua ma te Uea are Iesu Kristo; nakoia ana aomata nako te Atua ake a uamaae i aonnaba; kam na mauri.