Otea 2:18 - Te B'aib'ara

¹⁸ N na kariaia b'a ko na maeka ma te rau-ko na aki manga buakanaki irouia maan aika a aki manana ao mannikiba ke ana b'ai ni kamaamate man te buaka.

Otea 2:18 Iomraidhean Croise

Iobi 5:22

Ane ko na ngare n tain te kangaanga ma te baki, ao ko na aki maakui maan aika tiritiri.

Iobi 5:23

Ane a na akea atiibun te tawaana ae ko kamaraua aona; ao a na akea maan aika tiritiri aika na roko n aki karauko.

Taian Areru 148:10

Ma maan ni kabaneia aika manana ma aika katam'anti, ma maan aika kawakawa ma aika kibakiba.

Taian Areru 23:2

E kakamotirawaai n taabo aika a maiureirei aoia. E kairiirai nako rarikin neei aika rau raniia.

Taian Areru 46:9

E katoki taiani buaka i aon aaba nako; E otei kainikatebe ma kanoani kainikatebe; Ao E kabuoki n te ai taian otanga

Itaia 2:11

Ngkana e roko te UEA, ao a na kananorinanoaki aomata ngkoa ake a kamoamoa, ao e na neboaki te UEA n ti ngaia.

Itaia 2:17

Ngkana e roko te bong anne, ao a na bane aika a kamoamoa ni kab'akaaki. Bon ti te UEA ae e na neboaki.

Itaia 2:4

E na katoki taiani ngurengure imarenaia botannaomata. Ane a na urui aia kabaang ma aia kainiwai ni manga kariki b'a taian reeke ma tiabora; ane a na aki manga karika te buaka ke ni buakaniia i marenaia.

Itaia 26:1

E a roko te tai are a na anene iai kaain Iuta n te anene ae e kaangai: “E kaawakinaki ara kaawa Bon ara nono te UEA, ao e anganiira te tokanikai.

Itaia 32:18

Kam na maeka ma te rau, kam na maeka i aan te naa ao te mwianounou, ngkami, aika ana aomata te UEA,

Itaia 54:5

E tautaekana te aonnaba ni kabane te UEA ae Moan te M'aaka ae Atuaia Iteraera ae e Tabu. Bon te tia karikiko ao buum, ao e na bon kamaiungkami.

Itaia 65:25

Kameanti ma tiibu a na uaia n am'arake; raian a na kang uteute, n ai aroia nanai ni kao, ao naeta a na toki aia tiritiri. I aon au maunga are e tabu are Tion e na bon akea te kabuanib'ai ma te tiritiri.

Ieremia 23:6

E na rau Iteraera, ao e na kaawakinaki Iuta i nanon ana tai n uea. E na aranaki te uea b'a “Te UEA ae e anga te eti.”

Ieremia 30:10

Iteraera, bon au aomata ngkami, ma ngaia ae kam na aki maaku. Iteraera, kam na aki nim'atoaua. N na kamaiungkami man te aba are e raroa nako, man te aba are kam kataenikaiaki ngkoa iai kam na oki nakon mwengami ao kam na maiu ma te rau; Ane kam na mano raoi, ao akea ae e na konaa ni kakamaakuingkami.

Ieremia 33:16

E na mano Iuta, ni boong akanne; e na mena te rau i aon Ierutarem ao e na aranaki b'a, Te UEA ae E anga te Rau.”

Etekiera 34:25

Bon Au tiibu te botannaomata ae Iteraera, ao I karaoa Au berita ae e matoa b'a a na maeka ma te rau. N na kakionakoia maan aika a aki manana man te rereua ao te buakonikai, b'a aonga n aki maaku Au tiibu.

Etekiera 39:1

Etekiera ae natin te aomata, ko na kabuakakaa Koka ao tuangnga ni kaangai: Bon te tia tautaeka ngkoe i Meteka ao Tubara, ma I a riki b'a am kairiribai Ngai ae te UEA!

Tekaria 14:4

Ao E na tei i aon te Maunga are Oriweta i mainikun Ierutarem, ao e na bwenauaaki te maunga nakon uaitera, ni karaoa te m'arua ae warebwerebwe ae e biri mai mainiku ni wairio.

Tekaria 14:9

Ao ane e na riki b'a bon ti temanna te UEA are E tautaeka kaanga te Uea ae e taromauriaki arana n te aonnaba.

Tekaria 2:11

Ngkana E karaoa anne, a na bati botannaomata aika a na rairaki nakoina ma n riki b'a Ana aomata. Ao ane kam na ataia iai b'a bon te burabeti mairoun te UEA ae Moan te M'aaka.

Tekaria 3:10

Ao kam na maeka ma te rau ngkami n tatabemaningkami nako ao kam na kakukureia raoraomi n oin ami nne ni kureebe ao i aan oin arokami taiani biiku.

Tekaria 9:10

Boni Ngai ae te UEA ae N na uoti nako kaani buaka ao taian aoti mai i Iteraera ao Ierutarem. A na uruaki taiani kainikatebe ake a karaoaki i bukin te buaka. N na karokoa te rau i aoia botannaomata nako, ao e na tautaeka ami uea man taari nakon taari. E moa abanueana man te Karaanga are Iuberetiti ni kabuta te aonnaba.