Otea 2:12 - Te B'aib'ara

¹² E taku, “A anganai au tangira taian nnenikureebe ao taian aroka ake taiani biiku b'a boou i bukin te wene ni bure.” Ngkai, Ngai ae te UEA, N na urui ana nnenikureebe ao arokana taian biku; a na riki b'a taian b'ariko n uita uteute aika a kanaki irouia maan aika a aki manana.

Otea 2:12 Iomraidhean Croise

Taian Areru 80:12

Ko aera ngkai Ko kab'aka ooia are katobibiaki? Ae a roko iai aomata aika Ianena n iraei kaub'aina;

Itaia 29:17

Ao ane e na oneaki n te tai ae e waekoa buakonikain Reb'anon nakon te tawaana ni uita ae buakoako kaanga te buakonikai.

Itaia 5:5

Ao ngkai N na tuangko b'a tera ae N nang karaoia. N nang korei aroka ake oona ao N na kab'akai atiibu. E na toubekaaki au nne n aroka ni kureebe ma n tiku n uruaki.

Itaia 7:23

Taian nne n aroka ni kureebe aika teuana tengaa taiani kureebe i nanona aika booia teuana tengaa taiani m'akorokoro n tirewa a na manga bitaki nakon taian aroka aika a kateketeke.

Ieremia 13:26

Kam mareaki ma Ngai, ma kam aki kakaonimaki. Kam riki naba b'a ainen mataawa n aromi n taromauri anti aika a ribaaki i aon taian tabuki ma tawaana.

Ieremia 26:18

ngke e uea ngkoa te uea are Etekia i aon Iuta, ao e roko te burabeti are Mika man te kaawa are Moreteta ao e taku: “Bon aei Au taeka Ngai ae te UEA ae Moan te M'aaka, E na riai ni kamarauaki Ierutarem kaanga te tawaana, ma n tiku ni urubekebeke. E na onrake taiani maunga n taiani kai aika a kateketeke ike e tei iai ngkai te Tembora.

Ieremia 5:17

A na kana uaan arokami ma ami nanai ni man te botannaomata aei A na bon aki katuka te uaa teuana i aon ami kureebe ke arokami. E ngae ngke kam mano i akuun ami nono aika a matenten, ma e na bon uruaki naba ami kaawa nako ao a na bon tiringaki naba natimi.

Ieremia 8:13

N na kamaunaia, Bon taiani kureebe ngaia aika akea uaaia; taiani biiku aika akea uaaia ke baaia. Bon akea te b'ai teuana ae a tia ni karaoia ni b'aai ake I tuangiia! Bon aio au taeka Ngai ae te UEA.

Otea 13:8

ao n na raebitingkami kaanga te bea aine ae e iraeaki natina, n na kakerui riimi b'a kaanga aongkoa Ngai te raian ke maan ake a aki manana ake tabeua.

Otea 2:5

E aki kakaonimaki tinam. E rangi ni b'ainrang ao e taku, “N na biri n rimwiia au tangira A bane n roko b'aai mairouia kanau ma nimau, kunnikaiu te riinen ao te burae n tiibu, au b'a n oriwa ao te wain.”

Otea 5:14

Ma ngaia are, N na riki b'a te raian ae e tiritiri ni buakana Iteraera ao Iuta. N na buribaiia ma n uota nako te b'ai ae I tangiria, ao bon akea temanna ae e konaa ni katokai.

Otea 9:1

Ko na aki karaoa am bukamaru Iteraera ke ni kakarongoa n aroia botannaomata ake tem'angina. Ko a tia n aki kakaonimaki nakon Atuam. Kam karaoa kateia ainen matawa ngkana kanakoaki kunin te uita b'a kam kukurei n te m'ane are kam karekea.

Mika 3:12

Ao i bukim, e na kamarauaki Tion kaanga te tawaana, ao e na riki Ierutarem b'a b'ariko ni b'ai aika a uruaki, ao tabukin te Tembora, e na riki b'a te buakonikai.