Otea 14:3 - Te B'aib'ara

³ E aki konaa ni kamaiura Aturia ao a aki konaa ni buokiira taiani kaa ni buaka. Ma ngaia are, ti riai n aki manga taromauri bouannanti aika ti a tia ni karaoi. Ara UEA, Ko a tia ni kaota te nanoanga nakoia ataei aika akea aia karo.”

Otea 14:3 Iomraidhean Croise

2.Rongorongo 16:7

N te tai ae e aki maan i mwiin rikin anne, ao e nako te burabeti are Anani ni kawara Ata ao e taku: Ko mwiokoa uean Turia ao ko aki mwiokoa te UEA ae Atuam. Ma ngaia are, ko na bon aki konaa ni kataenikaia ana taanga ni buaka Turia.

Taian Areru 10:14

Ko taratara; ao Ko noori kabuanib'ai ma kaangaanga nako ao Ko tauraoi ni buobuoki n taai nako. E mwioko iroum ane kananoanga; b'a Ko buobuoka ane akea tamana.

Taian Areru 146:3

Tai onimakiniia aomata aika taani kairiri; akea te aomata ae kona ni kamaiu.

Taian Areru 146:9

E kakawakiniia iruwa akana maeka i abara; E buokiia aine akana a mate buia, ma ataei akana a mate tamaia; Ma E katekebuakaia akana buakaka.

Taian Areru 33:17

A aki onimakinaki aoti b'a a na karekea te tokanikai n tain te buaka: A aki kona ni kamaiua te aba ni korakoraia ae bati.

Taian Areru 68:5

Te Atua, are maeka n ana Tembora are tabu, boni Ngaia ae tabeakiniia akana aki tabeakinaki irouia aia karo. Ngaia naba ae tei i bukiia aine akana mate buia.

Itaia 1:29

Kam na mamaa n te buakonikai ae e uarereke are kam taataromauri iai taiani bouannanti.

Itaia 2:20

Ao n te bong arei ao a na karenakoi aia bouannanti aomata ni kabane, aia bouannanti ake a karaoaki n te tirewa ma te koora i bukin te taromauri.

Itaia 27:9

Bon ti teuana te kawai ae e konaa iai ni kab'araaki iai ni kabane ana bure Iteraera: a riai ni kamaaenikuni atiibu nako ake aia baonikarea beekan ao aia tabo n taromauri.

Itaia 30:16

ao kam taku, Ti aki! Ti na bon maiu ngkana ti biri nako n rawei maiura i aon aoti aika a biri m'aaka.” Ma ane a na biri m'aaka riki akana kakioingkami.

Itaia 30:2

Kam onimakina Aikubita i bukin kamanoami. Ma ngaia are, kam rawa nakon au babaaire. ao kam kanakoia ami taan uarongorongo nako Aikubita ni buubutiia aia uea buokami.

Itaia 31:1

Ko a reke n te kaangaanga ngkana ko nakon Aikubita i bukin buokam, ke ngkana ko mwiokoi taiani kaa ni buaka ake a katikitikaki irouia aoti ke taani buaka i aoia aoti. Ma ko riai n mwiokoa ao n onimakina te UEA ae te Atua ae e tabu ae Atuan Iteraera.

Itaia 31:3

Bon taian aomata naba kaain Aikubita. Bon tiaki Atua ngaiia. A bon karaoaki naba aia aoti man te iriko; a aki konaa ni maiu n aki toki. Ngkana e kaota m'aakana te UEA, ao ane e na tiringiia kaain Aikubita ao koraki ni kabane ake a mwiokoia. A na bane ni kaai ni b'aka.

Itaia 36:8

E tangiria ni karaoa te boraraoi ma ngkami uean Aturia! E na anganingkami uoua tengaa taian aoti, ngkana iai ami taanga ni buaka aika a konaa n toka i aoia.

Ieremia 49:11

Ma kam na katikuia ami ataei aika akea tamaia ao aine aika akea buuia.

Etekiera 36:25

N na tatauringkami n te ran ae e itiaki, ao kam na riki n tau i buku. N na teboki ni kanakoi b'aai ni kabane akana a kabaarekaingkami, ao N na kanakoi ami bouannanti aika a rangi n ribaaki.

Etekiera 37:23

A na aki manga taromaurii taian bouannanti ma ni karaoi m'akuri aika I aki kukurei iai. N na teboki aia bure ni kanakoi ma ni kaitiakiia, ao N na kaawakiniia man b'aai nako aika a na kam'araa iai. A na riki b'a Au aomata. ao N na riki b'a Atuaia.

Otea 12:1

E kabongnga Iteraera ni kakiokioa te ang man te rereua; keewe ao aaro n tiritiri a nooraki n taabo nako. A karaoaki taiani boraraoi ma Aturia; a anaaki b'aan te oriwa nako Aikubita.

Otea 13:2

Ao ngkai ko teimatoa naba ni karaoa te bure n arom ni korotamnei ma ni karaoi taian bouannanti aika taian tirewa aika bannan taian kao ataei. Ko tuangaki b'a ko na anga karea nakon taian bouananti aikai eng, ao ni kiiti naba ma ngaiia.

Otea 14:8

Iteraera, Katikui ami bouannanti nako! N nang kaekaa ami tataro ma n tararuaingkami. Boni Ngai te aroka are e mimitong arei, are oin ami kariki uaa,

Otea 2:17

N na bon kariaia naba b'a ko na atong araia antiia beekan aikai aika ko araniia b'a “Tooka”.

Otea 4:12

Kam kaantaningai bouananti aika taiani kai ao b'aai riki ake tabeua aika a karaoaki n te kai b'a a na anganingkami aromi. Ni wene ni bure n taian bangota e boni kaoti aromi n aki kakaonimaki nako iu, Ngai ae Atuami.

Otea 5:13

Ngkana a noora aorakiia ma manekaiia Iteraera ma Iuta, ane e na kakaaea buokana Iteraera mairoun Aturia ma ueana aika a korakora, Ma a na aki konaa taian uea ni kamaiuia ke ni kamao manekaiia.

Otea 7:11

Iteraera bon te mannikiba ae akea ana namakin, e kibakiba ni kawaekoa i marenan Aikubita ao Aturia.

Otea 8:6

Iai temanna mai Iteraera ae e karaoa te bouannanti anne i bukimi, ma bon te ti te Atua Ngai. Ai ngaia are, e na kamaaenikunaki n aki akaaka.

Otea 8:9

Ti te bo ngkoe ma te aati ae e aki manana are e bon toua nako kawaina i bon i rouna. Ko biri nako Aturia ao ko kabooia b'a raom n te buaka.

Iona 2:10

Ao te UEA, E tuanga te ika b'a e na mumutaa Iona i aon te bike, ao e karaoa tuangana te ika.

Tekaria 13:2

E taku te UEA ae Moan te M'aaka: N na kamaunai ni kabane taian bouannanti mai aon te aba ngkana e roko te tai arei, ao e na m'aninga te aba taekaia n aki toki. N na bon kamaunaiia naba aia burabeti nako ma tamnei aika a kam'araa akana a tautaekaniia.

Ioane 14:18

“N na bon aki kitaningkami ni kaaki taekami. I a manga okiringkami.

Te Tua-Kaua 17:16

E na aki riai ni m'aiti ana aoti te uea, ma ai moaraara riki taian aoti mai Aikubita. B'a E taku te UEA b'a akea ae na manga okira riki Aikubita.