Otea 13:9 - Te B'aib'ara

⁹ Iteraera, bon aei tokim. Kam na aki kaantaningaa buokami mairou.

Otea 13:9 Iomraidhean Croise

2.Rongorongo 28:23

E taku i bon i rouna, “A tia ngkai antin Aturia ni buokiia aia uea ni kataenikaiai. Tao ngkana I angakarea nakon taian anti aikai, ao a na bae ni buokai.” Bon anne te bure are e a kab'aka Aati, ao ni karokoa naba uruan Iuta.

Taian Areru 146:5

E a kab'aia te aomata ae onimakina Atuan Iakob'a b'a buokana, ae e mwiokoa maiuna i nanoni bain te UEA ae Atuana,

Taian Areru 33:20

A tiku ara kaantaninga iroun te UEA; Boni Ngaia otangara ao buokara.

Taian Areru 46:1

Boni nera ni katantan ao korakorara te Atua. E kaan n taai nako ni buokira n tain te kangaanga.

Taeka n Rabakau 6:32

Ma ngkana ko matu ma buun te m'aane temanna, ao ko na bon uruana arom ni uaan am nanobaba.

Taeka n Rabakau 8:36

Ma ngkana kam aki kuneai, ao kam bon kammarakiko i bon iroum, ao ngkana ko ribaai, ao kam tangira te mate.

Itaia 3:11

Tuangiia aomata ake a aki ongotaeka iroun te Atua ni kaangai, “Kam a reke n te kaangaanga ae moan te buubura E na manga riki nakoimi te b'ai are kam a tia ni karaoia nakoia tabem'aang.”

Itaia 3:9

Taraan moamoami e oti iai b'a ti te bo ami bure ma kaain Tootom, ao kam aki kataia ni karabaa. Kam a reke n te kaangaanga, ao kam a bon tia ni katokai i aomi ni kabane.

Ieremia 2:17

Bon am bure! Ko katoka iriiraku, Ngai ae te UEA ae te Atua,

Ieremia 2:19

Ane a na katuaeko am bure, b'a bon te bure ae moan te buakaka b'a kam kiitanai ao kam aki roko n te maaka te rekenikai. Bon aei Au taeka Ngai ae te UEA ae Moan te M'aaka.

Ieremia 4:18

“Kaain Iuta, ane a na rootaki nanomi n te maraki, ma bon ami kaairua ae e kam na katuaaeaki iai.”

Ieremia 5:25

Ao bon anne bukina ngkai I aki konaa ni kakab'aiaingkami!

Otea 13:4

Ngai ae te UEA ae I a tia n riki b'a Atuami man te tai are kam mena iai Aikubita. Bon ti Ngai te Atua ae kam ataia, bon ti Ngaia ae e konaa ni kamaiungkami.

Otea 14:1

Iteraera, rairaki! Oki rikaaki nakon te UEA, ae Atuam. E a tia ni kab'akako te bure.

Otea 7:14

A bon aki naba tataro nako iu; a ti tang ni korakai i aon aia kainiwene. A ribaai i bukin B'aara ao a korobiti rab'ataia i bon irouia, ma te kaantaninga b'a B'aara e na kakab'aia arokaia.

Otea 7:15

I reireiniia b'aai aika a atai, ao I kakorakoraia. Ao ngkai a manga iangoa kam'aneau

Maraki 1:12

Ma e ngae ngke kam katinanikuai ngkami aika ibonga n ami taeka ae e kaangai, “Akea te b'ai ae e rangi ni kakaawaki n ana baonikarea te UEA, ao akea manenan karea aikai.”

Maraki 1:13

Ko a rangi ni kam'araa n te aro are ko bon anga naba taian kanikina aika a buakaka nako iu. Ao kam uoti nako iu taian karea aika maan aika a kimoaaki maan aika a m'auku ke a aoraki. I konaa ni kariaia baikai?

Maraki 1:9

Bon te UEA Ngai ae Moan te M'aaka, ma ngaia ae kam riai ni karaoa ae N na kukurei iai. Kam a tia ni bure. Ao ngkai kam na nooria ngkana arona b'a tao N na akoa temanna mai roumi.

Te Tua-Kaua 33:26

Kaain Iteraera, bon akea te atua temanna ae ai aron Atuara; taian nang Ana kaanibuaka ngkana E m'ananga i aon taiani karawa ngkana E na kawariira ni buokiira.

Te Tua-Kaua 33:29

E a tia ni kamaiungkami te UEA ao ma n anganingkami taiani kakab'aia ae m'aiti riki nakon kakab'aiakiia botannaomata tabeua. Kaanga ai aron te otanga Ngaia ngkana E kamanoingkami ao bon ami kabaang ae mimitong Ngaia. A na bobaraaki ami kairiribai ma te maaku, ao ane kam na toubekai nuukaia.