Otea 13:7 - Te B'aib'ara

⁷ Ngkai N nang un kaanga te raian, n na bakairaa kaanga te reeb'ari ae wene n tataninga,

Otea 13:7 Iomraidhean Croise

Iobi 10:16

Ao ngkana tao I tokanikai, ao Ko aki ti torokaraniai kaanga te raian, ma Ko karaoi naba taian kakai ni kaikoakai.

Itaia 42:13

E m'ananga n oti nako te UEA kaanga te tia buaka ae e un, ma ni kabanea takaaruana ngke e tabe ni un ma ana kairiribai nako.

Ieremia 25:38

E a tia te UEA ni kiitaniia ana aomata kaanga te raian ae e kiitana b'angana. E a tia n onika te aba kakamaakun taiani buaka ma korakoran unin te UEA nakon te rereua.

Ieremia 5:6

A a tia aomata ni kakaitaraa ma ni katinanikua te UEA n taai aika a m'aiti. Tabeman kairiribai a buaka kaanga taian raian man te buakonikai ke taian kameaanti man te rereua. A na mamataukiroa kaawan nako Iuta ao a na raebitii konaiia aika a otinako kaanga taian reeb'ari.

B'aeb'aeti 3:10

E torokaraniai n ai aron te bea, e ewekai n ai aron te raian.

Otea 5:14

Ma ngaia are, N na riki b'a te raian ae e tiritiri ni buakana Iteraera ao Iuta. N na buribaiia ma n uota nako te b'ai ae I tangiria, ao bon akea temanna ae e konaa ni katokai.

Amota 1:2

E taku Amota, “E bekorara te UEA man te maunga are Tion; E rurunga b'anaana mai Ierutarem. A rai tawaana nako, ao a b'ata uteuten te maunga are Karemera.”

Amota 3:4

E kona ni bekorara te raian n te buakonikai ngkana akea kanana? E kona ni bekorara te raian ataei man b'angana ngkana e tuai reke konana?

Amota 3:8

Ngkana e bekorara te raian ao ai antai ae e na kona n aki maaku? Ngkana e taetae te UEA ae te Atua ao ai antai ae e na totokoa taetaekinan ana taeka?

Te Kaotioti 13:2

Ao te man are I noria ai aron te reb'ari, ao waena ai aroni waen te bea, ao wina ai aroni wiin te raian. Ao e anga m'aakana te rakon nakoina, ao e anganna naba ana kaintokanuea ma m'aakana n tautaeka ae korakora.