Otea 12:4 - Te B'aib'ara

⁴ E kaunrab'ata Iakob'a i Betaera ma te anera ao e tokanikai; ao i mwiina e buubuti ma ranni matana, e buubuti i bukin kakab'aiana, ao E taetae te Atua nakoina ikekei

Otea 12:4 Iomraidhean Croise

Karikani B'aai 25:26

Ao e bungiaki are te kauoman, ao e taua bukin waen Etau ni kamatoa, ma ngaia are, e aranaki b'a Iakob'a. Ai onobwi ana ririki ni maiu Itaaka ngke a bungiaki natina aikai.

Karikani B'aai 32:24

ao ngaia e tiku n ti ngaia imwiia. Ao e roko te mm'aane temanna ni kaunrab'ata ma ngaia ni karokoa e kan ngaina.

Karikani B'aai 32:25

Ao ngke e nooria te aomata arei b'a e aki tokanikai i aona, ao e orea rarikin Iakob'a, ao e tibanako riin bebeen Iakob'a.

Karikani B'aai 32:26

Ao e taku te mm'aane arei nakon Iakob'a, “Kanakoai b'a e a ngaina.” Ao e taku Iakob'a, “N na bon aki kanakoko ni karokoa ko kakab'aiaai.”

Karikani B'aai 32:29

Ao e taku Iakob'a, “Tuangai aram ngkai.” Ma e taku teuarei, “E aera ngkai ko tangiria n ataa arau?” Ao i mwiina, e kakab'aia Iakob'a.

Karikani B'aai 35:15

Ao e arana te tabo arei b'a Betaera.

Karikani B'aai 48:15

Ao i mwiin anne, ao e a kakab'aiaa Ioteb'a, “E bia kakab'aiaia ataei ni mm'aane aikai te Atua are a toro i rouna tamau ake Aberaam ao Itaaka. E bia kakab'aiaia te Atua are E a tia ni kairai nakon te bong aio.

Taian Areru 66:6

E kaoraa taari mani karikia b'a te aba ae m'auteretere; A nakonako ri nanon te karaanga ara bakatibu; Ti kukurei i rouna ngkekei i bukin ana m'akuri aika e a tia ni karaoi.

Itaia 63:9

E mwengabuaka te UEA ngkana e noori aia kaangaanga, ma a kamaiuaki iroun ana Anera. E nanoanga ni koaua te UEA, ai ngaia are, e kamaiuia ana Aomata. E m'aneia ni baina ao e uotia i nanon ririki aikai ni kabane.

Maraki 3:1

Bon te UEA Ngai ae Moan te M'aaka, ae N na kanakoa te tia uarongorongo are e na katauraoa te kawai i buku. ao E na karina ni kaoti te UEA are kam kakaaea i nanon ana Tembora. E na roko te tia uarongorongo are kam tangiria ma au berita, ao ae i aon kawaina.

1.I-Tetaronike 4:17

ao ngaira aika ti maiu n te tai anne ti na uotaki rake ma ngaiia nakon te tabo are a mena iai naang, ao ti na kaitibo ma te Uea i aani karawa; ao n te aro aei ti na memena n taai nako iroun te Uea.

Ebera 5:7

Ngke E maiu Iesu i aon te aba, ao E tataro ni bubuti ma te tang ae korakora ma ranni matana nakon Teuare kona te kamaiua man te mate, ao E ongo i Rouna i bukina b'a iai makan ma karinean te Atua i Rouna.