Otea 11:8 - Te B'aib'ara

⁸ Iteraera, I aki konaa ni kanakoko. I aki konaa ni kaaki taekam. N na kangaa ni konaa n uruaniko n aron are I karaoia nakon te kaawa are Atema ao Teboiim? I aki kona ni karaoia E nang korakora nanou i bukimi.

Otea 11:8 Iomraidhean Croise

Karikani B'aai 14:8

Ao a kawaerakeia aia taanga ni buakana uean Tootom, Komora, Atema, Teboiim, ao Bera nakon te m'arua are Tirim, ni buakaniia

2.Tamuera 24:16

Ao i m'aain tokina, a tia ni mate itibwi te ngaa aomata. Ao ngke kaanga e nang urua Ierutarem te anera, E a manga uringa nanona te UEA i bukin te karawaawata are E a tia ni karokoa ao E taku nakon te anera, “E a bati n tau anne! Tai katoka baim i aoia.” E riki te b'ai aei n te tabo ni kaaki kunni uita are ana b'ai Arauna are kaain Iebuti.

1.Uea 3:26

Ao e takaarua are bon tinan te teei ni kaangai, “Taiaoka! Te uea ae ko karineaki, tai tiringa natiu. I rangi n tangira natiu ma an angan neienne. Tai tiringnga.” Ao e takaarua neiere temanna ni kaangai, “E nako te kai korouaia mai i nuukana b'a ti aonga ni boraoi n akea natira.”

2.Uea 13:23

Ma E ataataiaomata te UEA nakoia Iteraera ao e kaota te akoi nakoia i bukin ana berita ngkoa nakoia aia bakatibu ake Aberaam, Itaaka, ao Iakob'a. E bon tuai man tannako ke ni kariaia b'a a na kamaunaaki n tiringaki.

2.Rongorongo 36:15

Ma e nanoangaiia ana aomata te UEA ae te Atua, ao e aki uruaka te Tembora, ma e a kanakoia taiani burabeti are e aki toki ni kauringiia aomata i bukin aia bure.

Taian Areru 106:45

E uringa ana boraraoi i bukiia, ao E bita nanona n nanoanga n ai aroni m'aitin ana ataataiaomata;

Itaia 16:11

E uruaki nanou inanou i bukin Moaaba ao Kiri-Ereti.

Itaia 63:15

Taiaoka te UEA, taratara rikaaki man am tabo ane e tabu ma ni mimitong ane mwengam ane n taiani karawa ao noora te b'ai ae e riki. Ko a aki tangiria? E ngaa m'aakam? Kaotia b'a ko bon tabeakiniira ao ko nanoangaira!

Ieremia 18:8

ao e a manga rairaki te botannaomata anne man te buakaka, ao N na bita nanou.

Ieremia 3:12

Ieremia, ko na takaarua nako meang: Iteraera, bon ami UEA Ngai okirai! Kam aki kakaonimaki ao kam rangi ni kaunai, ma I bon nanoanga, ma ngaia ae, I kab'arai ami bure.

Ieremia 31:20

Kaain Iteraera, bon natiu ngkami aika kam rangi n tangiraki. E koaua b'a I aki tangiringkami nakon b'aai nako? Ngke I aki toki ni karawaawataingkami, ma I tangiringkami b'a kam na meemena i rarikiu, b'a I aonga nanoangaingkami. Bon aio Au taeka Ngai ae te UEA.

Ieremia 42:10

I kab'araa Au bure ngke I a tia ni katuaaingkami, ma ngaia are, I tuangkami ngkai b'a kam na tiku ikai i Iuta, ike N na unikingkami ma ni karikirakeingkami iai, n onea mwiin are N na bwenauaingkami ni kab'akaingkami ao n na kouwakaaingkami.

Ieremia 9:6

A bane aomata n aonikaiia raoia nako ao bon akea temanna i buakoia ae kakoauaai b'a te Atua Ngai.

Ieremia 9:7

Ma ngaia are, I kabooua nanoia Au aomata kaanga te koora ae e kabouaki n te ai ae e uram'aaka. Bon akea te anga riki teuana ae N na karaoia.

B'aeb'aeti 1:20

Te UEA, an tarai rawaawatau ma korakain tamneiu! E a uruaki nanou i bukin rawaawatau n au bure. A m'aiti m'akuri n tiritiri n te kaawa, ao taian mate naba i nanon auti.

B'aeb'aeti 3:32

Tao E na bon karawawataira, ma E bon teimatoa ao e korakora naba tangirara i rouna.

B'aeb'aeti 3:33

B'a bon tiaki Ana kaantaninga te kan karawawataira ao ni kamarakiira.

Etekiera 33:11

Ko na tuangiia b'a ngkai I bon maiu Ngai ae te UEA ae Atuam ao I bon aki kariaia b'a N tarataraia aomata aika a buakaka ngkana a mate. I tangiria b'a a na rairaki man aia bure ma ni maiu. Ma ngaia ae ngkana a tangiria ni maiu Iteraera, ao a riai ni katoka karaoan te bure ma n rairaki nako iu.

Etekiera 6:9

Ike a na tauaki b'a buure. Ane a na uringai, ao a na ataia ae a tia ni kab'ainrangai ngke a kakaitaraai ao ngke a taromauriia taian bouannanti. Ane a na ribaia i bon irouia i bukin m'akuri aika a buakaka aika a tia ni karaoi,

Otea 6:4

Kaain Iteraera ma Iuta, tera ae I konaa ni karaoia i bukimi? E a tia ni mauna nako tangirau iroumi e waekoa riki ni m'arua nakon te mabubu ke te aoi n otin taai.

Otea 7:1

ao ni kamaoa manekana. Ma I a manga noora te bure i nanon Iteraera ao Tamaria. A b'anga ni kewe aomata nako: a aiwaa taani kimoa i nanon kawain nako nuukan te kaawa.

Amota 4:11

“I tiringiia tabem'aang mai buakomi n ai aroia I-Totom ma I-Komora. Ao ake a reke maiuia ai aron te kai ae bue ae butakinako mai nanon te ai. Ma kam bon teimatoa naba n aki kan onimakinai.” Bon ana taeka te UEA “Ma ngaia are ngkami aika I-Iteraera, N na bon katuaai ngkami ao kam na riai ni kataua motikan taekami i bukin aei.”

Amota 7:3

Ao E bita nanona te UEA ao E taku, “Tera ae ko a tia n nooria Amota, N na bon aki kakoroa bukina.”

Amota 7:6

Ao E a manga bita naba nanona te UEA ao E kaangai, “E na aki koro naba bukin aei.”

Mika 5:3

Ma ngaia are, te UEA e anga ana aomata ake I-Iteraera nakoia aia kairiribai ni karokoa te tai are te aine e na bungia iai te nati te m'aane, ao a tib'a kona n oki iai ake a kataenikaiaki ni kaitibo ma aia koraki.

Teb'ania 2:9

Boni Ngai te UEA ae I maiu, te Atua ae kakawakiniia Iteraera ma ngaia ae I karaoa te berita ae e matoa b'a ana bon mate aomatan Moaba ma Ammon n ai aroia aomatan Totom ma Komora. “Ana riki abaia b'a te tabo ae e on n te kanib'anib'a n taoro ao e na bon akea ae e kona n ununiki iai. Ti uteute kain aona. Nikira ni maiu irouia au aomata a na anaa te aba anne mai nanon baiia i Moaba n te buaka, ma aia b'ai nako,” bon ana taeka te UEA.

Mataio 23:37

Ierutarem, Ierutarem, ae ko kamamateia burabeti, ae ko karebanaia ake a kanakomaiakaki nako im, ai bati ra au kani bobotiia am aomata, n ai aron te moa aine ngkana e botiia bunna i aani baina, ma kam rawa!

Te Tua-Kaua 29:22

Ao E na orea abami n taian aoraki ma kabuanib'ai. Ao a na noora abami kanoami ao I-ianena ake n aaba tabeua,

Te Tua-Kaua 29:23

b'a e a riki b'a te rereua ae rangi ni kabuebue ae taari aona ni kabane, ao te bubu ae m'auteretere, ao akea te aroka ae e kona ni unikaki iai, akea te aroka ae kona ni bwebwee iai, ao bon akea naba te aroka ae e kona ni maiu iai. A na riki abami b'a kaanga aron maten aaba ake i rarikin kaawa ake a buubura ake Tootom, Komora, Atema, ao Teboiim i mwiin unin te UEA irouia ao E kamaunaia.

Te Tua-Kaua 32:36

E na ti kona n nanoangaia te UEA ma n anganiia te motikitaeka ae eti ngkana ai ti tabeman ana Aomata, ao akea korakoraia ao a riki tabeman mai buakoia b'a buure, ao E a tib'a nanoangaia te UEA ao E a anganiia te motikitaeka ae eti.

2.Betero 2:6

E motiki taekaia kaawa ake Totom ma Komora te Atua b'a a na uruaki n te ai, ao E karaoi b'a banna ni kakairi n aron te b'ai ae na riki nakoia aomata aika iangoia b'a a na aki reitaki ma te Atua ni maiuia.

Iuta 1:7

n ai aroia kaain Totom ma Komora ma kaawa ake i rarikiia, ngke a kitan aroia ake a katauaki iai n ai aroia anera akekei, ao a karaoi aaro ni kammaira aika bobuaka ma te iango; ao a riki b'a te b'ai n reirei nakoia aomata ni kabaneia, ngkai a reke kaiia n te ai ae m'aka are akea tokina.

Te Kaotioti 11:8

Ao a na wene rab'ataia ni kawain te kaawa are ab'ab'aki ike E kamateaki iai aia Uea; ao aran te kaawa arei, ae te ara ni kabotau, bon Totom ma Aikubita.

Te Kaotioti 18:18

ao a takarua ngke a nora bubuni buena, ao a kaangai, “Bon akea te kaawa ae ai aron te kaawa ae kakannato arei”

Tani Motiki-taeka 10:16

Ao i mwiina, a kanakoi bouanantin aaba tabeua, ao a moana taromaurian te UEA. Ni karokoa n tokina, E a aki kona moana te UEA n taratarai rawawataia.