Otea 11:3 - Te B'aib'ara

³ I taua bain Iteraera ao I reireinna n nakonako. Ma a bon aki kan taekinna b'a boni Ngai are I kamaiuia.

Otea 11:3 Iomraidhean Croise

Taian Areru 107:20

E katoki aorakiia n ana taeka, ao E tuki mateia.

Te Otinako 15:26

Ao E taku, “Ngkana kam na ongotaeka i Rou ni karaoi b'aai ni kabane ake I taku b'a a raoiroi, ao ni kaawakin au babaire, ao N na bon aki katuaaingkami n taian aoraki ake I karokoi ngkoa i aoia kaain Aikubita. Bon te UEA Ngai ae I kamaiungkami.”

Te Otinako 19:4

“Kam bon noori b'aai ake I karaoi Ngai ae te Atua nakoia kaain Aikubita, ma arou ni uotingkami kaanga te ikare ngkana e uotiia natina i aoni baina ni kiba, ma ni uotingkami nako ikai nako Iu.

Te Otinako 23:25

Kam na ti taromauriai, Ngai ae te UEA ae Atuami! N na kakab'aiai ngkami n taian am'arake ao te ran ao N na kakorakorai ngkami.

Itaia 1:2

E taku ngkoa te UEA, “Ongora, karawa ao aonnaba! A tia ni manga kaaitaraai ataei ake I kaikawaia.

Itaia 30:26

Ao i mwiina, e na bauti ikoakiia ana Aomata te UEA ma ni kamaoi ikoakiia ake e bon kariki. E na oota nako ootan nam'akaina kaanga ai aron ootan taai, ao e na oota taai itiua riki rakan ootana nakon aroarona mai m'aaina. E na karina n oota n ai aron ootan itiua te bong n te tai naba arei.

Itaia 46:3

Ngkami aika nikira ni maiu i Iteraera, tii ongora irou, Ngai ae te UEA. I a kaman uouotingkami ni moa man te tai are kam a tib'a bungiaki iai.

Itaia 63:9

E mwengabuaka te UEA ngkana e noori aia kaangaanga, ma a kamaiuaki iroun ana Anera. E nanoanga ni koaua te UEA, ai ngaia are, e kamaiuia ana Aomata. E m'aneia ni baina ao e uotia i nanon ririki aikai ni kabane.

Ieremia 30:17

Akea ae e tangiria n riki b'a raoraomi ke n tabe n te b'ai ae e riki nako imi. Ma N na kamaoi ikoakimi, ao kam na manga marurung.

Ieremia 8:22

E aera ngkai a tuai man kamaiuaki au aomata ngkana iai taiani b'ainaoraki ma taokita i Kireata?

Otea 14:4

Iteraera, kam a tia ni katinanikuai, ma e a toki uniu; N na kamaiungkami man tangiringkami n akea tiana.

Otea 2:8

E bon aki ataia b'a bon taiani b'aintangira mairou ana uita, te wain ao b'aan te oriwa, kaanga taian koora ma tirewa ake e kamanenai n taromaurian B'aara.

Otea 7:1

ao ni kamaoa manekana. Ma I a manga noora te bure i nanon Iteraera ao Tamaria. A b'anga ni kewe aomata nako: a aiwaa taani kimoa i nanon kawain nako nuukan te kaawa.

Otea 7:15

I reireiniia b'aai aika a atai, ao I kakorakoraia. Ao ngkai a manga iangoa kam'aneau

M'akuri 13:18

Ao E buobuokia n te rereua i nanon ae tao angaun te ririki, e ngae ngke a aki raraoi aroia nakoina.

Te Tua-Kaua 1:31

Ao kam bon ataia b'a E boni kaawakiniira te UEA n taai nako ngke ti mena n te rereua, n aromi ngkana kam uouota natimi temanna.”

Te Tua-Kaua 33:27

Nnera ni karabaira te Atua ae akea tokina; E uotiira ni baina. Ngkana E tuangkami te UEA b'a kam na tiringiia ami kairiribai, ao ane E na kabirinakoia mai m'aaimi.

Te Tua-Kaua 8:2

Kam na aki m'aninga aron te UEA ngke E kairingkami i nanon te rereua i nanon 40 te ririki aika a tia n nako. E tangiria ni kakoauaa b'a kam bon tangiria n ongotaeka nakoina ma ni mwiokoia,