Otea 11:11 - Te B'aib'ara

¹¹ A na oki rikaaki, a na kiba m'aaka kaanga taiani mannikiba mai Aikubita ke kaanga taian taobe mai Aturia. Ao i mwiina, N na kaokiia rikaaki nakon mwengaia. Bon aei au taeka Ngai ae te UEA!

Otea 11:11 Iomraidhean Croise

Itaia 11:11

Ngkana e roko te bong arei, ao e na manga arora baina ae e m'aaka te UEA ni kaokiia ana Aomata nakoni mwengaia ake taian nikira ni maiu mai Aturia, Aikubita, Bateroti, Itiobia, Eeram, Tina. Amata, ao te aba are i mataniwiin taari.

Itaia 60:8

Tera te b'ai ane e ieie kaanga taian nang ke kaanga taian taobe aika a okira aia auti?

Ieremia 31:12

A na roko Au aomata n te Maunga are Tion ma ni karaoa aia bootaki ni kukurei; a na oota moaia i bukin Au kakab'aia. N na anganiia te uita, te kureebe, ao b'aan te oriwa, ao ai uana naba ma taian tiibu ao taiani kao. A na teetekeraoi Iteraera ao a na rikirake kaanga te nne n aroka ae e m'aiti te ran iai.

Etekiera 34:27

b'a e na buokiia ni karekei uaan arokaia ma ni karekei aia uita. N na kainaomataia man te tautoronaki ao N na karikiia b'a a na maeka n oin abaia n akea aia kangaanga. Ao i mwiina, a na ataia b'a bon te UEA Ngai.

Etekiera 34:28

A na aki manga kimoaaki irouia botannaomata aika ianena, ao a na aki manga tiringaki ni kanaki irouia maan aika a aki manana.

Etekiera 37:21

ao i mwiina, ko na kaangai: N na manga ikotiia Iteraera ma ni kaokiia nakon mwengaia mairouia botannaomata ianena ake a maeka iai ngkai.

Etekiera 37:25

A na maeka ma aia kariki n te aba are I angan Au toro are Iakob'a, te aba are a maeka iai aia bakatibu. A na maeka ikekei n aki toki, ao ai uana naba ma natiia ma aia kariki nako. E na uea i aoia te aomata ae ai aron au toro are Tawita n aki toki.

Otea 3:5

Ma rimwi, e a rairaki n oki Iteraera nakon te UEA ae Atuaia ao nakon Tawita are aia uea. N te tai anne, a na roko iroun te UEA ma te maaku ao te ruru, ao E na karaoa ae e raoiroi nakoia.

Otea 7:11

Iteraera bon te mannikiba ae akea ana namakin, e kibakiba ni kawaekoa i marenan Aikubita ao Aturia.

Ob'aria 1:17

“Ma a na birinako tabem'aang man te maunga are Tion, ao e na riki b'a te tabo ae e tabu. A na manga abana te aba kanoan Iakob'a ngkai bon abaia te aba.

Tekaria 10:10

N na kaokiia nakon mwengaia mai Aikubita ao Aturia, ao N na katekatekaia ni karokoa Kireata ma Reb'anon, ni karokoa e onrake te aba irouia.

Tekaria 8:7

N na kamaiuia aika a anaaki nakon aaba ake i mainiku ao i maeao,

Tekaria 8:8

ao N na uotiia ni kamaekaia i Ierutarem. A na riki b'a au aomata, ao N na riki b'a Atuaia, ae E kakaonimaki ni karaoa te eti.