Otea 10:13 - Te B'aib'ara

¹³ Ko a tia n unika te buakaka, ko taia te motibuaka, ao ko kana uaan am kewe. Ko onimakina oin korakoram ma korakoran am taanga ni buaka nako.

Otea 10:13 Iomraidhean Croise

Iobi 4:8

N au namakin, ao uaake a unika atin te buakaka ana bon taia uaan te kangaanga,

Otea 8:7

Ngkana kam kamaae n unika te ang n onea mwiin te uita, kam na bon taia te ukeukenanti ao ana akea ami uita. E ngae ngkana kam taia te uita ana manga kimoaia kairiribai ni kabane.

Taeka n Rabakau 22:8

A reereke n te kangaanga taani kakiriwe, ao a tiotionako i bukin buakakan nanorietaia.

Taeka n Rabakau 1:31

“Ngkai kam nang boni kana uaan te b'ai ae kam a tia ni karaoia ni karokoa te tai are kam a onrake n te b'ai ae kam a tia ni baaireia.

Taian Areru 33:16

E aki tokanikai te uea i bukina b'a e korakora ana taanga ni buaka; Ao e aki tokanikai te tautia i bukini korakorana.

Otea 11:12

E b'anga ni kewe Iteraera nako iu, Ngai ae Atuaia ae kakaonimaki ma n tabu; a otab'aniniai n aia kewe, ao e taromauri anti tabem'aang Iuta.

Taian Areru 62:10

Tai onimakini ami m'akuri ni bai-tabare, Ao tai kaantaninga rekeni kab'aiami mani kurib'aiaia aomata iroumi. Ao ngkana a rikirake kaub'aimi, ao tai taku b'a e mena iai mwiokoni maiumi.

Taian Areru 52:7

“Nora te aomata ae rawa n onimakina te Atua i bukini kamanoana, Ma e onimakin kaub'aina aika bati, Ao e iangoia b'a e na reke kab'aiana n arona ni bangaomata.”

Otea 7:3

E rangi ni kukurei te uea ma ana mataniwi nako n aia bure ma aia b'anganikewe.

Te Minita 9:11

Ao aikai b'aai riki tabeua aika I a tia n noori i aan taai: Aika birim'aaka ao aomata aika a ninikoria a aki tootokanikai n taai nako n te kabobirim'aka ao te buaka. Te wanawana, ni ikotaki ma te niniwana ao te ataib'ai a aki anganiko te marurung n taai nako, te kaub'ai, ke tanoatan taekam. Ti bane n toa n te tekebuaka.

Taeka n Rabakau 19:5

A bon aki konaa ni biri nako ma te katuaaeaki taani kakoaua aika a aki taekina te koaua ma taan b'anganikewe.

Taeka n Rabakau 12:19

Bon akea tokin te koaua, a na bon waekoa n ataaki taiani kewe.

Taeka n Rabakau 13:2

Kam na anganaki kaniwangami ngkana kam taekin taeka n akoi tabeua, ma a iangoa aron te iowawa ma te maiubuaka ni kabane tabeman aomata.

Itaia 17:11

Ane e na butinako m'aangana ao e na uee ni bon te moaningabong naba anne, ma ane e na bon akea uaana nakoimi, i bukina b'a ane kam na karawaawataaki n te maraki ae akea tokina.

Otea 4:2

A aki toki n riiriki baikai Katekebuaka, karaoan ae e aki raoiroi, te tiritiri, te kimoa, ao te aki kakaonimaki. Te kiriwe n taabo nako.

Otea 4:8

Kam kaungai nanoia tabem'aang b'a a na bure, b'a kam na konaa ni kaoningkami n aia karea ni kab'ara bure.

1.Tamuera 24:14

Ani bon noora aron uean Iteraera ngkai e kataia n tiringai, ngai ae kaanga ai aron te kamea ae e mate, ke utin te man!