Otea 10:1 - Te B'aib'ara

¹ Bon te kai te kureebe ngkoe ae e onrake ni uaana. Ma m'aitin riki uaana bon m'aitin naba te baonikarea ae ko karaoia; raoiroin rokom bon raoiroin te oota are ko karikia i bukiia antiia beekan.

Otea 10:1 Iomraidhean Croise

1.Uea 14:23

A boni karaoi naba oin aia baangota, ma taamnein anti Ianena n taian atiibu, ao a katei bouannanti i bukin taromaurian te anti are Nei Aatera i aon taian tabuki ao i aan nuun kaai aika a korakora.

Ieremia 11:13

ao a m'aiti riki aia baonikarea i bukin B'aara nakon m'aitin kawain nanon te kaawa i Ierutarem. Ma a bon aki konaa ni kamaiuia kaain Iuta antiia aikai man te kabuanib'ai.

Ieremia 11:17

Bon te UEA Ngai ae Moan te M'aaka. Ngkami aika kaain Iuta bon te aroka ngkami ae I a tia n unikia, ma kam a tia ni kamaraka nanou ngke kam a manga anga karea nakon B'aara, n aron are a tia ni karaoia kaain te abanuea meaang. N na nang kouti ngkami mani waakami.

Ieremia 2:28

Naako taang nakon antimi ake kam karaoi! Tao a bon tau m'aitiia ni kamaiungkami, b'a are a rangi n rawa antin Iuta n ai aron m'aitin kaawana nako.

Otea 12:11

E rangi n rawaawata ana bure Kireata ao tokina bon te urubekebeke. A kareanaki taian kaom'aane i Kireata i aon te baonikarea are e karaoaki n taian atiibu, ma a na kamaaenikunaki taian atiibu aikai nakon taian tawaana nako.

Otea 12:8

Ko kaangai i bon iroum, “I a kaub'ai! I bon karekei ni kabane i bon irou, ao akea te bure iai.”

Otea 13:15

E aoria ngkana kam kakab'aia riki nakoia baronga ake tekorakina, N na kamaunaa nakoko Ngai ae te UEA, kaanga aron te ang ae kabuebue ae kam'aua te karaanga n ran. N na uoti nako kaub'aimi aika a tamaroa.

Otea 13:2

Ao ngkai ko teimatoa naba ni karaoa te bure n arom ni korotamnei ma ni karaoi taian bouannanti aika taian tirewa aika bannan taian kao ataei. Ko tuangaki b'a ko na anga karea nakon taian bouananti aikai eng, ao ni kiiti naba ma ngaiia.

Otea 13:6

I kaam'arakeingkami ni karokoa kam rauaki, ao i mwiina, kam a manga kainikatonga ao kam m'aninga taekau.

Otea 2:10

N na buuta kunnikaina ni kabebekanna i mataia ana tangira nako, ao bon akea temanna ae e na konaa ni kamaiua.

Otea 2:8

E bon aki ataia b'a bon taiani b'aintangira mairou ana uita, te wain ao b'aan te oriwa, kaanga taian koora ma tirewa ake e kamanenai n taromaurian B'aara.

Otea 3:4

E na bon maan naba te tai i m'aain reken uean Iteraera ke i m'aain are e anga te aba iai taiani karea i nanon te tembora ke i m'aain are a reke taian kawai are ti na kairaki iai iroun te Atua.

Otea 4:7

Kam'aitakiia riki ami ibonga, bon kam'aitan riki aia bure aomata. Ngkai N na onika kainikatongami nakon te mamaa.

Otea 8:11

Iteraera, ko a tia ni katei taian baonikarea aika m'aiti ike kam anga karea ni kab'ara bure. Ma a riki taian baonikarea aikai b'a taabo ake a bure aomata iai.

Otea 8:4

Kam rineia taiani uea ma taan kairiiri ao kam aki moa kaetai; Kam karaoi taian bouannanti man te tirewa ma te koora ake a karika b'akami.

Nakoaia Ibonga 26:1

E taku te UEA, “Boni Ngai te UEA ae Atuami. Ma ngaia are, tai karaoa ke n taromauria te bouannanti teuana ke katotoongan b'aai tabeua.

Naum 2:2

(E nang kaoka mimitongin Iteraera te UEA, n ai arona ngkoa i m'aain kurib'aiana irouia ana kairiribai.)

2.I-Korinto 5:16

Ma ngaia ae ma ngkai ao akea temanna ae ti na bairea taekana man te iango n aomata; e boni ngae ngke ti a tia n te taina ni bairea taekani Kristo iai, ma ti aki kona ni manga karaoia riki nako Ina.

I-Biribi 2:21

B'a a bon tabeakin oin aroia aomata nako, ao a aki tabe ma baika kaeti ma nanoni Iesu Kristo.