Otea 1:7 - Te B'aib'ara

⁷ Ma bon te UEA Ngai ae Atuan Iuta, ao N na bon akoa Iuta ma ni kamaiua n oin m'aakau-tiaki n te buaka ao n taiani kanoa ni kainikatebe ke n te kabaang ma taani buaka mai aoia aoti.”

Otea 1:7 Iomraidhean Croise

2.Uea 19:29

Etekia, N na tuangko te b'ai ae e nang riki. N te ririki aei ko na kang taian uita aika a riki bon irouia, ao n te ririki ae e na roko ko na manga kang b'aai aika a na bwebwerake mai mwiin uita aikai. Ma n te katenua n ririki, ko na uniki taiani uita ao taian kureebe, ao ko na kana ae ko bon taia.

2.Uea 19:34

N na bon kaawakinna bon ibuku, ao i bukin au toro are Tawita.

2.Uea 19:35

E kanakoa te anera te UEA n te tairiki naba arei nakon aia kaemb'a kaain Aturia, ao E tiringiia 185,000 mai buakoia. Ma ngaia are, e a wenerua taiani mate n te ingabong are i mwiina.

2.Uea 6:18

Ngke a tabe n rooroko ni kaaniia tautian Turia, ao e tataro Eritai ni kaangai, “Kamatakiia tautia aikai.” Ao E kamatakiia te UEA n te oota ae e rangi n oota.

Taian Areru 33:16

E aki tokanikai te uea i bukina b'a e korakora ana taanga ni buaka; Ao e aki tokanikai te tautia i bukini korakorana.

Taian Areru 44:7

Ma Ko kamaiura mairouia aiara, Ao Ko katokanikaira i aoia ake a riribaira.

Te Otinako 14:13

Ao e taku Moote, “Kam na aki maaku! Taua abami b'a kam na noora te b'ai ae na karaoia te UEA ae Atuami i bukin kamaiuami n te bong aei, kam na bon aki manga nooriia kaain Aikubita aika kam nooriia aikai.

Te Otinako 14:30

Ao E kamaiuia Iteraera te UEA n te bong arei mai rouia kaain Aikubita, ao Iteraera a noriia kaain Aikubita ni wene ni mate i mataniwiin taari.

Itaia 12:2

I onimakiniko b'a ko na kamaiuai, te UEA ae te Atua, ao N na aki maaku A nako m'aakau ma korakorau mairoum, ao ko a tia ni kamaiuai.”

Itaia 30:18

E tataninga te UEA ae te Atua ni kaota m'aitin ana akoi ao n nanoangaingkami. E aki toki te UEA ni kaakaraoa ae e raoiroi; e kakab'aiaia akana a onimakinna.

Itaia 49:6

Ao ngkai E taku te UEA nako iu “E aki tau nakoim am m'akuri ae ti au toro ngkoe. Ko na riai naba ni karaoa ae e m'aiti riki nakon anne ni kaokiia ake nikira ni maiu man barongan nako Iteraera. I a tia ni kaakiko ikai b'a kaanga te taura i bukiia botannaomata nako; ko na riai n anaa m'aakau ni kakamaiu nakoia aomata nako n te aonnaba.”

Itaia 7:14

Ma e na bon teimatoa naba te UEA n anganingkami te b'ai ni kakoaua. E na bikoukou te ataeinaine E na bungiia natina te m'aane ao e na aranna b'a Emmanuera.

Ieremia 25:5

A a tuangkami te b'ai are e taekinna te UEA: Bita maiumi! Ngkana kam katoka karaoan te buakaka, ao N na katikuingkami n te aba aei are I anganiia ami bakatibu n akea tokina.

Ieremia 25:6

I aki tangiria ni kaikoakingkami. Ma ngaia are, kam na aki kaunai n taromauriia bouannanti ao anti tabem'aang.

Ieremia 33:26

Ao N na bon karaoa naba aron anne; b'a N na aki katinanikuia naba ana kariki nako Aberaam, Itaaka, ao Iakob'a ke n urua Au berita are a na teimatoa n riki ana kariki Tawita b'a aia Uea. N na akoia Au aomata aika Iteraera, ao a na manga okira aroia n teetekeraoi.

Otea 1:8

Ao ngke e a bon ewenako Nei Roo-Ruam'a iroun Nei Komera, ao e a manga reke natin Nei Komera temanna te m'aane.

Otea 11:12

E b'anga ni kewe Iteraera nako iu, Ngai ae Atuaia ae kakaonimaki ma n tabu; a otab'aniniai n aia kewe, ao e taromauri anti tabem'aang Iuta.

Tekaria 4:6

Ma ngaia are, e kab'arab'araa te anera b'a bon reitan taian rongorongo mairoun te UEA nakon Terub'abera. Bon te UEA Ngai ae Moan te M'aaka. Ma ngaia are, kam na aki onimakina korakorami ma marurungimi, ma kam na onimakina Tamneiu.

1.Tamuera 17:47

A na bane n nooria aomata b'a E aki kainanoa te kabaang ma te kainiwai te UEA ngkana E kamaiuia Ana aomata. E totokanikai n taai nako te UEA n te buaka, ao E na bon buokiira b'a ti na konaingkami.