Otea 1:6 - Te B'aib'ara

⁶ Tabeua te tai i mwiina, e a manga riki natin Nei Komera te aine, ao E taku te UEA, “Aranna b'a Nei Roo-Ruam'a, b'a N na aki manga akoi teutana ao ni kab'araa ana bure Iteraera.

Otea 1:6 Iomraidhean Croise

2.Uea 17:20

Ma ngaia are, E a tannako te UEA mairouia Iteraera ma Iuta ni kabaneia, ao e karikiia b'a a na katuaaeaki ma ni kookonaaki ni karokoa bon akea temanna nikiraia.

2.Uea 17:6

i m'aain are e a reke i rouna n ana karuaiwa n ririki ni uea Otea. E uotiia nako Iteraera uean Aturia b'a buure. E kairoroia tabeman mai buakoia b'a a na maeka n te kaawa are Ara, ao tabeman b'a a na maeka i rarikin Karaangan Abora n te aba are Kotan, ao ake tabeman b'a a na maeka ni kaawa ake a maeka naba iai kaain Miria.

Itaia 27:11

Ao ngkana a b'aka m'aangana aika a m'aoto i aontano ao a manga roko aine n anaia b'a kanaan aia ai. Ma a bon rangi n nanobaba aomata aikai n te aro are E aki konaa n nanoangaiia te Atua are e karikiia.

Otea 1:8

Ao ngke e a bon ewenako Nei Roo-Ruam'a iroun Nei Komera, ao e a manga reke natin Nei Komera temanna te m'aane.

Otea 2:23

N na kaamae n uniki taian ati ao ni kaota te nanoanga nakon Roo-Ruam'a. N na kaangai nakon Roo-Ammi, “Bon Au aomata ngkami,” ao a kaeka ni kaangai, “Atuara Ngkoe.”

Otea 2:4

A riki natim man uaan ana aki kakaonimaki, ao N na aki nanoangaiko.

Amota 7:8

Ao E kataetaeai, “Tera ae ko nooria?” Ao I kaangai, “te kora ni kaeti.” Ao E taku, “I kamanena te baei ni katereterea b'a ti te bo Au aomata ma aron te o ae e aki tei n eti raoi. Ma ngaia ae N na bon aki manga bita nanou i bukin oreaia.

Amota 9:8

Boni Ngai te UEA ae rietaata ae I aki toki n nonorii aia m'akuri aika a bure aomatan te aba ni uea ae Iteraera, ao N na bon kamaunaia mai aon te aba. Ma N na bon aki kabaneia ni kamaunaia kanoan Iakob'a.

1.Betero 2:10

Tiaki ana botannaomata te Atua ngkami ngkoa, ma ngkai kam a riki b'a ana botannaomata; kam aki nanoangaki ngkoa, ma ngkai kam a nanoangaki.