Otea 1:4 - Te B'aib'ara

⁴ Ao E taku te UEA, “Otea, aran natim te m'aane bon Ietireera, b'a N na katuaaea ana kariki uean Iteraera are Ieu n te tai ae e aki maan i bukin te m'akuri n tiritiri are e karaoia n te M'arua are Ietireera. N na kamaunaa abanueana,

Otea 1:4 Iomraidhean Croise

2.Uea 10:1

A bon tiku naba ni maeka ana kariki Aaba aika itingaun i Taamaria. Ma ngaia are, e korea ana reta Ieu nakoia taani kairiiri aika a kakannato ma mataniwi aika a kakannato n tatabemaniia nako n te kaawa, ao aomata nako ake a tei i bukin Aaba. Ao a taku kanoan reeta akekei:

2.Uea 10:17

nako Taamaria. E tiringiia ana utu Aaba ni kabane Ieu ikekei ni ikotaki ma ana mataniwi ni kabane. A bane ni mate ngkai kaain ana utu, n aron are E a tia ni berita iai te UEA nakon Eritai.

2.Uea 15:29

E m'ananga uean Aturia are Tikeraka Biretia ni buakana Iteraera i nanon ana tai n tautaeka Bika. E taui aaba ake i Kireata ao Kariraia, n ikotaki ma te kaawa are Iion are Abera Betamaaka, Ianoa, Kateti, ao Atora, ao ai uana naba ma te aba are Nabetari. I mwiina, e anaiia Iteraera man taabo aikai ao e uotiia nako Aturia b'a taenikai.

2.Uea 15:8

E a manga uea i aon Iteraera Tekaria are natin Ieroboam te m'aane n ana ka 38 n ririki ni uea Ataria i aon Iuta, ma e ti tautaeka i nanon 6 te nam'akaina mai Taamaria.

Itaia 7:14

Ma e na bon teimatoa naba te UEA n anganingkami te b'ai ni kakoaua. E na bikoukou te ataeinaine E na bungiia natina te m'aane ao e na aranna b'a Emmanuera.

Itaia 8:3

I mwiin tabeua te tai, ao e a reke natira te m'aane mai roun buu, ao e taku te UEA, “Aranna b'a Mae-Tara-Ati-Bati.

Itaia 9:6

E a tia ni bungiaki te teei i bukira. Ti a tia n anganaki te nati te m'aane are e na riki b'a ara tia tautaeka. Aikai arana Te Tia Iango Ae Kamimii ao te Atua ae e M'aaka, te Tama ae Akea Tokina ao Te Uea n Raoi.

Ieremia 20:3

N te bong are i mwiina, e a kainaomataai Batura, ao I tuangnga ana taeka te UEA: N na aki manga araniko b'a Batura, ma N nang araniko b'a Maakui B'aai Nako.

Ieremia 23:2

Kam kaantaningaaki b'a kam na kaawakiniia Au aomata, ma ngaia kam a manga kakionako ia. Ma ngaia are, N na katuaaingkami n te tuua ae korakora ngkai, ni kabooa mwiin te kaairua ae kam a tia ni karaoia.

Ieremia 3:8

ma e ngae n anne, ao I bon tangiria naba b'a e na okirai. Ma e aki, ngaia are I a kaakiia ma ni kanakoa. E noora te b'ai ae e riki tarina are te abanuea are Iuta, ma e bon aki tabe naba iai, ao I tarataraia ngke e a manga moana naba ana aki kakaonimaki kaanga tarina.

Etekiera 23:10

A buutii ana kunnikai, ao a raweia natina nako ao a tiringa neierei. A taetaekina Nei Oora aine n taabo nako i bukin te b'ai are e riki nakoina.

Etekiera 23:31

Ko a tia n riki ni buakaka riki nakon tarim are te ikawai, ao ko na riai ni mooi man te m'angko are e kanoaaki n uniu.

Otea 1:6

Tabeua te tai i mwiina, e a manga riki natin Nei Komera te aine, ao E taku te UEA, “Aranna b'a Nei Roo-Ruam'a, b'a N na aki manga akoi teutana ao ni kab'araa ana bure Iteraera.

Otea 1:9

Ao E a manga taku te UEA, “Aranna b'a Roo-Ammi, b'a bon tiaki Au aomata aikai, ao tiaki Atuaia Ngai.”

Otea 2:13

N na katuaaea i bukin boong ake e taromauria iai B'aara ao e kabuoki taiani b'ai ni kaboiarara nakoina. N na katuaaea i bukin boong ake e m'aninga iai taekau ma ni karin taiani b'ai ni katamaroa ao taian m'am'a i bukin kab'akaia ana tangira nako. Bon aei Au taeka Ngai ae te UEA!

Otea 2:22

ao e na karikirakei taian uita, taiani kureebe, ao taian oriwa n te M'arua are Ietireera.

Otea 9:17

Iteraera, ko aki ongotaeka nakon Atuau. Ngkai n nang kairoroingkami b'a kam na tiotio nako man te botannaomata teuana nakon te botannaomata teuana.

Amota 9:8

Boni Ngai te UEA ae rietaata ae I aki toki n nonorii aia m'akuri aika a bure aomatan te aba ni uea ae Iteraera, ao N na bon kamaunaia mai aon te aba. Ma N na bon aki kabaneia ni kamaunaia kanoan Iakob'a.

Mataio 1:21

Ane e na bungia te nati te mm'aane, ao ko na aranna b'a Iesu, b'a Ngaia ae na kamaiuia aomata man aia bure.”

Ruka 1:13

Ma e taku te anera nako ina, “Tai maaku, Takaaria! b'a E ongo am tataro te Atua, ao buum ae Nei Eritabeta, ane e na bungia natim te mm'aane, ao ko na aranna b'a Ioane.

Ruka 1:31

Ao noria, ane ko na bikoukou ao ane ko na bungiia te nati te mm'aane, ao ko na aranna b'a Iesu.

Ruka 1:63

E tuangiia te b'ai ae e na koroboki iai i aona, ao e korea ae kangai, “Arana Ioane.” Ao a bane ni mimi!

Ioane 1:42

E kairia nakon Iesu; ao Ngaia E taraia ao E taku, “Timon ngkoe ae natin Ioane; ko na aranaki b'a Keeb'a.”

Iotua 19:18

Aikai kaawa aika tebwi ma onoua ake a reke naba i nanon abaia: Ietireera, Teturota, Tunem,