Ob'aria 1:5 - Te B'aib'ara

⁵ “Ngkana a roko taan iraa n te bong, ao a na bon tii anai baike a tangiri. Ngkana a kiniki uaan kureebe aomata, ao a na bon tiku naba tabeua uaan te kureebe. Ma ngkana a roko ami kairiribai ao a na bon kamatei ngkami ni kabane.

Ob'aria 1:5 Iomraidhean Croise

2.Tamuera 1:19

“N te tabuki are Iteraera, ao a wene ni mate am taani buaka, ao a b'aka am taani buaka aika a korakora!

Itaia 14:12

Ko a tia ni b'aka Ngkoe ae te itoi ni ngaina ae e raneanea! Ko kab'akaia botannaomata ake tabeua; ao ngkai ko a kab'akaaki.

Itaia 17:6

Iteraera kaanga te kai ae te oriwa ae e oreaki n te kai, ae e nikirana ti uoua ke tenua nikiran uaana ke tao ti aua ke nimaua aika a rangi ni rietaata ke ni m'aangana ake a rangi ni uaa. E a tia ni berita b'a e na bon koro bukin aei te UEA ae Atuan Iteraera.

Itaia 24:13

A na taekaki nako botannaomata kaanga taian kai aika oriwa ke nne n aroka ni kureebe i mwiin te bong n tai.

Ieremia 49:9

A na katikui tabeua uaan aia kureebe aomata aika a taia uaan aia kureebe i bukiia aika a maiu ni kainano A na ti anai baika a tangiri taani kimoa ngkana a roko ni kimoa n te tairiki.

Ieremia 50:23

Bon te aama B'aburon are e oroi aaba nako, ma ngkai e a wene n uruaki. Ai bon te tiaoki tera nako ia bootanaomatan nako te aonnaba!

Ieremia 6:9

N na tuangiia ami kairiribai b'a a na katuka ami botannaomata n akea b'ain aona kaanga te kureebe ae e kamraraaki uaana. Bon aei au taeka Ngai ae te UEA ae Moan te M'aaka.

B'aeb'aeti 1:1

E a tiku b'a kaanga te kaawa ae akea kaaina ngke bon te kaawa ngkoa ae onrake n te aomata! E a riki b'a kaanga te aine ae e mate buuna ngke bon temanna ngkoa ngaia te botannaomata ae korakora! Boni ngaia ngkoa te uea n aine ni kaawa aika a korakora, ma e a riki b'a te toro.

Ob'aria 1:9

A na bane ni maaku taan un mai Teman, ao a na bane n tiringaki tautian Etom.

Mika 7:1

E a kab'ara nano! Kaanga ai aron te aomata ngai are I kakaea kanau ma bon akea teuana uaan te aroka n tiku, ao akea naba uaan te kureebe n tiku. B'a a bane n tia n anaaki kaai ma uaa aika a kangkang.

Teb'ania 2:15

Ao bon anne te b'ai ae e na riki nakon te kaawa ae e rangi ni kainikatonga, ao man taku i nanona b'a e rangi ni manoraoi man taiani kanganga. Aomatana a taku b'a bon tii aia kaawa ae moan matoatoa i aon kaawa nako n te aonnaba. E a riki b'a kaanga, te tabo ae e kamaroaa, ae nneia maan ni motirawa! Aomata ake a ri rarikina ana maaku man taua raroaia mai iai.

Te Tua-Kaua 24:21

Ao ngkana kam kiniki uaan ami kureebe, ao ti teuana tain kinikan uaaia, ao ko na aki manga okiria riki te kauoua n tai, b'a a na karekei aroia aomata aika kainano n nikirana.

Te Kaotioti 18:10

A na tei mai kiraroa, b'a a maaku ni marakina; ao a na kaangai, “Ai kaawa ra, ai kaawa ra, te kaawa are kakannato are B'aburon! are te kaawa are korakora! B'a e roko motikan taekam n te aoa ae ti teuana.”