Ob'aria 1:3 - Te B'aib'ara

³ Ko rangi ni kamoamoa, kioina ngke ko nonoa atun am tautaeka n taian b'aa aika a matoatoa, ao ko maeka i taubukin maunga aika a ririeta. Ma e kam'aneko am kainikatonga anne ao ko taku i nanom, “Antai ae kona ni katikai rikaaki?

Ob'aria 1:3 Iomraidhean Croise

Karikani B'aai 36:8

Ma ngaia are, e a maeka Etau n te aba are tabukibuki i Etom.

2.Uea 14:7

E tiringiia 10,000 tautian Etom te uea are Amatia i nanon te M'arua are Taari. E taua te kaawa are Tera, ao e a manga aranna b'a Ioketeera, are ai bon arana naba ni karokoa te bong aei.

2.Rongorongo 25:11

Ao i mwiina ngke e a manga reke korakoran Amatia, ao e a kaira ana taanga ni buaka nakon te M'arua are Taari, ike e a tiringiia tebwina te ngaa tautian Etom i nanon tain te buaka.

2.Rongorongo 25:12

E tauia tebwina te ngaa riki tautia ao e uaakiniia nako taubukin te katati ae moan te rietaata. Ao e a butiia naba ni kab'aia, ao a bane ni mate i aon taiani b'aa inano.

Iobi 20:6

E ngae ngke e roota karawa m'aakana ma kainikatongana,

Taeka n Rabakau 16:18

E na bon uruana aromi te kamoamoa ae e bati.

Taeka n Rabakau 18:12

E kairiko te kainikatonga nakon te kamaunaaki; e kairiko te nanorinano nakon te neboaki.

Taeka n Rabakau 29:23

E uota te kamamaaeaki te kainikatonga ae e bati; e karekea te neboaki te nanorinano.

Itaia 16:6

Ti a tia n ongo kainikatongan Moaaba. A taningamatoa ao a kamoamoa kaaina, ma bon akea uaana.

Ieremia 21:13

Ierutarem, ko taratara nako mai aon tabukin te maunga n taraa aon taian m'arua ao ko taku b'a ko mano. Ma I un Ngai ae te UEA,

Ieremia 37:9

Ko na aki kananobabako n iangoia b'a a na manga oki nako naba kaain B'aburon n aroia are rimoa.

Ieremia 48:28

Ao n te tai aei kam na kiitana ami kaawa ao kam na maeka kaanga te taobe ae e kamanoa n te aba ae e katati ke tabwenani b'aa aika a rietaata.

Ieremia 49:16

E burebureingkami te kainikatonga b'a kam na iangoia b'a a taraingkami botannaomata ake tabeua ma te maaku. Kam maeka i buakon taabo aika a katati rikaaki ao i aon taiani maunga kaanga taian ikare, ma bon Ngai ae te UEA ae N na uotiko rikaaki.

Ieremia 49:4

Ngkami aika kaain Ammon aika taani kamangao kam onimakin kaub'aimi ao kam titiraki ni kaangai, “Antai ae e konaa ni buakaniira?” Ma I kauringngkami b'a kam na aki kainikatonga ngkana e a tabe ni mauna nako korakorami.

Etekiera 28:16

Ko iokinib'ai ma botannaomata tabeman ao ko a rikirake ni iowawa ao ni buakaka. Ma ngaia are I kairoroiko b'a ko na kiitana Au maunga, ao baika a maiu aika iai baiia ni kiba ake a kakaawakiniko ake a manga kakioko nako man atiibu aika tamaroa.

Maraki 1:4

Ane a na kaangai kanoan Etau, “E ngae ngke urubekebeke ara botannaomata ae e Etom, ma ti konaa ni manga kateia.” Ma I berita Ngai ae te UEA ae Moan te M'aaka b'a N na raebiti b'aai nako akana a manga katei. Ao ane a na ataai aomata nako b'a I aki konaa ni katoka uniu irouia i bukina ngkai e rangi ni korakora aia bure.