Ob'aria 1:10 - Te B'aib'ara

¹⁰ “Akea tokin kamamaeam ma uruam Etom i bukina ngkai ko a tia ni iraeia ma n tiringa tarim ae kanoan Iakob'a, ko na bon kamaunanakoaki n aki toki.

Ob'aria 1:10 Iomraidhean Croise

Karikani B'aai 27:11

Ma e taku Iakob'a nakon tinana, “Ma kai e buraerae rab'atan Etau, ao ngai I katimaran.

Karikani B'aai 27:41

Ao e rangi n riba Iakob'a i bukina ngke e a tia n anganaki te kakab'aia iroun tamana. Ao e taku i nanona, “E a bon kan roko te tai are tanginiwenea iai tamau, ao ngkana e a mate, ao I a tiringa naba Iakob'a.”

2.Rongorongo 28:17

Ao ni bon te tai naba arei, kaain Biritia a manga eekinakoi kaawa ake n aaba ake a tabukibuki ake i maeao ao ake Rereuan Maiaki.

Taian Areru 109:29

A bia taonaki aiau n te b'ainrang ae bati! e bia riki mamaaia b'a kanga ai aron te kunnikai ae a na b'ainiia iai.

Taian Areru 132:18

E na kab'ainrangiia ana kairiribai, ma e na kakab'aia ma n tekeraoi ueana.

Taian Areru 137:7

Te UEA, uringa te baere a karaoia tibun Etom n te tai are ekakinako iai Ierutarem. Uringa aia taeka ngke a kaangai, “Urua, urubekebekea!”

Taian Areru 69:7

A tia ni mwemwe taeka ni kamaraki nano nako iu i bukim, Ao I taonaki n angin te mamaa ae bati.

Taian Areru 89:45

Ko karaoa ae e na moantaai ni kara iai, ao e taonaki n te mamaa ae bati.

Taeka n Rabakau 10:6

A bane aomata n neboia aomata aika a raoiroi, ma a karabaia aika a buakaka i akuun aia taeka aomata aika a buakaka.

Taeka n Rabakau 17:5

Ngkana kam kamamaaea te aomata ae e kainano, ao kam bon kamaamaea iai te Tia Karikib'ai. Kam na katuaaeaki ngkana kam b'ainingarea te aomata ae e reke n te kangaanga.

Ieremia 12:14

E taku te UEA, “Bon iai te b'ai ae N na taekinna nako ia raon Iteraera ake a tia ni kurib'aia te aba ake I a tia n anganiia Iteraera. I anga te aba aei nako ia au aomata, ma e a otab'aniniaki irouia kairiribai ma ni buakanaki ma ni kurib'aiaki. Ma ngaia ae, N na koutiia nako man abaia n aron naba ngkoa are I karaoia nako ia kaain Iuta mai abaia.

Ieremia 3:25

Ti a tia ni kakaaitarako kaanga aroia ara bakatibu, ao ti a mamaa n ara bure.”

Ieremia 49:13

Boni Ngai ae te UEA ae I tuea ni bon arau b'a oin ami kaawa ae Botira ao ami kaawa ni kabane a na bane n karawaawataaki ni katauakiia ae e kakamaaku. A na wene n uruaki n aki totoki, ao aomata ana kabongana te ara ae “Botira” b'a te taeka ni kamaraia

Ieremia 51:51

Kam na bon mamaa ao kam na b'ainrang, i bukina b'a a tia n rin ianena n au Tembora are e tabu.

B'aeb'aeti 4:21

Kam na ngarengare aika aomatan Etom ma Uti; Kakatonga n aron ae kam kona. B'a ae nang roko naba te kangaanga i aom; ko na kanakonakoaki naba ni bebeekan.

B'aeb'aeti 4:22

E a tia ni b'ara ana bure Tion; E nang kab'araira te UEA man te kataenikaiaki. Ma e na bon katuaeko te UEA ngkoe ae Etom, E na katereterei am m'akuri aika a kaairua.

Etekiera 35:9

ao e na wene n uruaki abam n aki toki. Bon akea temanna ae na manga maeka riki i nanon am kaawa nako. Kam na ataia b'a bon te UEA Ngai.

Etekiera 7:18

Kam na kunnikainingkami ni kunnikai aika a mangaingai i bukin kaotan nanokawakimi, ma ane e na taoningkami te maaku. E na koreaki taekan te kamaamaaeaki i aon matami, ao ane kam na korobuataui atuumi ma te korakai.

Ioera 3:19

A iowawa ma n akiako Aikubita ma Etom, n te aro ae akea bukina. Ngkai a na riki abaia b'a taian rereua aika akea b'ain aona,

Amota 1:11

E taku te UEA “A teimatoa ni kakaraoa te bure kain Etom, ao N na bon katuaaia i bukin aei. Aki toki n ririmwiia aia utu, Iteraera, ao a kaota te aki nanoanga. Ngkana a un e bon kanganga tokina, ao aki kona ni kakerikaka uniia.

Mika 7:10

Ao a na boni b'aib'ainrang ara kairiribai ngkana a noora aei. E taetae ni kantiab'ai ngkoa te kairiribai ni kaangai, “E ngaa Te UEA ae Atuam?” Ti na ngareakiniia ngkana a konaaki, ma ni b'aka i aon te bokaboka i nanon kawain te kaawa.

Te Tua-Kaua 23:7

Ma kam na aki ribaia kaain Etom b'a bon ami koraki, ao kam na aki ribaia naba kaain Aikubita b'a kam maeka ngkoa n iruwa i abaia.

Te Tua-Kaua 23:8

Kam na kariaia tibutoruia b'a a na kona n riki b'a ana Aomata te UEA.