Neemia 9:7 - Te B'aib'ara

⁷ Boni ngkoe te UEA ae Atuara, are e rinea Aberam ko kairiia mai Ura i B'aburon ao Ko aranna b'a Aberaam.

Neemia 9:7 Iomraidhean Croise

Karikani B'aai 11:31

Ao e teirake ni m'ananga Teera man te kaawa ae buubura are Ura i Kareria b'a e na nakon te aba are Kanaan, ao e kaira natina te mm'aane are Aberam, ao tibuna are Roota are natin Aran te mm'aane, ao buun natina are Aberam, are Nei Tarai. Ao a m'ananga nako Aran, ao a maeka iai.

Karikani B'aai 15:7

Ao E a manga taku te UEA nakon Aberam, “Boni Ngai te UEA are I kaotinakoko mai Ura i Kareria, ao I anganiko te aba aei b'a abam.”

Karikani B'aai 17:5

Ao e na aki manga atongaki aram b'a Aberam, ma e na atongaki b'a Aberaam, i bukina ngkai I karikiko b'a aia bakatibu botannaomata aika m'aiti.

Karikani B'aai 18:19

I a tia n rineia n te aro b'a e na manga mwiokoia natina mm'aane, ma kanoana b'a a na ongotaeka irou ma ni kakaraoa te raoiroi ma te eti. Ngkana a karaoa aei, ao N na karaoi b'aai ni kabane ake I a tia ni berita iai.”

1.Rongorongo 1:27

ao Aberam are e a manga aranaki rimwi b'a Aberaam.

Itaia 51:2

E rinea Aberaam ao Taara te UEA b'a ami bakatibu. E kakab'aia Aberaam te UEA ao man te aomata ane temanna anne ane a nako maiai kariki aika a m'aiti.

Te Tua-Kaua 10:15

Ma e bon rangi ni korakora tangiraia ami bakatibu iroun te UEA, ao E tangiria ni karikiia b'a Ana b'ai. Ma ngaia are, E rineia ma kanoaia mai buakoia botannaomata ake tabeua, ao n te bong aei kam bon teimatoa naba n riki b'a ana Aomata.