Neemia 9:32 - Te B'aib'ara

³² Atuara, ko bon rangi ni korakora, ko mamaakaki, ao ko kakaonimaki, ao ko b'aab'aina te koaua n am taeka. Ma ngaia ae, ti butiiko b'a ko na ururinga rawawataia am aomata, am uea, am taani kairiiri am burabeti, ao am burabeti ae moan te korakora, man te tai are e tautaeka iai Aturia ni karokoa te bong aei.

Neemia 9:32 Iomraidhean Croise

1.Uea 8:23

ao e tataro ni kaangai: Te UEA ae Atuan Iteraera, bon akea atuani karawa ke aonnaba ae ai arom. Ko aki konaa ni m'aninga am Berita are Ko a tia ni karaoia ma am Aomata, ao ko kakaonimaki nakoia ni kabane aika a kakaonimaki nakon am Reirei nako.

2.Uea 15:19

Inanon ana tai ni uea Menaem, ao e buakana Iteraera uean Aturia are Tikerata Biretia. E kariaia buokakin Menaem ni kabutaa abanueana, ngkana e na kab'aka Menaem nako ina e raka i aon 30 te tan te tirewa.

2.Uea 15:29

E m'ananga uean Aturia are Tikeraka Biretia ni buakana Iteraera i nanon ana tai n tautaeka Bika. E taui aaba ake i Kireata ao Kariraia, n ikotaki ma te kaawa are Iion are Abera Betamaaka, Ianoa, Kateti, ao Atora, ao ai uana naba ma te aba are Nabetari. I mwiina, e anaiia Iteraera man taabo aikai ao e uotiia nako Aturia b'a taenikai.

2.Uea 17:23

ni karokoa te tai are E katuaaia iai te UEA, n aron are E a tia ni kauring iai rinanoia ana toro ake burabeti. Ao bon anne bukina are a uotaki nako iai Iteraera b'a taenikai i Aturia, ao ikanne ike a tiku iai.

2.Uea 17:3

E buakana Iteraera uean Aturia are Tiaremanetera; e taua taekan te aba, ao e tuanga Otea b'a e na kab'ab'akai taian roonrab'ata.

2.Uea 17:6

i m'aain are e a reke i rouna n ana karuaiwa n ririki ni uea Otea. E uotiia nako Iteraera uean Aturia b'a buure. E kairoroia tabeman mai buakoia b'a a na maeka n te kaawa are Ara, ao tabeman b'a a na maeka i rarikin Karaangan Abora n te aba are Kotan, ao ake tabeman b'a a na maeka ni kaawa ake a maeka naba iai kaain Miria.

2.Uea 23:29

E kam'anangaa ana taanga ni buaka Neko are uean Aikubita nako meangin te Karaanga are Iuberetiti i nanon ana tai ni uea Iotia b'a e na buoka uean Aturia. E kairiia ana taanga ni buaka Iotia nako meang b'a a na buakana Neko ma ngke a kaaitibo ni buaka i Mekito, ao e a mate Iotia.

2.Uea 25:7

A tiringaki natin Tetekia bon i matana. A autaki kanoani matana ni karebenakoaki, ao e kabaeaki n taurekereke ma ni uaakinaki nako B'aburon.

Etira 4:10

ao aomata mani botannaomata ake tekorakina, ake e a tia te aomata ae moan te kakannato man tanoata taekana are Aturabaniboro ni kairoroia b'a a na maeka i Taamaria, ao m'akoron te Burawinti Maeao ake tabeua.

Etira 4:2

Ma ngaia are, a manga nakon Terub'abera ao nakoia taani kairiiri man taian utu ao a taku, “Ti na buoka te m'akuri. E a tia uean Aturia are Etaaton ni kairiira nako ikai, ao ti a tia n taromauriia Atuami ma n anganna taiani karea.”

Etira 9:13

Ko katuaaira i bukin ara bure aika moan te buakaka. Ma ko bon aki katuaaira n aron m'aitin are ti bon riai n katuaaeaki iai, ao ko a tia ni kaokiia tabeman mai buakora nakoni mwengara.

Neemia 1:5

Te UEA ae Atuan karawa, Ko kakannato ao Ko maakaki. Ao Ko bon kaakakoroa bukin am berita nakoia aomata ni kabane akana a tangiriko ma n ongotaeka n am babaaire.

Taian Areru 47:2

B'a E kakamaaku te UEA are Moan te Rietaata; bon te uea ae kakannato, e tautaeka i aonnaba.

Taian Areru 66:3

Kam na kaangai nakon te Atua, “Ai kamimiira am M'akuri aika Ko karaoi! E korakora M'aakam, ma ngaia ae a bobaraaki aiam i m'aim b'a a makuko.

Taian Areru 66:5

Kaaraki, noori baika kamimii, aika ana m'akuri te Atua i buakoia aomata.

Te Otinako 18:8

Ao e a karakini b'aai ni kabane Moote nakon Ietero ake E karaoi te UEA nakon uean Aikubita, ao kaain Aikubita i bukin kamaiuaia Iteraera. E boni kaongoraea naba taiani kangaanga ake a kaaitibo ma ngaai aomata i aoni kawaia, ma aron te UEA ni kamaiuia.

Itaia 9:6

E a tia ni bungiaki te teei i bukira. Ti a tia n anganaki te nati te m'aane are e na riki b'a ara tia tautaeka. Aikai arana Te Tia Iango Ae Kamimii ao te Atua ae e M'aaka, te Tama ae Akea Tokina ao Te Uea n Raoi.

Taniera 9:4

I tataro nakon te UEA ae Atuau ao I kaoti aia bure au aomata. Ao I kaangai, “Te Atua ae te UEA, ko korakora, ao ti karineko. Ko kakaonimaki nakon am boraraoi ma ni kaota am tangira ae e teimatoa nakoia aika a tangiriko ma ni karaoa nanon am kaetieti.

Taniera 9:6

Ti a tia n aki kan ongo iroun am toro are te burabeti, are e taetae n Aram nakoia ara uea, ma ara taan tautaeka, ma ara bakatibu, ao ara botannaomata.

Taniera 9:8

A karaoi m'akuri aika a kamamaa ara uea, ara taan tautaeka, ao ara bakatibu, ao a bure nakoim te UEA.

Nakoaia Ibonga 26:18

I mwina, ngkana kam bon teimatoa naba ni bonotaninga i Rou, ao N na katuaaingkami itiua te tai i bukin teuana ami bure,

Nakoaia Ibonga 26:21

Ngkana kam teimatoa n eekinakoai, ao N na katuaaingkami itiua te tai matoatoan aron kakatuaean ami bure.

Nakoaia Ibonga 26:24

ao N na teimatoa naba n riki b'a ami kairiribai n te aro ae korakora riki.

Nakoaia Ibonga 26:28

ao ikanne are I a boni karokoi naba ami bong i bukin ami bure.

Te Tua-Kaua 7:12

Ngkana kam ongotaeka raoi nakon taian tua aikai, ao E na kakaonimaki te UEA ni kaawakin Ana boraraoi are karaoia ngkoa ma ngkami, n aron are E berita iai nakoia ami bakatibu.

Te Tua-Kaua 7:13

E na tangiringkami te UEA ma ni kakab'aiaingkami n anganingkami natimi, kanami, ami wain, ao b'aan te oriwa aika m'aiti. A na kariki buniia aika bati ami kao, ao ami nanai n tiibu ana karikiia tiibu teteei aikai bati naba.

Te Tua-Kaua 7:21

Ma ngaia are, kam na aki maaku ngkana kam aitara ni buaka ma ngaiia. E korakora Atuami ao E kakamaaku, ao E na buaka i bukimi.

Te Tua-Kaua 7:9

Kam bon ataia b'a bon ti te Atua ni koaua te UEA ae Atuami. Ma ngaia are, kam na tangiria, ao ongotaeka nakon ana Tua, ao ane na kakaonimaki ni karaoa nanon ana Boraraoi ma ngkami ma kanoami i nanon tengaa te roro