Neemia 9:29 - Te B'aib'ara

²⁹ Ko kauringiia b'a a na rairaki nakoim ao a na kunea te maiu ni koaua ngkana a ongotaeka nakon am tua nako. Ma a bon rangi n rawa ao a teimatoa ni kaakaraoa te bure.

Neemia 9:29 Iomraidhean Croise

2.Uea 17:13

Ma ngaia are, E tuangiia burabeti te UEA b'a a na bon riai ni kauringiia Iteraera ao Iuta n taeka aikai, Boni Ngai ae te UEA, ao I tuangkami b'a kam na katoka karaoan taiani bure, ma ni manga moana te ongotaeka nakon Au tua ma au reirei. I anganiia ngkoa ami bakatibu, ao I a manga tuangiia Au taani m'akuri ake burabeti b'a a na manga kaoki n taekini nakoimi.

2.Uea 17:14

Ma a aki kan ongo Iteraera, a taningabono n ai aroia aia bakatibu are a rawa n taromauriia te UEA ae Atuaia.

2.Rongorongo 24:19

ma E bon teimatoa naba ni kananakoia burabeti ake a na kauringiia b'a a na rairaki nako ina. Ma a aki kan ongo aomata.

2.Rongorongo 33:10

E kataia te UEA ni kauringa Manate ao aomata i bukin aia bure, ma aki tabeakina ana kauring.

2.Rongorongo 36:15

Ma e nanoangaiia ana aomata te UEA ae te Atua, ao e aki uruaka te Tembora, ma e a kanakoia taiani burabeti are e aki toki ni kauringiia aomata i bukin aia bure.

Neemia 13:15

I ataa naba te b'ai ae a karaoia kaain Iuta n te Taabati. A aki ti kamanti kureebe i bukin karekean te wain, ma a bon taia naba uaan te uita, te kureebe, te biiku, ao uaan aroka ake tabeua, ao i mwiina, a katokai i aon taian aati ma ni kabooi nako i Ierutarem. Ma ngaia are, I kauringiia b'a a na aki kabooi nako am'arake n te Taabati.

Neemia 9:10

Ko ataia b'a a tia Uean Aikubita ao ana mataniwi ma ana botannaomata n kateibuaka nakoia am aomata. Ma ngaia are, Ko karaoi kakai aika a kakamaaku ni kaaitaraia kaain Aikubita ao Ko a manga karekea kinaakim are e bon teimatoa.

Neemia 9:16

A aki ongotaeka ara bakatibu ake a taningabono a m'aninga taekan taian kakai ake ko a tia ni karaoi i bukiia, ao a iangoia b'a a na okira Aikubita ma ni manga riki naba b'a taian toro.

Neemia 9:26

Ma e ngae n anne, ao a bon kakaitaraa naba ma n aki ongotaeka nakon am tua. A tiringiia am burabeti ake a aki toki ni kaakauringiia b'a a na rairaki nakoim, ao a karereantia aram.

Neemia 9:30

Ko teimatoa n taotaona nanom, ao Ko kauringiia n Tamneim n ririki aika a m'aiti n am rongorongo ake Ko taekin rinanoia am burabeti. Ma a bon teimatoa naba n rawa n ongo, ao Ko anga ngaiia nakoia aia kairiribai.

Te Otinako 10:3

Ma ngaia are, a nako Moote ma Aaron nakon te uea ao a taku, “E kaangai ana taeka te UEA ae Atuaia Ebera, “Maan ra riki ngkoe n rawa ni konaaki i rou? Ko na kanakoia au aomata, b'a aonga n taromauriai.

Ieremia 17:23

Akea te b'ai teuana ae kam na uoti n rinnako i nanon mataroan te kaawa ke i nanon mataroan ami auti, ke n taabo nako.

Ieremia 19:15

“Kakauongo aomata ni kabane! N taai tabeua aika a tia n nako, E kauringngkami te UEA ae Moan te M'aaka, ae Atuan Iteraera b'a E na karokoa te kabuanib'ai i aon Ierutarem ao kaawa ni kabane aika a uarereke akana a kaan i rarikina. Ma kam taningabono ao kam rawa n ongo. Ao ngkai E nang karokoa te kabuanib'ai te UEA are E a tia ni berita iai.”

Ieremia 42:19

Ao I tuangiia aomata ni kaangai: E reke birinakomi man te kabuanib'ai are e oreaki iai Iuta, ma n te tai aei, E kauringkami te UEA b'a kam na kararoaingkami mai Aikubita.

Ieremia 43:2

Ma a taku nako iu Ataria, Ioanan ao tabeman mm'aane aika a kainikatonga, “Ko kewe! E bon aki tuangko te UEA b'a ti na aki nako Aikubita.

Ieremia 44:10

Ni karokoa naba te bong aei, kam teimatoa n ami kainikatonga n tauingkami b'a kam na aki ongo taeka nakon Au tua ma Au reirei nako ake I anganiia ami bakatibu.

Ieremia 7:26

Ma kam aki kubarai ao kam karikirakea riki taningabonomi ao karaoan te bure nakon are a karaoia ami bakatibu!

Etekiera 20:11

I anganiia au Tua ma au Reirei, b'a a aonga n ataa aron maiuia ae e raoiroi.

Taniera 5:20

Ma i bukina ngke e a manga kainikatonga ma n taningabono, ao n tiritiri, ao e a kam'awaki man ana kaintokanuea ao e bua nnena ni karineaki.

Otea 6:5

Ao bon anne bukina ngkai I tiringkami n te tai ae ti teuana n taian taeka rinanoia burabeti. Ao anne naba bukina ngkai e ura au motikitaeka kaanga taai n te ingabong.

Nakoaia Ibonga 18:5

Karaoi baika I karaoi ae kam noori, ao iri nanon au tua nako ake kam atai; ao ane kam na kawakin maiumi iai. Boni Ngai te UEA.

Mataio 19:17

Ao E taku Iesu nako ina, “Ko aera ngkai ko titirakinai b'a tera ae raoiroi? Bon ti Temanna ae raoiroi. Ngkana ko kan rin n te maiu are akea tokina, ao ko na tou mwin taian tua.”

Ruka 10:28

E taku Iesu nako ina, “Ko a tia n anga te kaeka ae eti; karaoa anne ao ko na maiu iai.”

I-Rom 10:5

Ao aei are e koreia Mote b'a taekani kaetan aron te aomata n reitaki ma te Atua n iran nanon te Tua: “Te aomata ane karaoi baikai, ao e na maiu.”

I-Karatia 3:12

Ma te Tua tiaki man te onimaki; ma te aomata ane karaoi baika tangiraki n te Tua, e na maiu iai.

Te Tua-Kaua 31:21

Ngkana I katuaaia Iteraera ma kanoaia n taian karawaawata ma kabuanib'ai, ao N na kauringiia ae a na ataia b'a a bon atai taekan te anene aei. Ma ngaia are, bon akea aonaia ngkana a aki ongotaeka irou. N na anganiia te aba are I berita iai nakoia, ao I bon atai raoi baika a na karaoi rimwi.

Te Tua-Kaua 31:27

Ao I bon atai taningabonomi ma ami kamangao ma Iteraera ni kabane. Kam a tia n kakaitaraa te UEA ngkai I boni maiu i rarikimi, ao ane kam na rangi ni buakaka riki ngkana I a kiitaningkami.

Tani Motiki-taeka 6:10

Bon Atuami Ngai, ao I tuangingkami b'a kam na aki taromauriia atuaia kaain Amora, e ngae ngke kam a maeka n te aba are a maeka iai kaain Amora. Ma kam aki kan ongo irou.