Neemia 9:25 - Te B'aib'ara

²⁵ A taui taiani kaawa aika a buubura aika a matoatoa ao taabo n ununiki aika a m'aiti taian aroka inanoia; a anai taian auti aika a taubobonga b'aiia, ao ai uana naba ma taiani nne n ran, ma taian nne n aroka ni kureebe, nne n aroka n oriwa, ao taian aroka aika a rangi ni m'aiti aika iai uaaia. A am'arake ni karokoa ngaeia raoi, ao a karaoa aia bootaki ni kukurei i bukin am kakab'aia ae moan te korakora.

Neemia 9:25 Iomraidhean Croise

1.Uea 14:9

Ko a tia n rangi ni kamaraka nanou, ngke ko kaaki taekau; ao ko karaoi bouananti man te koora. Ieroboam. Ko a tia ni karaoa te m'akuri ae moan te buakaka riki nakon are a tia ni karaoia uea ni kabane ake mai i m'aaim.

1.Uea 8:66

Ao n te kawani bong, e a kanakoia aomata ni kabane nakoni mwengaia. A bane ni kabo, ao a nako ma te kukurei i bukini b'ai aika a raraoi aika E a tia ni karaoi te UEA i bukin ana Toro are Tawita ao aomatan Iteraera.

Neemia 9:35

Ko kakab'aiaia ma te abanuea n te kaub'ai, ao marin te aba ae moan te korakora ma a bon rawa naba n taromauriiko ke n rairaki nako man te buakaka.

Taian Areru 105:44

Ao E anganiia aaba ake abaia botannaomata tem'angina, Ao E anganiia naba aia b'ai nako ake uaani mwin aia m'akuri:

Taian Areru 65:11

Ai batiraa am Akoi ae noraki arona ni marin te aba ae Ko anga b'a e na taiaki! Iriani m'anangam bon te kab'aia ae bati n taabo ake Ko roko iai.

Taeka n Rabakau 30:9

Ngkana e a manga rangi n rawata kanau, ao ane n na manga m'aninga taekam; ao ngkana e a manga aki tau, ao ane n na manga kimoa ma ni kamamaaea aram.

Itaia 6:10

“Karaoaia aomata aikai b'a a na taningabono! bonoti taningaia, rabun mataia, karaoaia b'a a na aki ataa te b'ai teuana. Tai katanimaia nako iu b'a a na kamaiuaki.”

Itaia 63:7

N na taekin aron ana m'akuri te UEA aika E a tia ni karaoi. A bon riai n nebonebo! E a tia ni kaota ana akoi te UEA nakoia Iteraera; e a tia n akoi ao ni karaoa ae e raoiroi.

Ieremia 2:7

I uotingkami nako ikai nako abau, ike e tiraua te am'arake iai, ma kam kabuakaka te aba n ami bure.

Ieremia 31:14

N na kakab'aiaia Au aomata n te am'arake ae e raka riki nakon are a kainanoia, ao a na kukurei ibonga n anaa kanaia te iriko ni man are a bon taku. Bon aio Au taeka Ngai ae te UEA.

Ieremia 32:23

Ma ngke e a reke irouia ara bakatibu te aba aei, ao a manga aki ongotaeka nakoim. Ao ngkai Ko a katuaaia Iteraera n te kabuanib'ai.

Etekiera 20:6

I tuea b'a N na kamaiuia mai Aikubita ma ni kairiia nakon te aba are I a kaman rineia. E mari te aba n te miriki ao ana karewe te manibeeru ao bon te aba ae te kabanea n tamaroa.

Taniera 11:24

E na buakani burawinti n te aro ae e aki kantaningaaki, ma ni karaoi m'akuri aika a tuai mani kakaraoaki irouia ana bakatibu. Ao i mwiina e na manga tib'ai nakoia raona b'aai, ao ana b'ai ake a reke naba i rouna n te buaka. E na karaoa ana baire i bukin buakanakin taian nono, ma e na bon aki tau ana tai.

Otea 13:6

I kaam'arakeingkami ni karokoa kam rauaki, ao i mwiina, kam a manga kainikatonga ao kam m'aninga taekau.

Otea 3:5

Ma rimwi, e a rairaki n oki Iteraera nakon te UEA ae Atuaia ao nakon Tawita are aia uea. N te tai anne, a na roko iroun te UEA ma te maaku ao te ruru, ao E na karaoa ae e raoiroi nakoia.

I-Rom 2:4

Ke ko aki rangi ni mutiakina ana ataataiaomata ae bati, ma taotaonan nanona, ma arona n aki kakaiun? Ao ko aki ata ana ataataiaomata te Atua b'a e kairiko nakon rairan nanom?

Te Tua-Kaua 3:5

ao onoua kaawa aika iai ooia aika rietaata, ao mataroaia aika rokanaki n taiani kai aika bangaki, ao iai naba kaawa aika a aki ooaki.

Te Tua-Kaua 32:13

E buokingkami n taua te aba. Ao a rangi ni m'aiti taian uita n ami katawanang. A maiu taian oriwa i aon taabo aika kiriatiibu, ao a kuneaki aia karewe manibeeru i buakon taiani b'a.

Te Tua-Kaua 32:14

A karekei taian miriki ma taiani b'ata ami nanai ni kao ao ami nanai n tiibu, ao kam rinerinea kanami te iriko maiu ao a reke kanami iriko aika rangi n raraoi mairouia ami tiibu ma ami kooti ake a am'am'arake n uteuten Batian. Te naani kabanea n tamaroa ami uita ao kam mooi n te wain ae te kabanea n raoiroi.

Te Tua-Kaua 32:15

Iteraera, ngke kam a marikarika, ao kam a kakaitaraa te UEA are ami Tia Karikib'ai; kam rawa nakon te B'a ae Korakora, are bon ti Ngaia ami tabo n rawei maiumi.