Neemia 9:2 - Te B'aib'ara

² A kanakoia taian iruwa b'a a na aki iriia, ngke a ikotaki i bukin kab'araan aia bure ma aia bure aia bakatibu.

Neemia 9:2 Iomraidhean Croise

1.Uea 8:47

Rimwi, a na namakina aia bure ao a na butiiko kab'araan aia bure. Kaekaia ngkana a tataro ni kaaitaraa te Tembora aei ae I a tia ni karaoia i bukin n am kaawa ae Ko rineia aei i nanon te aba are Ko anganiia aia bakatibu. Ko na ongora mani mwengam i karawa nakon aia tataro korakora ao kaekai aia buubutii.

Etira 10:11

Ao ngkai, kam riai ni kaoti ami bure nakon te UEA ae Atuaia ami bakatibu ao ongotaeka i rouna. Kam na raure ma buumi akana Ianena ao kam na aki manga reitaki ma taian Ianena akana a maeka i rarikimi nako.

Etira 6:21

A kanaki taian karea irouia aomatan Iteraera ake a oki ao irouia naba aomata ake kaain rarikiia ake a tia ni kaaki katei aika a bure, ake kateia botannaomata ake tabeua b'a a aonga ni konaa n taromauriia te UEA ae Atuaia aomatan Iteraera.

Etira 9:1

Rimwi riki, ao a roko aia taani kairiiri taian Iutaia irou ao a taku: A m'aiti Iteraera n reitaki ma taiani ibonga, ao kanoan Rewi aika a maeka n ai aroia aomata ake i rarikiia. A bon tia ni karaoi aia bure kaain Kanaan, kaain Eta, kaain Beriti, kaain Iebuti, kaain Ammon, kaain Moaaba, kaain Aikubita, ao kaain Amora aika a rangi ni kakamaaku.

Etira 9:15

Te UEA ae Atuan Iteraera, ko bon moan raoiroi ngkai ko karaoia tabeman mai buakora b'a a na konaa n tiku ni maiu. Ma I kan taekinna riki b'a ara bure a rangi ni kamamaaira ni kawariko.

Etira 9:2

A tia tabeman m'anen Iteraera ni mare ma aine aika Ianena, ao a kariaia natiia m'aane b'a a na karaoa naba ae ai aron are a karaoia. Ara mataniwi ma ara taani kairiiri bon taani moan karaoa te bure ae moan te kam'araa aei, ao ngkai ana Aomata te Atua aika a tabu a irengan ma aomata aika Ianena.

Neemia 1:6

Bon am toro ngai, ma ngaia ae, I butiiko b'a ko na nanoangaai ao kaekaa au tataro ae I tataro iai ni bong ao ni ngaina i bukiia Iteraera aika a beku i bukim. I a bon tia ni bure ma au utu ao aomata ni kabaneia

Neemia 10:28

Ti bane ma taiani ibonga, kanoan Rewi, taan tei n te tembora, taan anene, taani m'akuri ao taani kairiiri, n ikotaki ma buura ao natira, ni kaokoroira mairouia taiani iruwa n te aba aei ao ngkai ti a rin i nanon te berita ma ootara aika a tab'anin raoi n te b'ai ae ti karaoia.

Neemia 10:29

Ma ngaia ae, ti anga ngaira nako aan ana kamaraia te UEA ae Atuara, ngkana ti a manga aki ongotaeka naba nakon ana tua ao ana reirei ake ti anganaki iroun ana toro are Moote.

Neemia 13:3

Ao i mwiin warekan ana Tua Moote, ao a moana kanakoaia aomata nako ake a riki mairouia ianena Iteraera.

Neemia 13:30

Ao i mwiina, I a karaua ni kakoauaa raoi b'a a bane aomata n aki b'aina te katei ni i-anena, ao I anganiia ibonga ma kanoan Rewi tabeia.

Taian Areru 144:11

Ko na kamaiuai mairouia aomata aika buakaka, akana aki kona n taekina te koaua ma a taekina te kewe, e ngae ngkana a taku b'a a berita b'a a taekina te koaua.

Taian Areru 144:7

Arora baim mai eta, katikai rake man te ran n te tabo ae nano, ao kamaiuai; Kamaiuai mai nanoni baiia aomata aika Ianena,

Taeka n Rabakau 28:13

Ngkana ko aki raraoma n am bure, ao e na aki koro bukin am iango. Ma e na akoiko te Atua ngkana ko kab'araa am bure ma n aki manga okiri.

Itaia 2:6

Ara UEA, ko a tia ni kiitaniia am Aomata aika Iteraera, i bukina ngke a katotoongi kateia botannaomata ake mai mainiku. A taromauriia antiia kaain Biritia ao a rangi ni iraorao ma taian ianena.

Ieremia 14:20

Ti a tia ni bure nakoim ma ara bakatibu.

Ieremia 3:13

Kam na ti kaotia raoi b'a kam bon kamangao ao kam taromaurii antiia ianena i aan kaai aika a korakora n taabo n aki akaaka.

Taniera 9:20

Ao I boni waakina naba au tataro, ni kaoti au bure ao aia bure Iteraera, ao ni kairoroa te Uea ae te Atua b'a e na manga kaokaki te Maunga are e tabu.

Otea 5:7

Kam a tia n aki kakaonimaki nako iu, Ngai ae ami UEA; a tia n reke natimi irouia taiani kabekaau. Ma ngaia are, ko na urubekeaki ngkoe ma arokam n tain te Toa ae Moan Otin Nam'akaina.