Neemia 9:11 - Te B'aib'ara

¹¹ Ko bwenaua taari are e nano ao a m'ananga am aomata i nanona i aon te tabo ae e m'au. Ma Ko kab'akaia aia kairiribai i nanona, ao a inako rikaaki n ai aron te atiibu ae e rawaawata.

Neemia 9:11 Iomraidhean Croise

Taian Areru 66:6

E kaoraa taari mani karikia b'a te aba ae m'auteretere; A nakonako ri nanon te karaanga ara bakatibu; Ti kukurei i rouna ngkekei i bukin ana m'akuri aika e a tia ni karaoi.

Taian Areru 78:13

E bwenaua taari, ao E kairiia ri nanona; E katei ranin taari n ai aron te o.

Te Otinako 14:14

E na buaka te UEA ae Atuami i bukimi, ao bon akea te b'ai teuana ae kam na tangiria ni karaoia.”

Te Otinako 14:25

E kabae wiiran aia kanibuaka, n te aro are a baenikai. Ao a taku kaain Aikubita, “E a buaka te UEA i bukiia Iteraera ni kaitaraira. Ti a kawaekoaira n nako mai ikai!”

Te Otinako 14:29

Ao Iteraera, a bon karauia n nakonako i taari i aon te tano ae m'au, ma taari aika a tei kaanga taian o n itera ake uoua.

Ieremia 32:20

Ko kakannato i bukin Am m'akuri aika a kamimii i Aikubita, ao Ko bon teimatoa ni karaoi i aon Iteraera ao ai uana naba n taabo nako n te aonnaba.

1.I-Korinto 10:1

I tangiringkami, taari, b'a kam na aki m'aninga b'a a bane ara bakatibu ni mena i aan te nang, ao a bane n ri nukan taari;

Ebera 11:29

I bukin aia onimaki Iteraera, ao a ri nukan Tari are Uraura n ai aron ae kanga a nakonako i aon te tano ae m'au; ao ngke a kataia I-Aikubita ni karaoa naba aei, ao a iekaki n te ran ao a mate.

Te Kaotioti 18:21

Ao temanna te anera ae korakora e tabeka te atibu ae ab'akin te atibu n ii b'araua, ae te atibu ae ab'ab'aki, ao e tewea nako marawa; ao e kaangai, “Ao aio aroni B'aburon, are te kaawa are kakannato: e na kab'akaki ni karurunginakoaki, ao e na aki manga noraki.