Neemia 9:1 - Te B'aib'ara

¹ A bane aomatan Iteraera n aki am'aam'arake ni kauabwi ma auani bongin te kaitiua n nam'akaina, ao a kunnikaiia ni kunnikai aika a raerob'a ao a kaoni atuuia n te baareka ni kaota nanokawakiia.

Neemia 9:1 Iomraidhean Croise

2.Tamuera 1:2

Tenua te bong i mwiina, ao e roko te tautia man ana taanga ni buaka Tauro. A mangaingai kunnikaina, ao iai taian tano i aon taubukin atuuna. E nakon Tawita ao e katorobubua i matana.

2.Rongorongo 20:3

Ao e maaku Ieotiab'ata, ao e titirakina te UEA te b'ai ae e na karaoia. Ao i mwiina, e a tuangiia kaain Iuta b'a a na aki am'am'arake ni kaota rawaawatan nanoia.

2.Rongorongo 7:10

Ao e a kaokiia aomata Toromon n te katebwi ma tenuan bongin te kaitiua n nam'akaina, A okirikaaki ma te kukurei i bukin b'aai ni kabane ake e a tia ni karaoi te UEA i bukin Tawita ao Toromon, ao i bukiia ana aomata aika Iteraera.

Etira 8:21

I a buubutiia aomata ngke ti mena i rarikin te Karaanga are Aawa, b'a a na aki am'aam'arake ao a na tataro. Ti kananorinanoira ao ti buubutia te Atua b'a e na anganiira ma natira te mauri i aon Ierutarem ao i aon ara b'ai ni kabane.

Etira 8:23

Ma ngaia are, ti aki am'aam'arake ao ti buubutiia te Atua b'a e na kaawakiniira, ao E kaekai ara tataro.

Neemia 8:2

Ao i mwiina, a titirakina Etira, are bon te tia reirei n ana Tua Moote, b'a e na wareka nakoia kanoan te Tua anne are e a tia n anga te UEA nakoia ana aomata. Ao e roko Etira ma te Tua ao e tei i mataia te koraki ni m'aane, aine ao ataei akekei aika a boni konaa n ataa nanon te b'ai are e warekaki.

Etita 4:16

Naako botiia I-Iutaia ni kabane i Tutian, ao karaoa te aki mamatam, ao te tataro i buku. Kam na aki kana te b'ai teuana ma ni mooi teutana i nanon tenibong. Ao ti na karaoa naba ae ai aron anne ma au toro aine. Ao i mwiin anne, ao N na nako ni kawara te uea, e ngae ngkana e tabuaki n te tua. Ngkana arona b'a N na mate ni karaoan aei, ao N na boni mate.

Etita 4:3

Ao a bane n tang taian I-Iutaia n taabo nako ike e katanoataaki iai ana rongorongo te uea arei. Ao a aki mamatam, ao a tanginiwenei, ao angiia a karin kunnikai aika a mangaingai, ao a wene i buakon taiani mannang.

Iobi 2:12

Ao a kaman noora Iobi ma ngke a mena i keraroa ma aki kinaa, ma ngke a kinaa ao a moana tanginiweneia ma tangiia ni korakai. A raeuai aia kunnikai i bukin rawawataia, ao a tetewerakei taiani mannang nako eta i aon atuuia.

Itaia 22:12

Ngke a koro bukin b'aai aikai ni kabane, ao e tuangingkami te UEA ae Moan te M'aaka b'a kam na katu ranin matami ma n tang, ma ni koro marai atuumi, ao n kunnikain kunnikai aika a mangaingai.

Ioera 2:12

E taku te UEA: E tuai ni b'aka nako taina. Kam bon konaa naba n okirai ma nanomi ni kabane. Moana tangimi ma tanginiwenei! Kam na aki am'aam'arake.

Nakoaia Ibonga 23:34

b'a e na kaangai nakoia Iteraera: Ni moanaki mani katebwi ma nimauani bongin te kaitiua n nam'akaina n reiti nako ni karokoa itiua te bong, ni kabane te koraki a na kauringa te Toa ae M'anganikaai i bukin karineau.

Nakoaia Ibonga 23:39

Uringnga ni moana te Toa ae M'anganikaai mani katebwi ma nimauan bongin te kaitiua n nam'akaina i mwin taian ami uaa. Rungaa te toa aei i nanon itiua te bong ni karineai, ao tai karaoa te m'akuri ni moani bongina, ke n te bong are i mwin te runga.

Iotua 7:6

Ao a raeuai kunnikaia Iotua ma ana mataniwi, ao a iakiaki i aontano i matan Ana Ati ni Berita te UEA ni kabongnga, ao a tauni atuia n te baareka ni kaota rawawataia.

Te Kaotioti 11:3

Ao N na karekea aia tai au tia kakoaua ake uoman b'a a na taetae ni burabeti, ao a na taetae ni burabeti i nanon tengaa ao uabubua ma onongaun te bong, ao a na kunnikaiia n te kunnikai ae mangaingai.”

Tani Motiki-taeka 20:26

Ao a nakon te tabo n taromauri Iteraera i Betaera, te tabo ike e kaawakinaki iai te Atiniberita. A tekateka i aon tano, ao a tang ma n aki am'arake ni karokoa te bong. Ao ngke e nang bung taai, ao a angakarea nakon te UEA ao a bubutiia Ana kakab'aia. Ao e tataro Bineati are te ibonga ni kaangai, Ara UEA, bon ara koraki kaain te baronga are Beniamin. Ti nang katoka buakanakiia, ke ti na buakaniia riki? Ao E taku te UEA, Buaka, ao N na katokanikaingkami nakon te ingabong.

1.Tamuera 4:12

Ao e biririkaaki man te bonibuaka nako Tiro temanna te tautia man te baronga are Beniamin. E a tia n raeuaka ana kunnikai ao e tauna atuuna n te tano ni kaota rawawatan nanona.

1.Tamuera 7:6

Ao a bootaki ni kabowi Iteraera i Mitib'a ao a kairaki i roun Tamuera. Ao a itiia te ran man te m'anib'a ao a kab'aroa b'a kaanga aia karea nakon te UEA. Ao ni bon te bong naba anne, ao a aki am'arake ni kaota rawawataia, ao a kaoti aia bure ma aia aki kakaonimaki nakon te UEA.