Neemia 8:9 - Te B'aib'ara

⁹ Ao a tang aomata ngke e a warekaki ana Tua te Atua nakoia. Ao i mwiina, e taku Neemia are te koowana, Etira are te ibonga ao te tia reirei, ao kanoan Rewi ake a tia n reireiniia aomata, “Bon aio te bong ae e kaokoro i bukin ami UEA ae Atuami. Ma ngaia ae kam na aki nanokawaki ao kam na aki tang!”

Neemia 8:9 Iomraidhean Croise

2.Uea 22:11

Ao ngke e ongo Iotia kanoan te boki are Ana Boki n Tua Te Atua, ao e raeuai ana kunnikai i bukin rawawatan nanona.

2.Uea 22:19

I namakina rawawatam ngke ko warekia ae e na kamaunaaki te aba aei ma kaaina ni kabane. Ko bon raeuaaka naba kunnikaim i bukin rawawatan nanom, ao I ongo b'anaam ngke ko tang.”

2.Rongorongo 15:3

E rangi ni maan te tai ae a aki taataromauriia iai te Atua ni koaua Iteraera ke ni kakauongo nakoia taiani ibonga ake a konaa n reireiniia taekan te Atua. Ma a rawa n ongotaeka nakon ana tua te Atua.

2.Rongorongo 30:22

Ao Etekia e kaaitauia kanoan Rewi i bukin karaoan taian m'akuri ae e raoiroi, are kairiia aomata i nanon waakin te bootaki. A bukamarua te Toa taan taromauri i nanon itiua te bong n anga taian karea, ao ni kang taian am'arake ake a tabu, ao n neboa te UEA are Atuaia aia bakatibu.

2.Rongorongo 34:19

Ao ngke e ongo Iotia b'aai ake a mena i nanon ana Boki n Tua te Atua, ao e raeuai kunnikaina i bukin rawaawatan nanona.

2.Rongorongo 34:21

“E bae n rangi ni un te UEA irou ao irouia aomata naba ni kabane i Iteraera ao i Iuta, i bukina b'a a tia n aki ongotaeka ara bakatibu nakon taian tua aika m'akoro i nanon te boki aei. Naako kakaaea b'a tera nanon te UEA ae ti na karaoia.”

2.Rongorongo 35:3

E weteia kanoan Rewi ake a m'akuri i bukin te UEA ake a reireiniia aomata ana tua nako te UEA, ao e taku: Kam a aki manga uouota te Atiniberita man te tabo teuana nakon te tabo teuana. E na tiku i nanon te Tembora are e kateaki iroun Toromon are te uea are natin Tawita te m'aane, ike kam na m'akuri iai i bukin te UEA ao Iteraera.

Etira 2:63

Ni koauana, ao a tuangaki iroun te koowana ni kaangai, Kam aki konaa ni kang taian am'arake ake taian angab'ai nakon te Atua ni karokoa kam boni kakoaua raoi b'a bon taian ibonga ngkami.

Etira 7:11

Bon te ibonga Etira ao te aomata ae e rangi n atatai n ana Tua te UEA, n ikotaki ma ana mwioko ake e a tia n anganiia Iteraera. N te bong teuana ao e a anga te reta te uea are Atatokititi nakon Etira ae e kaangai kanoana:

Neemia 10:1

Ngkai te koowana ngai, ao ngai ae n na karaoa te boraraoi ma Tetekia ao ibonga aikai:

Neemia 12:26

A maiu m'aane aikai ni kabane i nanon ana tai Ioiakim ao i nanon naba au tai ni koowana ao ana tai n ibonga Etira are te tia reirei n ana Tua Moote.

Neemia 7:65

Ni koauana, ao e taku te kowana nakoia, “Kam aki konaa ni kang taian am'arake ake a anga aomata nakon te Atua ni karokoa kam konaa n tuangiira b'a bon tenaan ibonga raoi ngkami.”

Neemia 7:70

A m'aiti aomata ake a anga aia b'aintangira ni buoka kabooan taiani b'ai i bukin te Tembora.

Neemia 8:2

Ao i mwiina, a titirakina Etira, are bon te tia reirei n ana Tua Moote, b'a e na wareka nakoia kanoan te Tua anne are e a tia n anga te UEA nakoia ana aomata. Ao e roko Etira ma te Tua ao e tei i mataia te koraki ni m'aane, aine ao ataei akekei aika a boni konaa n ataa nanon te b'ai are e warekaki.

Te Minita 3:4

te tai n tang ao te tai ni ngare, te tai n nanokawaki ao te tai ni kukurei,

Itaia 61:3

mai ai moaraara riki i Ierutarem. E kanakoai b'a N na anganiia taiani uee n onea mwiin nanokawakiia, b'aan te oriwa n onea mwiin taian rannimata, ao te kukurei n onea mwiin te uruakinnano. A na aranaki b'a “Arokan te Motiraoi,” are e unikaki iroun te UEA i bukin neboan arana.

Otea 4:6

Kam a tia ni katinanikuai ngkami aika ibonga, ao a uruanaki au aomata i bukina ngke a rawa n ongo. Ma ngaia are, N na katinanikuingkami ma ni kaaki taekaia natimi, i bukina ngke kam a tia ni m'aninga taekan au tua.

Nakoaia Ibonga 23:24

b'a e na kaangai nakoia Iteraera: E na riai n riki moa ni bongin te kaitiua n nam'akaina b'a te bongi ni motirawa ae e b'anin. Ma ngaia are, n tangin te naa ni bu, ao kam riai ni bootaki n taromauri ao n angakarea i aon te baonikarea.

Maraki 2:13

Ao tera riki baika kam karaoi? Kam tang ni karongoa ao kam kaiekaa ana baonikarea te UEA n ranin matami, i bukina ngkai E aki kukurei iroumi n ami angab'ai ao e aki kan butim'aai.

I-Rom 3:20

B'a akea i matan te Atua te aomata ae e na kaetaki arona n reitaki ma Ngaia ni karaoan nanon te Tua; b'a e ataaki raoi te bure n te Tua.

I-Rom 7:9

I maiu ngkoa ngke akea te Tua; ma ngke e roko ana Taeka te Atua n te Tua, ao e a manga uti te bure,

Te Tua-Kaua 12:12

ngkami ma ami utu, ao ami toro, ao kam na bootaki n te tabo n taromauri, b'a E a tia te UEA ae Atuami n anganingkami te totokanikai ni b'aai ni kabane aika kam a tia ni karaoi.

Te Tua-Kaua 12:7

Kam na aki manga anga te karea n taabo nako ike kam tangiria ni karaoia iai, ma E nang rinea te tabo teuana te UEA i aon Iteraera ike kam na taromauriia iai.

Te Tua-Kaua 26:14

I bon tuai mani kana naba teutana m'akoron am'arake aika tabu aikai ngkana I tanginiwenei; ao ni koauana, I bon tuai man riingnga naba ngkana I kam'araa. Ao bon akea naba mai buakoia ae I a tia n anga b'a te karea nakoia maate. I a tia ni karaoi b'aai ni kabane n aron aika Ko a tia ni baaireia.

Iakobo 4:9

Kam bon riai n nanokawaki ma n tang ni korakai. Ke e oneaki ngarengaremi nakon te tang ni korakai, ao ami kim'areirei nakon te mata ni kananoanga.