Neemia 8:12 - Te B'aib'ara

¹² Ao ngke a oki aomata nakon mwengaia, ao a kukurei n am'arake ao n tib'ai kanaia ma raoia aika a tangira buokaia, i bukina ngke a ataa nanon te b'ai are e a tia ni warekaki nakoia.

Neemia 8:12 Iomraidhean Croise

1.Rongorongo 29:22

Ao a rangi ni kukurei aomata, ao a am'arake ma ni mooi ikekei i rarikin ana baonikarea te UEA. N te bong naba anne, ao e a katokaaki ana baunuea Toromon ni kaueaaki. Ao a bane ni kukurei aomata ao e kab'aroaki te b'a i aon atuun Toromon ni kaotia b'a e na manga uea. Ao e kab'aroaki naba te b'a i aon atuun Tatoka ni kaotia b'a ngaia ngkai aia ibonga.

Neemia 8:10

Ao e taku Neemia nakoia aomata, “Kam na kukurei ni kang kanami ao n nim nimami aika a raraoi ao ni i buokanib'ai iai ma raomi aika akea uotaia. Kam na aki nanokawaki! Bon ana bong te UEA ae e kaokoro te bong aei, ao E na bon kakukureingkami ma ni korakoraingkami.”

Neemia 8:11

Ao a kakorakoraia aomata kanoan Rewi ni kaangai, “Bon te bong ae e tabu te bong aei, ma ngaia ae, kam na aki raraoma ke n tang!”

Neemia 8:13

A bootaki taani kairiiri man m'akoron taiani utu ni kabane ma taiani ibonga ao kanoan Rewi ni kauabongin te kaitiua n nam'akaina, b'a e aonga ni konaa Etira n reireiniia te Tua

Etita 9:22

Bon aika boong are a tia iai I-Iutaia ni kamaiuia i bon irouia mairouia aia kairiribai; bon aei te nam'akaina are e a tia n bitaki man te tai n nanokawaki, ma ni korakai nakon te tai n kukurei ma ni kim'areirei. A tuangaki b'a a na kakauringi boong aikai ni karaoa iai aia baka n am'arake, ma n anga aia b'aintangira taian am'arake i bon i marenaia n tatabemaniia nako ao nakoia aika a kainano.

Iobi 23:12

I karaoi Ana mwioko ni kabane ake E tuangai b'a N na karaoi.

Taian Areru 119:111

A riki am Taeka b'a au b'ai n aki toki; A kakukureia nanou.

Taian Areru 119:127

I tangiri riki am Tua nakon te koora, ae te koora ae moan te raoiroi.

Taian Areru 119:130

E karekea ootan nanoia akana bangab'ai am Taeka, Ao e kawanawanaia naba.

Taian Areru 119:14

I a kukurei riki n iri nanon am Taeka nakon tangiran te kaub'ai ae bati.

Taian Areru 119:16

I kukurei n am Tua; N na aki m'anuoka am Taeka.

Taian Areru 119:171

N na aki toki ni katituaraoiko, ngkai Ko reireiai am Tua.

Taian Areru 119:174

Te UEA, I kainanoa am Kamaiu! I kakukureiaki n am Tua.

Taian Areru 119:72

E manena riki nako iu am Tua are Ko anga, nakoni manenan te kaub'ai ae bati i aonnaba.

Taian Areru 119:97

Ai batiraa tangiran am Tua irou! Au b'ai n iaiangoia n te bong koraki.

Ieremia 15:16

I rangi n ongotaeka, ngke Ko taetae nako iu, i bukina ngke bon Am b'ai ngai, te UEA ae Moan te M'aaka.

Ruka 24:32

A i taetae i rouia ni kangai, “Tiaki a riingaki nanora ngke E taetae nako ira i nanon te kawai, ao ngke E kab'ara nanon te B'aib'ara nako ira?”

I-Rom 7:18

B'a I ata te raoiroi b'a e aki maeka i nanou, ae i nanon rab'atau; b'a e boni ngae ngke iai i nanou kani karaoan te raoiroi, ma I aki kona ni karaoia.

Te Kaotioti 11:10

Ao ake a maeka i aon te aba a kim'areirei ma ni kakatonga; ao ane a na kanako b'aintangira ni bon nakoia n tatabemaniia nako; b'a burabeti ake uoman akekei bon taan uota te aro ae kamamate nakoia aomata ake a mena i aon te aba.