Neemia 7:64 - Te B'aib'ara

⁶⁴ Ma e aki konaa n reke rongorongon utu aika tenua aikai, ao akea mai buakoia ae e kariaiakaki n riki b'a te ibonga.

Neemia 7:64 Iomraidhean Croise

1.Rongorongo 9:1

A bane n tauaki araia Iteraera n rongorongon te utu ae e eti raoi are e karinaki naba n Rongorongoia Uean Iteraera. A uotaki nako aomatan Iuta b'a taenikai nako B'aburon i bukina ngke a bure nakon te UEA.

Neemia 13:29

I tataro b'a e na katuaaia te Atua i bukin uruakan aia berita n nakoaia n ibonga ao i bukin naba katarabuakaan te baronga are Rewi.

Neemia 7:5

Ma ngaia are, e a anganai te Atua te iango b'a n na bootia aomata, ma taani kairiiri, mataniwi ao n tuoi rongorongon taian utu aika a eti raoi i bukiia aomata ake a tia n okirikaaki man te kataenikaiaki mai B'aburon, i mwiin uotakinakoaia iroun te uea are Nebukaneta.

Neemia 7:63

A aki konaa naba ni kateirikiia ana utu Obaia, Akoti, ao Baretirai b'a ibonga ngaiia. A tia ni mare ana bakatibu ana utu Baretirai ma natin Baretirai te aine, are kaain Kireata ao e katokaa araia ana utu buuna.

Neemia 7:65

Ni koauana, ao e taku te kowana nakoia, “Kam aki konaa ni kang taian am'arake ake a anga aomata nakon te Atua ni karokoa kam konaa n tuangiira b'a bon tenaan ibonga raoi ngkami.”

Nakoaia Ibonga 4:3

Ngkana tao te ibonga ae e bure ni kabuakakaia te botannaomata, ao e na uota te kao teteei ae te m'aane ae akea toabuakan rab'atana, ao e na tiringnga b'a ana karea i bukin ana bure.