Neemia 7:2 - Te B'aib'ara

² I katuka tariu are Anani b'a e na tararua Ierutarem, n reitaki ma Anania, are te kam'aanta n te nono b'a e onimakinaki, ao e karinea te Atua nakon are a karaoia aomata nako.

Neemia 7:2 Iomraidhean Croise

Karikani B'aai 42:18

Ao e taku Ioteb'a nakoia n te katenibong, “Bon te aomata ngai ae I mamaaka te Atua, ao ti teuana te anga are N na kona ni kamaiu ngkami iai.

2.Tamuera 23:3

E taku nako iu Atuan Iakob'a Au b'a ae e korakora, E karaoa ae e raoiroi te tia tautaeka ae e ongotaeka nakon te Atua

1.Uea 18:12

Tera ngke E waekoa n anaiko Tamnein te UEA n te tai are I kitaniko naba iai? B'a ngkana e roko Aaba n anaiko ao ko na bon aki reke i rouna. Ao ane e na manga bon tiringai. I bon tataromauria te UEA mangke te ataeinim'aane ngai.

1.Uea 18:3

Ao e riki Ob'aria b'a te tia tararua ana bareti Aaba n te tai anne, ma e bon kakaonimaki naba n taromauria te UEA.

Neemia 1:2

Ao ngke e roko tariu are Anani ma tabeman m'aane mai Iuta, ao I titirakinna taekaia Iutaia ake a birinako man te kataenikaiaki i B'aburon. Ao I titirakiniia naba i bukin te kaawa ae e buubura are Ierutarem.

Neemia 10:23

Otea, Anania, Atuba,

Neemia 13:13

N tokina, I a rineia teniman m'aane aika akea aia kaangaanga b'a a na tararuai b'aai ake a uotaki nako ikekei ao ni manga tib'ai nako nakoia tabem'aang. Koraki aikai bon Teremia are te ibonga, Tatoka are te tia reirei n te Tua, ao Betaia are kanoan Rewi. Aia taani buobuoki bon Anan, are natin Takuura te m'aane ao tibun Matania te m'aane.

Neemia 2:8

N na bon kainanoi taiani kai i bukin manga karaoan mataroan taian nono ake i rarikin te Tembora ao kaai riki tabeua i bukin katean oon te kaawa ao i bukin karaoan te tabo naba ae n na maeka iai. Ma ngaia are, I tangira te reta nakon Ataba are e tararuaa ana buakonikai te uea.” E karaoa ae e raoiroi te UEA nako iu, ai ngaia are, e karaoi b'aai ni kabane te uea ake I buubutiia.

Neemia 5:15

Taian kowana ni kabane ake i m'aaiu a bon karawaawataia aomata ni karaoia aomata b'a a na kabooi kanaia ma nimaia ao a tangira abwi te m'ane te tirewa ni katoa bong. Ao bon taian mataniwi naba aika a karawaawataia aomata. Ma I karinea te Atua, ao I taku b'a e aki riai te karawaawataia aomata.

Neemia 7:3

Ao I taku nakoia, “Kam na aki kauki taiani mataroa nakon te kaawa ni karokoa tabeua te tai i mwiin otin taai. Ao kam na kakoaua raoi b'a a bon in ma ni matoa raoi i m'aain motirawaia taan tei ni bungin taai. Kam na rineia aomata mai Ierutarem b'a a na tei n taabo aika a kakaokoro i rarikin nako te oo ao tabem'aang b'a a na tei i rarikin oin aia auti nako.”

Iobi 1:1

N ririki aika b'akanako, te aomata ae arana Iobi e maeka n te aba are Uti. Bon te aomata ae moan te raoiroi, ao e raarawa ni karaoa te m'akuri ae buakaka.

Taian Areru 101:6

N na tarataraia akana kakaonimaki i aon te aba, B'a a na maeka irou n au bareti. Ake a b'ab'aina te koaua ao ana riki b'a au tia m'akuri.

Te Otinako 18:21

Ma i rarikin anne, ao ko riai n rineia mm'aane aika konab'ai b'a taani kairiiri i bukiia aomata. Rineia taani kairiiri i bukiia tengaun, nimangaun, tebubua ao teuana tengaa, aika koraki aika mamaka te Atua aika a kakaonimaki, ma n aki b'ab'aina te babakanikawai.

Taniera 6:4

Ma ngaia are, a kakaea kabuakakaan ana kairiiri Taniera n te tautaeka naake raona ni mataniwi ao aobitia aika a rietaata, ma e bon aki reke i bukina ngke bon te aomata ae e onimakinaki Taniera, ao akea ana m'akuri ae e kairua, ke aki nakoraoi.

Warekaia Iteraera 12:7

Ma Moote bon Au tia m'akuri ae te tia kairiia Au aomata.

Mataio 24:45

Antai ngkanne te toro ae kakaonimaki ae wanawana, ae kateaki iroun ana toka b'a e na teiakiniia kaain ana auti te toka anne n anganganiia kanaia n aia tai?

Mataio 25:21

E taku ana toka nako ina, “Ko a tia ni m'akuri raoi, te toro ngkoe ae ko raoiroi ae ko kakaonimaki. Ko a tia ni kakaonimaki nakon te b'ai ae uarereke, N na karaoiko b'a ko na mataniwi i aoni baika bati; ko na rin i nanoni kim'areirein am toka!”

1.I-Korinto 4:2

Ao te bae e tangiraki mairouia touati bon aroia ni kakaonimaki.

2.Timoteo 2:2

ao baikana ko ongo i rou ake I taekin i mataia taani kakoaua aika bati, ko na mwiokoi nakoia aomata aika kakaonimaki, aika kona n reireiia naba tabem'aang.