Neemia 7:1 - Te B'aib'ara

¹ Ao i mwiin banen manga karaoan te oo ao taiani mataroa ake a tinetine, ao a anganaki tib'angaia taan tei n te tembora, taan anene, ao kanoan Rewi ake te korakina.

Neemia 7:1 Iomraidhean Croise

2.Uea 7:10

Ao a okira Taamaria ao a takaarua ni waerake nakoia tautia ake a teiakina te mataroa, ao a taku, “Ti a tib'a oki man aia kaemb'a tautian Turia, ao a bane n tia n nako tautia. A akea kaain taian autinrianna, ao a boni bane n rooaki taian aoti ma taian aati. Ao bon akea naba temanna ae ti ongo b'anaana ke n nooria.”

2.Rongorongo 31:2

Ao Etekia e bwenauaia ibonga ma kanoan Rewi nakon taiani m'akoro, ni kaineti ma aia m'akuri. Ao i mwiina, e anganiia tib'angaia te anga taiani karea ake kakukureian te UEA ao taiani karea i bukin te UEA ake buubutian te UEA ana kakab'aia. E rineia naba aomata ake a na m'akuri n te Tembora ao a na anene n nebo ni mataroan nako te rin nakon te Tembora.

Etira 3:8

I nanon te kauoua n nam'akaina n te kauoua n ririki i mwiin okiia aomata mai B'aburon, ao a moana manga karaoan ana Tembora te UEA. A moana m'akuriia Terub'abera are natin Tearetiera te m'aane, Iotua are natin Tatoka te m'aane, ibonga, kanoan Rewi, ao aomata ni kabane ake a oki. Ni kabane kanoan Rewi ake a raka aia ririki ni maiu i aon uabwi, a anganaki tib'angaia tararuakin tabeua m'akoron te m'akuri.

Neemia 10:39

are bon nnen naba b'aai aika a tabu aika a na kabonganaaki irouia ibonga, ao te Tembora, ao ai taan anene. Ti na riai n aki kakeaa manenan ana Tembora Atuara.

Neemia 11:3

Ao tabeman Iteraera, ibonga, kanoan Rewi, taani m'akuri n te tembora, ao aia kariki ana taani m'akuri Toromon a boni maeka ni bon oin abaia n te kaawa are Iuta. Ma a maeka taani kairiiri ma aia utu n te burawinti i Ierutarem.

Neemia 12:24

A tararuai kuaaea ake uoua, Atiabia, Terebia, Ietua are natin Katemiera te m'aane, n reitaki ma aia taani buokiia. Kuaaea aika uoua aikai ake a kaainaki irouia kanoan Rewi ake a anene n neboa te Atua, n aron are e a tia ni baaireia ngkoa ana aomata te Atua are te uea are Tawita.

Neemia 6:1

Ao a ataia Taneb'arata, Tobia, Ketem, ao ara kairiribai ake tekorakina ae I a tia ni kabanea manga karaoan te oo. Ti te b'ai ae I tuai ni karaoia bon katinetinean taiani mataroa ni mataroan taiani kawai n rin.

Neemia 6:15

Ao ni kauabwi ma nimauan bongin te nam'akaina ae Erura, ao e a bane iai manga karaoan te oo. E kabanea nimabwi ma uoua te bong.

Neemia 6:19

Aomata ake a aki toki ni kakaongoai b'aai aika a raraoi aika e a tia ni karaoi Tobia a manga tuanga Tobia b'aai ake I a tia n taekin. Ma ngaia are, e teimatoa Tobia ni kaakanakoa ana reta ni kakamaakai.