Neemia 6:9 - Te B'aib'ara

⁹ A kataia ara kairiribai ni kakamaakuira ma ni kataia ni katokiira man ara m'akuri. Ma I buubutiia te Atua b'a e na anganai te korakora.

Neemia 6:9 Iomraidhean Croise

2.Rongorongo 15:7

Ma ngaia ae ko na ninikoria. Ko na aki b'ara n nano! E na karineko te Atua i bukin ongotaekam i rouna.

2.Rongorongo 32:18

A taekini baikai ni kabane taiani mataniwi akekei n te taetae n Ebera, b'a a aonga ni bane n ongo aomata ni kabane ake i nanon te kaawa are e buubura are e nonoaki arei ao a na maaku ma n taenikai.

Etira 1:6

Ao ake tekorakina a buobuoki n anga b'aai aika a karaoaki man te tirewa, ao taiani koora, ao bon aia b'ai nako, taian kao, ao b'aintangira riki tabeua aika a kakaawaki, ao ai uana naba ma taian angab'ai i bukin te Tembora.

Neemia 6:14

Ao i mwiina I buubutiia te Atua b'a e na katuaaea Tobia ma Taneb'arata i bukin te b'ai are a tia ni karaoia. I tataro b'a e na katuaaea te burabeti are Nei Noaria te Atua ao burabeti ake tekorakina ni ikotaki, ma koraki ake a tia ni kataia ni kakamaakai.

Taian Areru 138:3

Ngke I weteiko, ao Ko ongo irou; Ko kakorakoraai ni korakoram.

Taian Areru 56:3

Ngkana I maaku, Atuau, ao N na onimakiniko.

Taian Areru 68:35

Te Atua, Ko kakamaaku n rokom man am Tabo are Tabu Atuaia Iteraera! E anga te korakora ma te m'aaka nakoia ana Aomata. Kam na neboa te Atua!

Taian Areru 71:1

Te UEA, I nakoim b'a N na kamanoai iroum; Tai kariaia b'a N na reke irouia taan ribaai!

Itaia 40:29

Bon te UEA ae e anga te korakora nakoia aika a kua.

Itaia 41:10

Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.

Ieremia 38:4

Ma ngaia are, a m'ananga ni kawara te uea naake aman akekei ao a taku, “E na riai ni tiringaki Ieremia b'a e kab'arai nanoia tautian te kaawa aei ma aomata ni kabane, e kataia ni kakiriwei nanoia aomata.”

Etekiera 30:24

Ao i mwiina, N na kaoka korakoran angan uean B'aburon ma ni kaaki ana kabaang i nanon baina. Ma N na otea angan uean Aikubita, ao e na ngirangira ma ni mate i mataia ana kairiribai.

Tekaria 10:12

N na kakorakoraia Au aomata i bukina ngkai bon te UEA Ngai, ao a na irai. Bon aei Au taeka Ngai ae te UEA!

2.I-Korinto 12:9

Ao E kangai nako iu, “E tau i bukim au akoi, b'a e oti aroni m'akau b'a e korakora n te mamara.” Ma ngaia ae moan te kukurei ngai ni kamoamoaai ni mamarau, b'a e aonga ni memena m'aakani Kristo i aou.

I-Ebeto 3:16

b'a E na anganingkami mani kaub'ain arona aika kamimii, te m'aaka iroun Tamneina b'a kam aonga ni kakorakoraki n nanomi;

I-Ebeto 6:10

Te kabanea: kam na korakora i nanon te UEA, ao ni korakorani m'aakana.

I-Biribi 4:13

I konai b'aai ni kabane ni kaitarai iroun Teuare kakorakoraai.

Ebera 12:12

Ma ngaia ae kam na karekei angini baimi akana kainikamate, ma waemi akana a mamara bubuaia,

1.Betero 5:10

Ao te Atua are mai Rouna te akoi ni kabane, ae weteingkami nakon neboakina ae aki toki ngkai kam reitaki ma Kristo, E na karaoingkami b'a a na nako raoi aromi i mwini marakimi n te tai ae aki maan, ao E na kateimatoaingkami ma ni kakorakoraingkami ma ni kamatoatoaingkami

1.Tamuera 30:6

E a bon rangi n reke Tawita n te kangaanga irouia ana rorobuaka b'a a rangi ni b'ara nanoia i bukin buan natiia, ao a iaiangoa karean Tawita n atiibu; ma E anganna korakorana te Atua,