Neemia 6:19 - Te B'aib'ara

¹⁹ Aomata ake a aki toki ni kakaongoai b'aai aika a raraoi aika e a tia ni karaoi Tobia a manga tuanga Tobia b'aai ake I a tia n taekin. Ma ngaia are, e teimatoa Tobia ni kaakanakoa ana reta ni kakamaakai.

Neemia 6:19 Iomraidhean Croise

Neemia 6:13

ma ni kakamaakai b'a n na karaoa te m'akuri ae e bure, b'a a tangiria ni kabuakaka raoiroin arau.

Neemia 6:18

A kakaonimaki aomata aika a m'aiti i Iuta nakon Tobia i bukin b'aai aika uoua aika: I bukina ngke taman buuna bon Tekania are natin Ara te m'aane, ao i bukina naba ngke e iein Ieoanan are natin Tobia te m'aane ma natin Meturam te aine. Meturam are natin Berekia te m'aane.

Neemia 6:9

A kataia ara kairiribai ni kakamaakuira ma ni kataia ni katokiira man ara m'akuri. Ma I buubutiia te Atua b'a e na anganai te korakora.

Neemia 7:1

Ao i mwiin banen manga karaoan te oo ao taiani mataroa ake a tinetine, ao a anganaki tib'angaia taan tei n te tembora, taan anene, ao kanoan Rewi ake te korakina.

Taeka n Rabakau 28:4

E neboa te aomata ae e buakaka taan urua te tua, ma a aki toki ni kaitaraaki n taai nako irouia aomata aika a kaawakin taian tua.

Ioane 15:19

Ngkana ana b'ai te aba ngkami, ao e na tangiringkami b'a e tangiriia ana b'ai; ma ngkai tiaki ana b'ai te aba ngkami, ao I rineingkami mai iai, ao bon aei bukina ae e ribaingkami iai te aba.

Ioane 7:7

Akea bukin ae kam na ribaaki iai irouia aomata nako; ma iai bukin ribakiu i rouia, b'a I aki toki n tuangiia b'a a bubuaka aia m'akuri.

1.Ioane 4:5

Boni man te aonnaba ae bubure te koraki arei; ma ngaia ae a taekini b'ain te aonnaba ae bubure, ao a ongo kaaina i rouia.