Neemia 5:9 - Te B'aib'ara

⁹ Ao I reitanako au taeka ao I taku, “E bure te b'ai ae kam a tia ni karaoia! Ti na karinea Atuara n arora ni maiu, b'a a aonga tientaire n aki noora te kaairua iroura.

Neemia 5:9 Iomraidhean Croise

Karikani B'aai 20:11

Ao e kaeka Aberaam, “I taku ngai b'a akea ae karinea te Atua ikai, ao I maaku iai b'a kam rawa n tiringai, ao kam anaa buu.

Karikani B'aai 42:18

Ao e taku Ioteb'a nakoia n te katenibong, “Bon te aomata ngai ae I mamaaka te Atua, ao ti teuana te anga are N na kona ni kamaiu ngkami iai.

2.Tamuera 12:14

Ao e taku Natan, “Eng, ko a tia! Ko bon aki tabe ma te b'ai ae e tangiria te UEA. E a tia ni kab'araa am bure, ma ngaia are, ko na aki mate. Ma e na mate natim are e a tia ni bungiaki.”

Neemia 4:4

Ma I tataro ni kaangai, “Atuara, a ribaira te koraki aikai ao a tangiria b'a ti na taonaki n taiani kangaanga. Taiaoka kaekaa ara tataro ao kaoki aia taeka nakoia! Ko na karaoia b'a koraki ake a na uotaki nako b'a taian taenikai n te buaka.

Neemia 5:10

I bon anga naba te m'ane ao te uita ngai ma au koraki ao raoraou, ma ti na aki tangira boona.

Neemia 5:15

Taian kowana ni kabane ake i m'aaiu a bon karawaawataia aomata ni karaoia aomata b'a a na kabooi kanaia ma nimaia ao a tangira abwi te m'ane te tirewa ni katoa bong. Ao bon taian mataniwi naba aika a karawaawataia aomata. Ma I karinea te Atua, ao I taku b'a e aki riai te karawaawataia aomata.

Taian Areru 90:11

Ai antai ae a tia n namakina aroni korakoran unim, ke n ataa kakamaakuna?

Taeka n Rabakau 16:29

Kam na aki onimakiniia aomata aika a tiritiri. Ane a na bon kairiko nako ni karaoa te b'ai ae e aki raoiroi.

Taeka n Rabakau 17:26

E bon aki riai katuaaean te aomata ae akea ana bure ao aika a kaakaraoa ae e eti.

Taeka n Rabakau 18:5

Bon te kaairua ngkana kam nanona te tia bure ao n totokoa te motikitaeka ae e eti nakon te aomata ae akea ana bure.

Taeka n Rabakau 19:2

A aki konaa ni kaai n airi te kani b'aib'ai ma te bangab'ai. E na aki reke iroumi te kawai ngkana kam rangi ni ienikuri.

Taeka n Rabakau 24:23

Aikai riki tabeua taian taeka n rabakau aika a kawanawanaa te aba: Ko na karaoa ae e riai ngkana ko motikitaeka.

Etekiera 36:20

E kamatauningaaki arau n taabo nako ake a nako iai, i bukina b'a a kab'ainrangiia Au aomata ianena n aia taeka are a taku b'a I a tia ni kairoroia Au aomata b'a a na kiitana oin abaia.

Nakoaia Ibonga 25:36

Tai karekeia b'a b'aai ni kareke raka n te aro are e na anaaki te bakao mai rouia, ke tao ni kabooa nako te am'arake nakoia ni karekea te raka iai.

M'akuri 9:31

E wene n rau ngkanne te ekaretia i aon Iutaia ni kabuta, ma Kariraia, ma Taamaria, ao e kateimatoaki; a kaotia ni maiuia kaaina b'a iai karinean te Atua i rouia, ao e rikirake m'aitini kaaina n ana buobuoki te Tamnei are Raoiroi.

I-Rom 2:24

B'a e koreaki ae kaangai: “I bukin aromi, ngkami aika I-Iutaia, ao e a riki n taetaebuakaki iai aran te Atua irouia aomata aika tiaki I-Iutaia.”

1.Timoteo 5:14

Ma ngaia ae I tangiriia riki ateiaine aika a mate buia b'a a na iein, a na karikiia natiia, a na tararuaia aia utu, ao a na aki karekea te anga are e na kabuakakaira iai te kairiribai;

Tito 2:5

a na iango raoi, a na itiaki, a na m'am'akuri ni mwengaia, a na raoiroi aroia nakoia aomata, ao a na aantaeka irouia oini buia, b'a e kawa ni kabuakakaki ana taeka te Atua.

1.Betero 2:12

A na raoiroi aroaromi i buakoia aomata aika tiaki I-Iutaia; b'a ngkana a bukiningkami b'a kam karaoa ae buakaka, ao a noori ami m'akuri b'a a raraoi, ao a na neboa te Atua iai n te bong are E na roko iai.

1.Tamuera 2:24

Bon akea te b'ai ae I ongongo ma ti taekan ngureakinakimi irouia ana aomata te UEA.