Neemia 5:13 - Te B'aib'ara

¹³ Ao i mwiina, I kabaabanea kanoan au buua ao I taku, “Ngkana kam aki kakororaoa ami berita, ao anne te b'ai ae e na karaoia te Atua nakoimi. E na kabanei ami b'ai ni kabane akana iroumi ni kanakoi, ao e na bon uoti nako naba ami auti.” Ao a taku aomata, “Ti na kakoroi raoi bukin ara berita.” Ao i mwiina, a neboa te UEA ao a karaoi baike a tia ni berita iai.

Neemia 5:13 Iomraidhean Croise

2.Uea 23:3

Ao ngke e a bane a na wareware Iotia, ao e tei i rarikin te boua teaina. Ao e tuangiia aomata b'a a na berita n aran te UEA b'a a na kakaonimaki nakon te UEA ma ni irii nanon ana kaetieti. Ao a kariaia aomata b'a a na karaoi b'aai ni kabane ake a koreaki i nanon te boki.

1.Rongorongo 16:36

Te UEA ae Atuan Iteraera, ko bon riai n neboaki n aki totoki.” I mwiin banen ana anene Tawita, ao a takaarua aomata ni kaangai, “Amen, Neboa te UEA!”

Neemia 8:6

Ao e neboa te UEA ae te Atua Etira, ao a takaarua aomata ni kaangai, “Amen! Amen!” Ao i mwiina, a boobaraaki nako aontano ao a taromauriia te UEA.

Taian Areru 119:106

I a tia ni kab'aka au taeka, ao N na kakoaua b'a N na tou mwin am Babaire aika raraoi.

Taian Areru 50:14

E na riki ami katituaraoi b'a ami karea nakon te Atua, Ao kam na kakoro bukin ami taeka ni bau nakon Teuare Moan te Rietaata.

Taian Areru 76:11

Kakoro bukin ami taeka ake kam a tia ni kab'akai nakon te UEA ae te Atua; Ngkami aika botannaomata aika kam ua-kaan, kam na uoti b'aai n tituaraoi nakon te Atua are riai ni makaki.

Taeka n Rabakau 28:4

E neboa te aomata ae e buakaka taan urua te tua, ma a aki toki ni kaitaraaki n taai nako irouia aomata aika a kaawakin taian tua.

Te Minita 5:5

E raoiroi riki ngkana ko bon aki karaoa te berita, nakon ae ko karaoa te berita teuana ao ko aki kakoroa bukina.

Warekaia Iteraera 5:22

Ao i mwiina, e na kaangai te ainenum'a, “E na koro bukin am taeka aika ko taekin, ngkana I a bon tia ni bure.”

Mataio 10:14

Ao ngkana akea temanna i buakoia ae m'aneingkami n akoingkami, ke e aki ongo ami taeka, ao kam na taei bubun aontano mai waemi ngkana kam kitana te kawa are ab'ab'aki arei, b'a kaotan ae kam a rawa mai rouia.

M'akuri 13:51

Ao ngaiia a taei tanoni waeia b'a kaotan ae ai akea tabeia irouia kaain te kaawa arei, ao a nako Ikonio.

M'akuri 18:6

Ma a ekianako ao a taetaebuakaia, ao ngaia e ioioa ana kunnikai, ao e taku nakoia, “Kam na boni bukintaeka n ami bure! Akea au bure iroumi! I mwini ngkai ao I a nakoia aomata aika tiaki I-Iutaia.”

1.I-Korinto 14:16

B'a ngkana ko tataro ni katituaraoi n te tamnei, ao e na iranna n atonga te “Amen” n am katituaraoi te aomata ae kan rin n te ekaretia ma e tuai n rin, ngkae e aki ata am taeka?

1.Tamuera 15:28

Ao e taku Tamuera, “E a tia te UEA ni bwenaua te tautaeka ni Iteraera man anaia mairoum n te bong aei, ao E na anga nakon temanna ae raoiroi riki nako im.