Neemia 4:4 - Te B'aib'ara

⁴ Ma I tataro ni kaangai, “Atuara, a ribaira te koraki aikai ao a tangiria b'a ti na taonaki n taiani kangaanga. Taiaoka kaekaa ara tataro ao kaoki aia taeka nakoia! Ko na karaoia b'a koraki ake a na uotaki nako b'a taian taenikai n te buaka.

Neemia 4:4 Iomraidhean Croise

Neemia 5:9

Ao I reitanako au taeka ao I taku, “E bure te b'ai ae kam a tia ni karaoia! Ti na karinea Atuara n arora ni maiu, b'a a aonga tientaire n aki noora te kaairua iroura.

Taian Areru 79:12

Te Uea, kaitiua te tai nakoia botannaomata booni mwin aia taetae n iowawa ni kabane nakoim.

Taeka n Rabakau 3:34

E kaenaena te UEA nakoia akana a kaenaena naba, ma e akoia ni kabane aika a nanorinano.

B'aeb'aeti 1:22

“Baairei taekaia i bukin aia m'akuri aika a buakaka; Katuuaia, n ai arom ngke Ko katuaaira naba i bukin ara bure. I tang ni korakai, ao e a aoraki nanou.”

Otea 12:14

Iteraera, N na karaoiko b'a ko na kabomwi i bukin am bure aika a kakamaaku ao i bukin kamatauningaau.

1.Tamuera 17:26

Ao e titiraki Tawita nakon te tautia are e mena i rarikina ao e taku, “Tera ae na reke nakon te m'aane are tiringa kaain Biritia arei ma ni katokia man kakaotinakoaia ara aomata? Tao e taku b'a tera ngaia kaain Biritia ae akea manenana aei? E b'ainingarea Ana taanga ni buaka te Atua ae maiu!”