Neemia 4:20 - Te B'aib'ara

²⁰ Ngkana kam ongo tangin te bu, ao kawaekoaingkami ni bootaki i rarikiu. E na buokiira te Atua n te buaka.”

Neemia 4:20 Iomraidhean Croise

1.Rongorongo 19:12

Ao Ioaba e tuanga tarina ni kaangai, “Ngkana I a aki konaa ni kaaitaraia kaain Turia b'a a rangi ni m'aiti nakoira ao ko a manga roko ni buokiira. Ao ngkana a manga rangi ni korakora riki kaain Ammon nakoimi, ao ti na manga roko ni buokingkami.

Neemia 4:19

Ao I tuangiia aomata ma taiani mataniwi ao taani kairiiri ni kaangai, “E rangi ni marangaranga ara m'akuri, n te aro are ti a rangi ni maaenako.

Neemia 4:21

E waaki karaoan te oo irouia taani m'akuri ni katoa bong man te ingabong ni karokoa te tairiki, ao nikiraia a tei ma aia kainiwai.

Te Otinako 14:14

E na buaka te UEA ae Atuami i bukimi, ao bon akea te b'ai teuana ae kam na tangiria ni karaoia.”

Te Otinako 14:25

E kabae wiiran aia kanibuaka, n te aro are a baenikai. Ao a taku kaain Aikubita, “E a buaka te UEA i bukiia Iteraera ni kaitaraira. Ti a kawaekoaira n nako mai ikai!”

Tekaria 14:3

E na buakan taian botannaomata aikai te UEA kanga ai aron te tia buaka ae e un i nanon tain te buaka.

Te Tua-Kaua 1:30

E na kaira te kawai te UEA ae Atuara, E na buaka i bukira, n aron are ti nooria ngke E karaoi b'aai ni kabane nakoia kaain Aikubita.

Te Tua-Kaua 20:4

E na buaka te UEA ae Atuami i rarikimi, ao E na buokingkami ni katokanikaingkami n te buaka.

Iotua 23:10

E kona temanna mai i buakomi ni kataenikaia tengaa te aomata, kioina ngke E berita te Atua b'a E na buaka i bukimi.