Neemia 4:14 - Te B'aib'ara

¹⁴ Ao i mwiina, I tarai b'aai ni kabane ao I tuangiia taani kairiiri, mataniwi, ao aomata ni kabaneia ni kaangai, “Kam na aki maakuia ami kairiribai! E korakora te UEA ao e aki konaa ni maaku. Ma ngaia ae, kam na iangoia ao buaka i bukiia ami koraki ao ami ataei, buumi ao mwengami!”

Neemia 4:14 Iomraidhean Croise

2.Tamuera 10:12

Ko na ninikoria ao kakorakorako ni kaawakiniia ara aomata ao ana kaawa te Atua. Bon au tataro b'a E na karaoi b'aai nako te UEA ae e kukurei iai.”

2.Rongorongo 32:7

Kam na ninikoria ao kam na korakora! Bon akea riaina b'a kam na maaka te uea are Tennakeriba ma ana taanga ni buaka ae e korakora,

Neemia 1:5

Te UEA ae Atuan karawa, Ko kakannato ao Ko maakaki. Ao Ko bon kaakakoroa bukin am berita nakoia aomata ni kabane akana a tangiriko ma n ongotaeka n am babaaire.

Iobi 37:22

E nooraki te raaitiiti ae korakora i meang, ao raaititina e kamimiia aomata ni kabane ake a nooria.

Taian Areru 143:5

I uringi boong aika nako; I iaiangoi am m'akuri ma b'aai ni kabane ake Ko karaoi, ao i kaaki n au iango am m'akuri ni kabane.

Taian Areru 20:7

Tem'angina a onimakin aia kaanibuaka, ao tem'angina aia aoti, ma ngaira, ti onimakina m'aakan te UEA ae Atuara.

Taian Areru 27:1

Bon ootau ma au tia kamaiu te UEA; Akea ae N na makua. Bon nneu ni kamanoai te UEA man taiani kanganga nako; N na bon aki maaku.

Taian Areru 46:11

Bon raora te Atua ae Moan te M'aaka, Bon otangara Atuan Iakob'a.

Taian Areru 65:5

Ko anganira te tokanikai b'a kaekakira iroum, Ao Ko karaoi baika kamimii b'a ti aonga ni kamaiuaki iai. A bane ni mwioko iroum aomata nako i aon te aba ma ake a maeka i kiraroa ni katokini marawa.

Taian Areru 66:3

Kam na kaangai nakon te Atua, “Ai kamimiira am M'akuri aika Ko karaoi! E korakora M'aakam, ma ngaia ae a bobaraaki aiam i m'aim b'a a makuko.

Taian Areru 66:5

Kaaraki, noori baika kamimii, aika ana m'akuri te Atua i buakoia aomata.

Te Otinako 14:14

E na buaka te UEA ae Atuami i bukimi, ao bon akea te b'ai teuana ae kam na tangiria ni karaoia.”

Te Otinako 14:25

E kabae wiiran aia kanibuaka, n te aro are a baenikai. Ao a taku kaain Aikubita, “E a buaka te UEA i bukiia Iteraera ni kaitaraira. Ti a kawaekoaira n nako mai ikai!”

Te Minita 12:1

Ururinga am Tia Karikib'ai mangkai ko uarereke! Ane ko na kaangai n ririki aika a na roko ngkana ko taonaki n te kaangaanga, “Bon akea kukureiu n te maiu aei.”

Taniera 11:32

Ao e na anai nanoia koraki ake a tia ni kitana te aro ni Iutaia, ma a na kaaitaraaki ni buakanaki irouia ake a teimatoa n aki kitana te Atua.

Tekaria 14:3

E na buakan taian botannaomata aikai te UEA kanga ai aron te tia buaka ae e un i nanon tain te buaka.

Warekaia Iteraera 14:9

Ma ngaia are, kam na aki rarawa nakon te UEA. Bon akea bukina b'a ti na maakuia aomata ake a maeka ikekei. E tei te UEA i bukira, ao a na bon aki kona ni kataenikaira!

Mataio 10:28

Kam na aki makuia akana kamatea te rab'ata b'a a aki kona ni kamatea te aomata ni koaua ane i nanon te rab'ata; ma kam na maka Teuare kona ni kamatea i Keenna te rab'ata ma te aomata ni koaua ane i nanon te rab'ata.

Te Tua-Kaua 1:21

A b'ainna ngkai kaain Amora, ma E a anganiira ngkai ara UEA ae te Atua. Bon te Atua naba are a tataromauria ara bakatibu, ao E a tia n tuangiira b'a ti na anaa te aba aei, ma ngaia are, kam na aki raraoma, ke ni maaku.’ ”

Te Tua-Kaua 10:17

E m'aaka riki te UEA ae Atuami nakoia atua ao uea tabeman, ao E na riai ni maakaki m'aakana are rangi ni korakora. A bane n eti n taai nako Ana babaire ni kabane, ao kam aki kona ni kamaraatona b'a E aonga ni bita Ana iango.

Ebera 13:6

Ma ngaia ae ti na aki maaku ni kangai: “Te Uea bon te tia buokai; N na aki maaku; Tera ae e kona te aomata ni karaoia nako iu?”

Iotua 1:9

Uringa are I a tia n tuangko, b'a ko na korakora ma n ninikoria! Tai maaku, ao tai b'arannano, b'a N na raoraoniko n taai nako ao n taabo nako ike ko nako iai, Ngai ae te UEA ae Atuam.”

Tani Motiki-taeka 3:27

n aaba ake a tabukibuki i Eberaim, ao e katanga te bu are te kanikina.