Neemia 3:28 - Te B'aib'ara

²⁸ A manga karaoa m'akoron te oo are i mwiina tabeman taiani ibonga, A moana aia m'akuri mai meangin te Mataroa are Aoti, ao a karaoi naba taiani m'akoro ake i matan oin aia auti n tatabemaniia nako.

Neemia 3:28 Iomraidhean Croise

2.Uea 11:16

Ma ngaia are, a katikitikia nako mataniwiin te taanga ni buaka nakon te mataroa are a kaakairaki iai taian aoti nako nanon te bareti, ao a tiringnga ikekei.

2.Rongorongo 23:15

E kataia ni birinako Nei Ataria, ma a raweia mataniwi n te taanga ni buaka ao a tiringnga i rarikin te mataroa ike a kakairaki iai taian aoti nakon te bareti.

Neemia 3:10

Ao e a manga karaoaki te m'akoro are i mwiina iroun Ietaia are natin Arumaba, are e tena mwengana ma ngaia. Ao e karaoa m'akoron te oo are i mwiina Atuti are natin Atiabeneia te m'aane.

Neemia 3:23

A manga karaoa te oo are i matan aia auti Beniamin ao Atuba. Ao Ataria are natin Maateia te m'aane ao tibun Anania te unim'aane, boni ngaia are e a manga karaoa te m'akoro are i matan ana auti.

Neemia 3:29

E manga karaoa te oo are i matan ana auti Tatoka are natin Immera te m'aane. E karaoa te m'akoro are i mwiina, Temaia are natin Tekania te m'aane, are e tararuaa te Mataroa are Mainiku.

Ieremia 31:40

E na katabuaki naba te M'arua are Innom are e rangi n ribaaki b'a e na riki b'a Au b'ai, ao ai uana naba ma taiani karaabee ake i mainiku ake a ruorikaaki nakon te Mataroa are Aoti nako nanon te M'arua are Kiteron. E na aki manga oki n uruakaki Ierutarem.