Neemia 3:26 - Te B'aib'ara

²⁶ E toki te tabo are i rarikin te Mataroa are Ran i mainiku ao n te taua i bukin teiakinan te Tembora. E tena ma te m'akoro are n te kaawa are e aranaki b'a Obera, ike a maeka iai taani m'akuri n te tembora.

Neemia 3:26 Iomraidhean Croise

1.Rongorongo 9:2

Koraki ake a moan okira aia kaawa bon taian ibonga, kanoan Rewi, taani m'akuri n te Tembora, ao Iteraera ake te korakina.

2.Rongorongo 27:3

E karaoa te Mataroa are Ieta Iotam n te Tembora ao e karaoi m'akuri aika a bati n onob'aia te oo are i rarikin te Maunga are Obera.

2.Rongorongo 33:14

Rimwi, e a manga katea oon tinanikun m'akoron Ierutarem are i mainiku Manate ao e a manga karietaa riki. E waaki te oo aei man te M'arua are Kion i meang nakon te Mataroa are Ika ao ni katobibia m'akoron te kaawa are e buubura arei are e aranaki b'a te Maunga are Obera. Ao e anganiia naba taian aobitia n te taanga ni buaka tib'angaia n tatabemaniia nako b'a tararuakin taian kaawa aika a buubura ake a nonoaki i Iuta n tatabeua nako.

Neemia 10:28

Ti bane ma taiani ibonga, kanoan Rewi, taan tei n te tembora, taan anene, taani m'akuri ao taani kairiiri, n ikotaki ma buura ao natira, ni kaokoroira mairouia taiani iruwa n te aba aei ao ngkai ti a rin i nanon te berita ma ootara aika a tab'anin raoi n te b'ai ae ti karaoia.

Neemia 11:21

Ma a maeka taani m'akuri ni m'akoron Ierutarem ae e aranaki b'a Obera, ao m'aane ake uoman ake taan tararuaia bon Tia ao Kitiba.

Neemia 12:37

Ao ngke a roko n te Mataroa are Koburake n Ran, ao a tam'arakea te kawai n ararake nakon ana Kaawa Tawita ao a ri rarikin te bareti, i m'aain are a toki n te Mataroa are Ran i rarikin oon te kaawa are i mainiku.

Neemia 3:27

A manga karaoa m'akoron te oo are i mwiina m'aane mai Tekoa, ao bon anne aia kauoua ni m'akoro. E waaki aia m'akuri man te tabo are e kaaitaraa te taua are e buubura are i bukin teiakinan te Tembora, ao e waaki nako ni karokoa te oo are i rarikin Obera.

Neemia 8:1

Ni moanibongin te kaitiua n nam'akaina, ao a bootaki aomata n te tabo ae e kamataata i matan te Mataroa are te Ran.

Neemia 8:16

Ma ngaia are, a booboti m'anganikaai aomata ao a karekea b'a te katantan i aon taubukin aia auti aika a booraoi aoia, ma katawanangin aia auti, ao katawanangin te tembora, ao te tabo ae e uki i rarikin te Mataroa are Ran ao te Mataroa are Eberaim.

Neemia 8:3

Ao e wareka ana Tua Moote nakoia man te moaningabong ni karokoa te tawanou, ao a bane ni kakauongo raoi.

Itaia 32:14

E na kiitanaki te bareti, ao a na akea aomata. Ao a na riki taian nono ma taua b'a nneia n takaakaro n aki toki taian aati aika a aki manana ao nnen tawaana n uteute ake kanaia tiibu.