Neemia 3:15 - Te B'aib'ara

¹⁵ E tautaekana m'akoron te aba are Mitib'a Tiarun are natin Koraote te m'aane, ao boni ngaia are e a manga karaoa te Mataroa are Koburake n Ran. E rabuna aon te kawai n rin, ao e katinetinei taiani mataroa ao e kanim taian b'auti aika a matoatoa ao taian tatanga aika taiani kai b'a rokana. E bon manga karaoi naba taian oo n te Nei are Tiroa. E mena te m'akoro aei i mwiin ana nnenaroka te uea ao e waaki nako ni karokoa te kawai n ruorikaaki nakon ana Kaawa Tawita.

Neemia 3:15 Iomraidhean Croise

2.Tamuera 5:9

Bon anne bukina ngkai iai te tua ae e kaangai, “Bon ti aomata aika a konaa n nakonako ke a noraaba aika a kariaiakaki i nanon te tembora.” E taua te nono are i aon Maungan Tion Tawita, ao i mwiina, e a manga m'aing nako ikekei, ao e arana te tabo arei b'a Ana Kaawa Tawita. Ao e a manga karaoa te kaawa arei, ni moanna man kanoaan nanona are mai mainiku.

2.Uea 25:4

ao a urua oon te kaawa tautian B'aburon. Ni bon te tairiki naba anne, ao a kataia n iangoi birinakoia Tetekia ma ana tautia man te mataroa are i rarikin nenarokan te bareti, e ngae ngke a ataia ae e a tia ni katobibiaki te kaawa. A kaineta te rereua,

2.Rongorongo 32:30

Bon Etekia are e karaoa te kanare are e na konaa ni karokoa te ran nakon te kaawa ae buubura are Ierutarem man te koburake n ran are Kion. Ni koauana, ao b'aai ni kabane ake e karaoi a bane n nakoraoi!

Neemia 12:37

Ao ngke a roko n te Mataroa are Koburake n Ran, ao a tam'arakea te kawai n ararake nakon ana Kaawa Tawita ao a ri rarikin te bareti, i m'aain are a toki n te Mataroa are Ran i rarikin oon te kaawa are i mainiku.

Neemia 2:14

N iteran te kaawa are e buubura are mai mainiku, ao I kaineta meang nakon te Mataroa are Koburaken Ran ao ana Nei n te Tebotebo te Uea, ma e a aki konaa n rin au aati b'a e a rangi n irariki te kawai.

Neemia 2:17

Ma ngke I a okirikaaki, ao I taku nakoia, “E a bon rangi ni urubekebeke Ierutarem n te koaua! A tia n uruaki mataroana ma ni b'aka ma ni buee, ao a bane b'aai nako ni uruaki. Ti a riai ni manga katea oon te kaawa b'a ti aonga ni manga kakatonga n ara kaawa ae e buubura aei.”

Neemia 3:12

Ao e tautaekana iteran aonon te aba are Ierutarem Tarum are natin Aroeti te m'aane, ao boni ngaiia ake a manga katea m'akoron te oo are i mwiina. E bon m'akuri naba ma ngaia natin Tiarum te aine.

Neemia 3:14

E tautaekana aonon te aba are Beta-akirem teuare Marekia are natin Rekaba, ao boni ngaia are e a manga karaoa te Mataroa are Kaabiti. E katinetinei taiani mataroa ao e kanim taian b'auti aika a matoatoa ao taiani tatanga aika taiani kai b'a rokaia.

Neemia 3:19

Etera are natin Ietua te m'aane, are e tautaekana Mitib'a, ao boni ngaia are e a manga karaoa m'akoron te oo are i matan autin taian b'ainibuaka ao e roota te tabo are e b'aoua iai te oo;

Neemia 3:7

Ao a karaoa te oo are i mwiina, Meratia mai Kibeon, Iaton mai Meronota, ao m'aane mai Kibon ao Mitib'a. E toki te m'akoro aei n ana auti te kowana n te Burawinti are Iuberetiti.

Neemia 3:9

E tautaekana iteran aonon Ierutarem Rebaia are natin Ura te m'aane, ao e a manga karaoa m'akoron te oo are i mwiina.

Te Minita 2:6

A m'aiti au tabo n ran aika I konaa n anaa te ran iai i bukin tebokan aroka.

Itaia 8:6

A tia aomata aikai n aki butim'aea ranin Tiroa aika a raanga ni karaurau ao a tia ni kukurei ni kaaina ana itera te Uea are Retin ao te Uea are Bika.

Ieremia 40:6

I iangoia b'a N na tiku i rarikiia kaain Iuta, ao I nako ni maeka i rarikin Ketaria i Mitib'a.

Ruka 13:4

Ao tera aroia aomata ake tengauni ma waniman, ake a b'akaraki n te auti ae te taua i Tiroam, ao a mate iai; kam taku b'a a buakaka riki nakoia aomata ni kabaneia ake a maeka i Ierutarem?

Ioane 9:7

ao E taku nakoina, “Ko na nako n teboki matam n te nei are Tiroam.” (Nanon te taeka aei, “Kanakoa”.) Ma ngaia are, e nako n teboki matana, ao e oki n noraba.

Tani Motiki-taeka 20:1

Ao a tewea boowin aia botannaomata Iteraera. Ao a karaoa aia kabowi n te tabo n taromauri are i Mitib'a i bukina ngke bon ana Aomata te Atua ngaiia. Ao a bane n roko m'aane aika a tau nakon te nakoa n tautia mai aon Iteraera ni kabane--mai Taan i meang, Beerateb'a i maiaki, ao Kireata i mainikun te Ioretan. 400,000 taiani m'aane ake a roko i Mitib'a, ao a bane n ti te bo aia namakin n aia m'akuri kaain te baronga are Beniamin. Ao e roko rongorongon te kabowi arei irouia kaain te baronga are Beniamin. Ao n te tai are a roko iai n aia tabo taani kairiiri man taiani baronga nako, ao a taku Iteraera, E kanga n riki te aro aei?