Neemia 2:6 - Te B'aib'ara

⁶ Ao e tekateka te ueanaine i rarikin te uea ngke e titirakinai ni kaangai, “Tao a na maanra ao ko a manga oki?” Ao e kukurei te uea ni kanakoai, ao I tuangnga te tai are n na manga oki iai.

Neemia 2:6 Iomraidhean Croise

Neemia 1:11

I butiiko b'a Ko na kaekaa au tataro ao aia tataro am taani m'akuri ake tekorakina aika a kukurei naba ni karinea aram. Ngkana I uota ana wain te uea n te bong aei, ao karaoia b'a e na kukurei irou, ma ni karaoa te b'ai ae n na buubutiia.

Neemia 13:6

E riki aei ni katenibwi ma uouan ana ririki Atatokititi n tautaekana B'aburon. I aki mena i Ierutarem n te tai anne, i bukina b'a I nako ni kawaria. Rimwi riki, ao I a karekea te kariaiakaki mairoun te uea

Neemia 2:4

Ao e taku te uea, “Ao tera ae ko tangiria b'a n na karaoia?” I tataro nakon te Atua are e taua taekan karawa.

Neemia 2:5

Ao i mwiina, ao I a tuanga te uea, “Teuae ko karineaki, ngkana e raoiroi, ao ko na kanakoai n okirikaaki nako Iuta, b'a I aonga ni konaa ni manga katea te kaawa are e buubura arei ike a taunaki iai au bakatibu.”

Neemia 5:14

Bon te kowana ngai i aon Iuta man ana kauabwi n ririki ni uea Atatokititi ni karokoa te katenibwi ma uoua n ririki. Ao i nanon ririki aika tebwi ma uoua aikai, ao I rawa ngai ma au koraki ni kang am'arake ake kanan te koowana.

Itaia 58:12

Kam na manga karaoi auti ake uoua ake a tiku n uruaki n ririki aika a bati; ao ko na kinaaki b'a te tia kateitei ngkoa ao te tia karaoa oon te kaawa ao kawain nako nuukan te kaawa.

Itaia 61:4

Ao i mwiina, ti na karaoi kaawa aika a buubura ake a tia ni uruaki i nanon rooro aika a bati.

Itaia 65:24

Im'ain tokin aia tataro, ao N na kaekai aia tataro.

Taniera 9:25

Karekea i nanon te baei, ao ataa nanona: Maanin te tai man te tai are e nako iai te kaetieti i bukin manga katean Ierutarem ni karokoa rokon ana tia kairiiri te Atua ae e rineaki, e na riai n tia ni koro itiua m'aitin itibwi te ririki. E na manga kateaki Ierutarem ma kawaina, ao nonona aika a mamatoa, ao e na tei i nanon itiua kam'aitia ma onobwi ma uoua te ririki, ma e na riki b'a tain te kabuanib'ai te tai anne.