Neemia 2:5 - Te B'aib'ara

⁵ Ao i mwiina, ao I a tuanga te uea, “Teuae ko karineaki, ngkana e raoiroi, ao ko na kanakoai n okirikaaki nako Iuta, b'a I aonga ni konaa ni manga katea te kaawa are e buubura arei ike a taunaki iai au bakatibu.”

Neemia 2:5 Iomraidhean Croise

2.Tamuera 14:22

Ao e boobaraaki Ioaba n rangi ni karinanoa ao e taku, “Te Uea ae ko karineaki, ko rab'a ngkai ko anganai te kariaiakaki. E teretere raoi iai b'a ko butim'aea au iango.”

Etira 5:17

Te uea ae ko karineaki, tuanga temanna b'a e na wareki rongorongo nikawai i B'aburon, ao kakaaea raoi taekan te uea are Tairati, ngke e anga ana taeka b'a e na manga karaoaki ana Tembora te Atua i Ierutarem. Ti na karaoi b'aai ni kabane akana ko taku b'a ti na riai ni karaoi.

Neemia 2:4

Ao e taku te uea, “Ao tera ae ko tangiria b'a n na karaoia?” I tataro nakon te Atua are e taua taekan karawa.

Neemia 2:6

Ao e tekateka te ueanaine i rarikin te uea ngke e titirakinai ni kaangai, “Tao a na maanra ao ko a manga oki?” Ao e kukurei te uea ni kanakoai, ao I tuangnga te tai are n na manga oki iai.

Etita 1:19

Ao ngkana ngaia anne te uea ae ko karineaki, ao ko na katanoata b'a e na aki manga roko Nei Watiti i matam. Ao ko na koroia n aia tua I-Botia ma I-Miria b'a e aonga n aki kona ni manga bitaki. Ao anaa tib'angana n ueanaine n anganiia aine tabeman aika a raoiroi riki.

Etita 5:8

Ngkana tao arona b'a e na kariaia te uea au bubuti, ao N na manga butiko riki ma Aaman b'a kam na manga riki naba b'a au iruwa nakon te baka n am'arake ningabong ae N na katauraoia i bukimi. Ao I a tuangko te b'ai ae I tangiria nakon te ingabong.

Etita 7:3

Ao e kaeka te ueanaine are Nei Etita ni kaangai, Ngkana ko kukurei iai te uea ae ko karineaki, ao te b'ai ae I tangiria, I tangiria b'a N na kamaiuaki ma au aomata.

Etita 8:5

Te uea ae ko karineaki, ngkana ko tabeakinai ao ngkana ko kukurei irou, ao I butiiko b'a ko na karaoa te katanoata ni katoka ana taeka Aaman b'a a na aki karaoaki nanoia, ake taeka ake e anga natin Ammetata are ana kariki Akaaka b'a a na tiringaki I-Iutaia ni kabane i nanon abanueam.

Taeka n Rabakau 3:4

E na tangiriko te Atua ma aomata ao a na atongko b'a ko tokanikai.

Taniera 9:25

Karekea i nanon te baei, ao ataa nanona: Maanin te tai man te tai are e nako iai te kaetieti i bukin manga katean Ierutarem ni karokoa rokon ana tia kairiiri te Atua ae e rineaki, e na riai n tia ni koro itiua m'aitin itibwi te ririki. E na manga kateaki Ierutarem ma kawaina, ao nonona aika a mamatoa, ao e na tei i nanon itiua kam'aitia ma onobwi ma uoua te ririki, ma e na riki b'a tain te kabuanib'ai te tai anne.

Mataio 23:27

A na reke kaimi, taani koroboki ma B'aritaio, aika taani m'am'ana-te-aba! B'a ai aron ruua ni mate aika kamainainaki ngkami; a tara n tamaroa mai tinanikuia, ma a on nanoia n riia maate ma baika mka n aekaia nako.

Ruuta 2:13

E kaeka Ruuta ni kaangai, “Teuae Ko karineaki irou, ko rangi n akoai, ao ko kabebetea nanou n am taeka aika a raraoi, e ngae ngke I aki boraoi ma am tia m'akuri te aine temanna.”