Neemia 2:17 - Te B'aib'ara

¹⁷ Ma ngke I a okirikaaki, ao I taku nakoia, “E a bon rangi ni urubekebeke Ierutarem n te koaua! A tia n uruaki mataroana ma ni b'aka ma ni buee, ao a bane b'aai nako ni uruaki. Ti a riai ni manga katea oon te kaawa b'a ti aonga ni manga kakatonga n ara kaawa ae e buubura aei.”

Neemia 2:17 Iomraidhean Croise

Etira 9:9

Bon tooro ngaira, ma ko bon aki te roko n tannako mairoura. I bukin am tangira nakoira, ao a buokiira taiani uea mai Botia. Kaanga ai aron ae Ko a tia n anganiira te maiu ae e boou. Ko kariaia b'a ti na manga katea am Tembora, ao mani maeka ma te rau i Iuta ao i Ierutarem.

Neemia 1:3

Ao a taku nako iu, “Bon iai aia kangaanga aika a m'aiti taenikai aika a okirikaaki. A bon rangi ni b'ainrang ngkai e a uruaki oon Ierutarem, ao a tia naba ni kabuokaki mataroana.”

Neemia 2:13

I ri nanon te Mataroa are M'arua are i maeao, ao I a manga nako aiaki ri rarikin te Koburake n ran are Raakon, i m'aain rokou nakon te Mataroa are Kaabiti.

Neemia 2:16

Bon akea temanna mai buakoia mataniwi n te kaawa are e buubura anne ae e ataa au iango. Ao I bon aki kaongoa naba temanna te I-Iutaia—ke te ibonga, ke taani kairiiri, ke taiani mataniwi, ke taian I-Iutaia ake tekorakina ake a na buoka te m'akuri.

Neemia 3:15

E tautaekana m'akoron te aba are Mitib'a Tiarun are natin Koraote te m'aane, ao boni ngaia are e a manga karaoa te Mataroa are Koburake n Ran. E rabuna aon te kawai n rin, ao e katinetinei taiani mataroa ao e kanim taian b'auti aika a matoatoa ao taian tatanga aika taiani kai b'a rokana. E bon manga karaoi naba taian oo n te Nei are Tiroa. E mena te m'akoro aei i mwiin ana nnenaroka te uea ao e waaki nako ni karokoa te kawai n ruorikaaki nakon ana Kaawa Tawita.

Taian Areru 102:15

Ane a na maka te UEA botannaomata; a o a na bane uean aonnaba ni maka m'akana.

Taian Areru 44:13

A noori baike Ko karaoi nakoira baronga ake a maeka i rarikira, Ao a kaenaenaira ma ni ngareakinira.

Taian Areru 44:14

Ko karikira b'a b'ainingare irouia botannaomata, Ao a ioioi atuia nakoira.

Taian Areru 79:12

Te Uea, kaitiua te tai nakoia botannaomata booni mwin aia taetae n iowawa ni kabane nakoim.

Taian Areru 79:4

A taetae ni kabuakakaira botannaomata aika maeka i rarikira; A ngareakinira ao a kakanikoira.

Ieremia 24:9

N na katuaaia n te kabuanib'ai ae moan te kamaamate, ao a na maaku kaain aonnaba ni kabane ngkana a ongo taekana. N na kairoroia kaain Iuta b'a a na nako abaia ianena, ike a na kamaraiaaki ma ni kamamaaeaki iai.

B'aeb'aeti 2:2

E na bon kamaunai kaawan nako Iuta te UEA n akea ana nanoanga. Ao E na katabwenai taian nono ake otangan te aba. E uota te rawaawata nako aon abanuea ma taan tautaeka.

B'aeb'aeti 3:51

E rootaki nanou n te rawaawata ngke I noora te b'ai are e riki nakoia ainen te kaawa.

Etekiera 5:14

A na bane ni ngare aika a rirarikimi n te urub'ai ae e riki nakoimi. Ane a na kamamaaeingkami

Mika 7:11

Ngkami aika kaain Ierutarem, e a roko te tai are kam a riai iai ni manga katea oon ami kaawa. E na rangi ni buubura riki abami nakon ae ngkai, ngkana e roko te tai arei.

1.Tamuera 11:2

Ao e taku Naati, “Eng, n na tiainaa te boraraoi! Ma n na ti karaoia ngkana I tia n auti kanoani mataia are te atai m'anen Iteraera ni kabane ake a maeka i Iabeti.”