Neemia 2:10 - Te B'aib'ara

¹⁰ Ma ngke a ongo Taneb'arata mai Oron ao Tobia are te mataniwi i Ammon e ongo te b'ai are e riki, ao a rangi ni maraki nanoia, i bukina b'a a aki tangira temanna b'a e na buokiia Iteraera.

Neemia 2:10 Iomraidhean Croise

Neemia 13:1

Ao n te bong arei ngke e a warekaki ana Tua Moote n te b'anaa ae korakora nakoia aomata ni kabane, ao e a kuneaki ae a aki kariaiakaki kaain Ammon ma kaain Moaba b'a a na riki b'a a na aomata te Atua.

Neemia 13:28

Ao iai natin Ioiata are natin te ibonga are Eriatiba, ae e mare ma natin Taneb'arata te aine; Taneb'arata are kaain Oron, ao I kairoroia natina m'aane b'a a na nako.

Neemia 13:4

Bon ana koraki Eriatiba teuare Tobia ao e a tia mai m'aaina n anganaki tib'angana tararuaan taian ruunib'ai n te tembora.

Neemia 2:19

Ao ngke a ongo Taneb'arata, Tobia ao Ketem are kaain Arabia ara iango ao a waakina aia taetae ni kamaraki nanora ao a taku, “Ani bon taraingkami! Kam iangoia b'a kam na manga katea oon te kaawa ma n kaaitaraa te uea?”

Neemia 4:7

Ao a rangi n un Taneb'arata, Tobia, kaain Arabia, kaain Ammon, ao kaain te kaawa are Atitota ngke a nooria b'a e a waaki nako karaoan te oo ao a tia ni bonotaki taian b'angab'anga

Neemia 6:1

Ao a ataia Taneb'arata, Tobia, Ketem, ao ara kairiribai ake tekorakina ae I a tia ni kabanea manga karaoan te oo. Ti te b'ai ae I tuai ni karaoia bon katinetinean taiani mataroa ni mataroan taiani kawai n rin.

Neemia 6:16

Ao ngke a ataia ara kairiribai ake i rarikira ae e a tia karaoan te oo, ao a rangi ni b'ara nanoia, i bukina b'a a ataia ae e a tia Atuara ni buokiira ni manga karaoa te oo.

Etita 10:3

E kauoman Morotekai are te I-Iutaia i aan te uea are Keatiti. E karineaki, ao e rangi n tangiraki irouia raona n I-Iutaia. E m'akuri i bukin kab'aiaia ana aomata, ao i bukin kamanoaia aia kariki ni kabane.

Taian Areru 112:10

A nora aio akana buakaka ao a un iai mani kangkantii bukini m'angaia: ao a bua naba nanoia; E aki koro bukin aia kaantaningaia.

Taeka n Rabakau 27:4

E kamaamate te aomata ae e un, ma e a rangi ni kamaamate riki te aomata ae e babakantang.

Taeka n Rabakau 30:22

Ngkana e a manga riki n uea te toro, ao te nanobaba ae e rangi kabatia kanana ae e kanna.

Te Minita 10:7

a kariaiakaki tooro b'a a na toka i aoia aoti; ao a kairoroia aia toka tooro b'a a na nakonako i aoni waeia.

Itaia 15:5

Ai kaawara Moaaba! A biri nako kaaina nako Toa ao nako Ekerata-Teritiia. A tang i aon kawaia ni waerake nakon te kaawa are Ruita; A taekina rongorongon te kabuanib'ai i aon te kawai nako Oronaim.

Ieremia 41:10

Nebutaratan, are mataniwiia ana taanga ni buaka te uea are Nebukaneta a tia ni katuka natin te uea are Tetekia te aine ao aomata aika a m'aiti i Mitib'a, ao a katuka Ketaria b'a te tia tararuaia. Ma n te tai aei, e kabaneia ni uotiia nako Itimaera b'a taenikai ao e kairiia ni kaineta Ammon, ni iteran te Karaanga are te Ioretan are te iterana.

Ieremia 48:34

E na ongo te aba te tang mai Etibon ae e roota Ereare ao Iaati; e na ongo te aba te tang mai Toa i Oronaim ao Ekera Teritiia. Ao e na m'auteretere Karaangan Nimrim ae e uarereke.

Ieremia 48:5

ao a na tang i aoni kawaia ni waerake nakon te kaawa are Ruita; A na tuangaki taekan taiani kabuanib'ai i aon te kawai nako Oronaim.

M'akuri 4:2

A un i bukina ngke a reireiia aomata ao a taekina te manga-maiu mai buakoia maate iroun Iesu.

M'akuri 5:24

Ngke e ongo taeka akekei aia mataniwi bureitimanin te Tembora, ma ibonga ake mataniwi, ao a nanokokoraki iai, b'a e na kanga n riki te baerei.