Neemia 13:5 - Te B'aib'ara

⁵ Ma ngaia are, e a manga kamaekaa Tobia n teuana mai buakon ru aikai, ike a tia ni kaawakinaki iai aekaki ni b'ai nako-te angab'ai are te uita, b'ai ni kaboiarara, b'ai n am'araken te Tembora, ao ai uana naba ma kabwianib'ai man te uita, wain, ao b'aan te oriwa ake a tia n anganaki irouia kanoan Rewi ake taan anene, ao taan teiakina te tembora, ao taian b'aintangira i bukiia ibonga.

Neemia 13:5 Iomraidhean Croise

2.Rongorongo 31:11

Ma ngaia are, e anga ana taeka te uea b'a a na karaoaki taian ruunib'ai n te Tembora, ao ngke a tia

2.Rongorongo 34:11

ao a anga nikirana nakoia taiani kabenta ao taani kateitei, ake a kabonganaa ni kabooi iai taian atiibu ao kaai ake a kainanoi i bukin onob'aian kateitei ake tabeua ake a tuai man tararuaaki irouia taian uean i Iuta.

Neemia 10:36

Ti na uouoti naba ara karimoa m'aane ao karimoa aine man ara nanai ni kao ao ara nanai n tiibu man n anga nakoia taian ibonga ake a m'akuri n te Tembora, i bukina b'a bon aei te b'ai ae e koreaki n ana Tua te Atua.

Neemia 10:37

Ti na uoti nakoia taiani ibonga n te Tembora taiani kariki aika a aki manti raoi ma moan uaan te tai, n reitaki ma raraoin uaan arokara, ao ara angab'ai are te wain ae e boou ma b'aan te oriwa. Ti na uoti naba katebwinan m'akoron ara tai are te uita nakoia kanoan Rewi ake tabeia riko aia n ara kaawa nako.

Neemia 10:38

A na riai ni mena ikekei ana utu Aaron ngkana ti anga baikai nakoia kanoan Rewi. Ao i mwiina, a na kaaki teuana te katebwina man te m'akoro aei i nanon ruunib'ain te Tembora,

Neemia 12:44

A rineaki tabeman taani kairiiri b'a taani kaawakin taian b'aintangira i bukin te Tembora ao taan butim'aai moan uaan te tai ao kabwianib'ai man taian uita ao man taiani man ake a anga aomata nakon te Atua n te bong naba arei. Bon taan kairiiri naba aikai ake a riirikoi taian uita ake a taekinaki n ana Tua Moote b'a a na anganaki kanoan Rewi. A bane ni kukurei aomata n aia m'akuri ibonga ma kanoan Rewi.

Neemia 13:7

b'a n na okira Ierutarem. Ao I a tib'a ataia b'a ngaia e a tia Eriatiba ni karaoa te m'akuri ae moan te buakaka aei ngke e kamaekaa Tobia i nanon ruun te Tembora.

Etekiera 40:38

Iai te auti ae e uarereke ae e nim ma te mataroa are mai meaang. E uki nakon ruun te kawai n rin are e kaaitaraa katawanangin oon te Tembora, ao a kaitiaki iai maan ake a tiringaki b'a a na kabuokaki b'a te karea are kakukureian te UEA.