Neemia 13:31 - Te B'aib'ara

³¹ I bon baaireia naba aomata b'a a na uoti taian aia i bukin te baonikarea ni katoa bong ao I baaireia naba b'a a na uoti moan m'akoron uaan aia tai nakon te Tembora. I tataro b'a e na kakab'aiaai te Atua i bukin b'aai aika a raraoi aika I a tia ni karaoi.

Neemia 13:31 Iomraidhean Croise

Neemia 10:34

Ti a tia n iangoia b'a e na katauraoaki te aia i bukin te tembora ni katoa ririki irouia utuia nako taian ibonga, Kanoan Rewi, ao ai bon aomata n aki akaaka, b'a e aonga ni konaa ni karaoaki te anga karea i aon te baonikarea, n aron are e a tia n tuangiira iai te UEA ae Atuara.

Neemia 10:35

Ti na uouota moan m'akoron ara tai n te uita ma te uanikai.

Neemia 10:38

A na riai ni mena ikekei ana utu Aaron ngkana ti anga baikai nakoia kanoan Rewi. Ao i mwiina, a na kaaki teuana te katebwina man te m'akoro aei i nanon ruunib'ain te Tembora,

Neemia 13:14

I tataro b'a e na ururing baika a raraoi aika I a tia ni karaoi aikai nakon ana Tembora Atuau ao aomata naba ake a tia n taromauri iai.

Neemia 13:22

I tuangiia kanoan Rewi b'a a na katabuia ao a na teiakin taiani mataroa n te Taabati, b'a e aonga n teimatoa tabuna. E bon akoi ni koaua te Atua, ao I tataro b'a e na karaoa ae e raoiroi nako iu ma ni kakab'aiaai ngkai I a tia ni karaoa aei.

Neemia 5:19

I tataro b'a e na kakab'aiaai te Atua ni b'aai ni kabane ake I a tia ni karaoi nakoia au aomata.

Taian Areru 106:4

Te UEA, uringai ngkana Ko buokiia am Botannaomata, Ao kamaiuai ma ngaiia;

Taian Areru 25:7

Kab'arai au bure ake I karaoi ngke te kairake ngai. Te UEA, ururingai n ai aron am Tangira ae teimatoa ma am Raoiroi!

Ruka 23:42

Ao ngaia e taku, “Iesu, uringai n akoai ngkana Ko riki b'a te Uea!”