Neemia 13:28 - Te B'aib'ara

²⁸ Ao iai natin Ioiata are natin te ibonga are Eriatiba, ae e mare ma natin Taneb'arata te aine; Taneb'arata are kaain Oron, ao I kairoroia natina m'aane b'a a na nako.

Neemia 13:28 Iomraidhean Croise

Neemia 12:10

Iotua bon taman Ioiakim, ao tibun Eriatiba te unim'aane, ao tibutorun Ioiata te unim'aane.

Neemia 12:22

I nanon aia tai ibonga aika a rietaata aika Eriatiba, Ioiata, Ioanan, ao Iarua, ao i nanon naba ana tai ni uea Taraiati i aon Botia, ao a kaawakinaki araia koraki ake a riki b'a atuun kanoan Rewi ao utuia taiani ibonga.

Neemia 13:25

Ma ngaia are i bukin marakin nanou, ao I a kamaraiaia m'aane aikai. I tua b'a a na oreaki ao ni bon kouti naba iran atuuia tabeua. Ao i mwiina, I karaoia b'a a na berita; N aran te Atua ao I berita b'a n na aki mareia natiu m'aane ao natiu aine ma I-anena.

Neemia 2:10

Ma ngke a ongo Taneb'arata mai Oron ao Tobia are te mataniwi i Ammon e ongo te b'ai are e riki, ao a rangi ni maraki nanoia, i bukina b'a a aki tangira temanna b'a e na buokiia Iteraera.

Neemia 2:19

Ao ngke a ongo Taneb'arata, Tobia ao Ketem are kaain Arabia ara iango ao a waakina aia taetae ni kamaraki nanora ao a taku, “Ani bon taraingkami! Kam iangoia b'a kam na manga katea oon te kaawa ma n kaaitaraa te uea?”

Neemia 3:1

Aikai aomata ake a buoka manga katean oon ao Mataroan nako Ierutarem: Te ibonga ae e rietaata are Eriatiba ao ibonga ake tekorakina a manga katea te Mataroa are Tiibu ao a katinetinei mataroana. Ao i mwiina, a katabua te Mataroa are Tiibu ao m'akoron te oo ni karokoa te Taua are Tebubua ao te Taua are Ananera.

Neemia 4:1

Ao ngke e ongo Taneb'arata are te kowana i Tamaria b'a e a manga karaoaki oon Ierutarem, ao e rangi ni maraki nanona ao e a moana kaunakiia aomata.

Taian Areru 101:8

N na bane ni kamaunaia akana buakaka i aon te aba ni katoa ingabong; B'a a aonga ni bane n nako akana buakaka man ana kaawa te UEA.

Taeka n Rabakau 20:26

E kakorakoraa tuaaia aomata aika taani bure te uea ae e wanawana.

Taeka n Rabakau 20:8

A katinei taiani kakoaua, taan tautaeka aika a karaoa aia motikitaeka.