Neemia 13:25 - Te B'aib'ara

²⁵ Ma ngaia are i bukin marakin nanou, ao I a kamaraiaia m'aane aikai. I tua b'a a na oreaki ao ni bon kouti naba iran atuuia tabeua. Ao i mwiina, I karaoia b'a a na berita; N aran te Atua ao I berita b'a n na aki mareia natiu m'aane ao natiu aine ma I-anena.

Neemia 13:25 Iomraidhean Croise

2.Uea 2:24

Ao e rairaki Eritai ao e kareke taraaia ataei ni maanee akekei. Ao i mwiina, e a kamaraiaia n aran te UEA. Ao ni bon te tai naba arei, ao a biri n otinako uoman taiani bea man te buakoako ao a raebitiia angaun ma uoman mai buakoia ataei ni maanee akekei.

Etira 10:5

Ao e teirake Etira ao e katueaia mataniwi ni ibonga, kanoan Rewi, ao aomata ni kabane i aon Iteraera b'a a na iri ana babaaire Tekania.

Etira 7:26

Ni kabaneia koraki akana a aki ongotaeka nakon ana tua te Atua ke ana tua te uea, a na katuaaeaki n aki nanoangaaki. A na kamateaki, ke a na kainaki n te karabuuti, ke a na kanakoaki man te aba, ke a na bane n anaaki b'aai ni kabane akana a b'ain.

Neemia 13:11

I weteia taani kairiiri ni bootia ao I titirakiniia ni m'angaingai ni kaangai, “E aera ngkai e a kiitanaki te Tembora? Ao i mwiina, I a tuangiia b'a a na moana karaoan aia m'akuri.

Neemia 13:17

E rangi ni maraki nanou ao I taku nakoia taani kairiiri i Iuta, “Bon te m'akuri ae moan te kam'araaea te Taabatite b'ai ae kam a tia ni karaoia!”

Neemia 13:24

E kaaniia iteraia natiia aika a aki konaa n taetae n Ebera—a ti konaa n taetae n Atitota ke taian taetae ni i-anena ake tabeua.

Neemia 5:13

Ao i mwiina, I kabaabanea kanoan au buua ao I taku, “Ngkana kam aki kakororaoa ami berita, ao anne te b'ai ae e na karaoia te Atua nakoimi. E na kabanei ami b'ai ni kabane akana iroumi ni kanakoi, ao e na bon uoti nako naba ami auti.” Ao a taku aomata, “Ti na kakoroi raoi bukin ara berita.” Ao i mwiina, a neboa te UEA ao a karaoi baike a tia ni berita iai.

Neemia 5:6

Ao ngke I ongo ngurengureia ma aia boo, ao I a rangi n un.

Taian Areru 119:53

I rangi n un irouia aomata aika buakaka aika urua am Tua.

Taian Areru 15:4

A kakeai bongaia aomata aika akea aroia, mani kaota te karinerine nako ia aomata ni kabane ake a taromauriia te UEA, mani kawakin aia berita, n aki ongea booia.

Te Otinako 34:16

Ane a na mare ami mm'aane ma aia aine ma ni kakairi n taromauriaia antiia.

Taeka n Rabakau 28:4

E neboa te aomata ae e buakaka taan urua te tua, ma a aki toki ni kaitaraaki n taai nako irouia aomata aika a kaawakin taian tua.

Itaia 50:6

I kariaia b'a a na orea nuukau ma ni katika rake buaiu. I aki tannako mairouia ngke a kab'ainrangai ma ni baawarea matau.

Te Tua-Kaua 6:13

Taromauriia, ao ongotaeka iroun te UEA ae Atuami ma te maaku ao te ruru, ao berita b'a kam na kakaonimaki nakoina.

Te Tua-Kaua 7:3

ao kam na aki kaieiniia naba natimi aine, ao natimi m'aane ma ngaiia.

Iotua 23:12

Ngkana kam aki kakaonimaki nakoina b'a kam a manga reitaki ma nikiraia botannaomata, ma ni manga iein ma ngaiia,