Neemia 13:16 - Te B'aib'ara

¹⁶ Ao a manga uoti taian ika ao b'aai riki tabeua nako ikekei ni kabooi nako n te Taabati, aomata ake a m'aing nako Ierutarem man te kaawa are i Turo.

Neemia 13:16 Iomraidhean Croise

Neemia 13:15

I ataa naba te b'ai ae a karaoia kaain Iuta n te Taabati. A aki ti kamanti kureebe i bukin karekean te wain, ma a bon taia naba uaan te uita, te kureebe, te biiku, ao uaan aroka ake tabeua, ao i mwiina, a katokai i aon taian aati ma ni kabooi nako i Ierutarem. Ma ngaia are, I kauringiia b'a a na aki kabooi nako am'arake n te Taabati.

Neemia 13:17

E rangi ni maraki nanou ao I taku nakoia taani kairiiri i Iuta, “Bon te m'akuri ae moan te kam'araaea te Taabatite b'ai ae kam a tia ni karaoia!”

Te Otinako 20:10

ma te kaitiua ni bong, bon te bong ni motirawa ae katabuaki b'a au b'ai. Bon akea temanna ae na m'akuri n te bong anne. Kam na aki m'akuri iai ngkami ma ami ataei, ami toro, ami man ke ami iruwa akana maeka i abami.

Te Otinako 23:12

Kam na m'akuri ni bong ake onobong n te wiiki, ao kam na motirawa ma ni katoki kuami n te kaitiua ni bong. E na aki ti b'ainaki te tua aei i roumi, ma irouia naba ami kaomm'aane, aati, ao ami toro, ai uana naba ma iruwa akana a maeka i buakomi.

Te Tua-Kaua 5:14

ma bon Au b'ai te kaitiua ni bong, Ngai ae Atuami. Bon akea ae na m'akuri n te bong anne--ngkami, ami ataei, ami kao ke ami aati ke ami man tabeua, ao ami iruwa naba ake a maeka n ami kaawa. Ao kam na aki kam'akuriia naba ami toro.