Neemia 13:10 - Te B'aib'ara

¹⁰ I bon kunea naba b'a a tia n okiri aia m'akuri nako n aia nnenaroka tabeman taan anene ma kanoan Rewi ake tekorakina, i bukina ngke a tuai man anganganaki tib'angaia man uaan te tai.

Neemia 13:10 Iomraidhean Croise

2.Rongorongo 31:4

E tuangiia kaain Ierutarem b'a a na uoti aia angab'ai ake a na anganaki taian ibonga ao kanoan Rewi, b'a a aonga n reke aia tai ni m'akuri i bukin te UEA n aia m'akuri.

Neemia 10:37

Ti na uoti nakoia taiani ibonga n te Tembora taiani kariki aika a aki manti raoi ma moan uaan te tai, n reitaki ma raraoin uaan arokara, ao ara angab'ai are te wain ae e boou ma b'aan te oriwa. Ti na uoti naba katebwinan m'akoron ara tai are te uita nakoia kanoan Rewi ake tabeia riko aia n ara kaawa nako.

Neemia 10:39

are bon nnen naba b'aai aika a tabu aika a na kabonganaaki irouia ibonga, ao te Tembora, ao ai taan anene. Ti na riai n aki kakeaa manenan ana Tembora Atuara.

Neemia 12:47

A bane Iteraera n anga b'aai nako ake a bon taku b'a a na kainanoaki irouia taan anene ao taan tei n te tembora man te baronga are Rewi i nanon au tai ma Terub'abera. Ao i mwiina, a na anganaki ibonga tib'angaia mairouia kanoan Rewi man b'aai ake a tia n reke irouia.

Itaia 43:23

Ko a tia n aki karineai ni karean taian tiibu ma maan riki tabeua. Ao I tuai ni karawaawatako n tangiri taian karea ke taiani b'ai ni kaboiarara.

Maraki 3:8

Kam kimoai Ngai ae Atuami ngkami aika aomata. Ikai are kam titiraki iai nako iu ni kaangai, “Ti kimoaiko n te aro raa?” Kam kimoaai n te angab'ai ao n te kabwianib'ai are bon Au b'ai.

Warekaia Iteraera 35:2

b'a e na kaangai nakoia: Ngkana e reke iroumi aban ami baronga nako, ao kam na anga kaawana tabeua ma tawaana ni uteute tabeua nakoia te baronga are Rewi.

Te Tua-Kaua 12:19

Ma kam na ti aki kana raraan te man, katinakoa moa raraana i aon tano.